„ჭავჭავაძის და პეკინის გამზირზე არსებულმა მაღაზიებმა უფრო მეტად იზარალეს, ვიდრე სავაჭრო ცენტრებში“ - Cushman & Wakefield

„ჭავჭავაძის და პეკინის გამზირზე არსებულმა მაღაზიებმა უფრო მეტად იზარალეს, ვიდრე სავაჭრო ცენტრებში“ - Cushman & Wakefield

access_time2020-12-17 11:00:53

უძრავი ქონების საკონსულტაციო კომპანია Cushman & Wakefield-ი მესამე კვარტლის მდგომარეობით, სავაჭრო და საოფისე სექტორების შესახებ მიმოხილვას აქვეყნებს.


ორგანიზაციის ანგარიშის თანახმად, მესამე კვარტლაში ამ სფეროში გააქტიურება შეინიშნებოდა, რაც სავაჭრო ცენტრების გახსნას უკავშირდებოდა, თუმცა არაერთმა ბრენდმა ქართული ბაზრიდან გასვლის გადაწყვეტილება მიიღო, მათ შორისაა Banana Republic-ი; Yargici; და Promod-ი. ხოლო ბაზარზე მხოლოდ ერთიბრენდი Ipekyol შემოვიდა. Cushman & Wakefield-ი აღნიშნულია, რომ ზაფხულის განმავლობაში რითეილერები ძირითადად წინა სეზონის კოლექციით ვაჭრობდნენ.


მიმოხილვის თანახმად, სავაჭრო ცენტრებში არსებულ მაღაზიებზე მეტად ქალაქის მთავარ ქუჩებზე - ჭავჭავაძესა და პეკინის გამზირებზე არსებული ბუტიკები და პატარა ზომის მაღაზიები დაზარალდნენ, რომელთა დიდი ნაწილიც დაიხურა. თუმცა აღსანიშნავია, რომ რუსთაველის გამზირზე, ჯერჯერობით, მოიჯარეების დიდი ნაწილი კვლავ ინარჩუნებს ობიექტებს.


გარდა ამისა, მესამე კვარტლაში A კლასის ბიზნეს ცენტრებში გასაქირავებელი ფართის საშუალოდ 37% იყო ვაკანტური, B კლასის ბიზნეს ცენტრებში კი, ეს მაჩვენებელი 34%-ს შეადგენდა. თუმცა, საოფისე ფართების ვაკანტურობის დონის ზრდის მიუხედავად ოპერატორებმა ქირავნობის ფასების საგრძნობი კორექტირება არ მოახდინეს და პირიქით გაზარდეს კიდეც.


ორგანიზაციის მიმოხილვით, თბილისის ბიზნეს ცენტრების საოფისე კომერციული ფართების მოცულობა 35,000 კვადრატულ მეტრამდეა. საშუალო ქირის მოცულობა ერთ კვადრატულ მეტრზე კი თვეში 20 დოლარზე მეტია.



რაც შეეხება სასტუმრო სექტორს, Covid-19 უარყოფითად აისახა ვიზიტორთა რაოდენობაზე ქვეყანაში, ხოლო ტურისტების არარსებობამ გააუარესა სასტუმროს დატვირთვა.თუმცა მიმოხილვის მიხედვით, მესამე კვარტალში ტურიზმისა და მასპინძლობის ინდუსტრია უკეთეს მდგომარეობაში აღმოჩნდა წინა თვეებთან შედარებით. ქვეყანაში გაუმჯობესდა ეპიდემიოლოგიური მდგომარეობა, გარდა ამისა, მაღალი ტურისტულ სეზონის პერიოდი იყო, შედეგად, ზოგიერთმა სასტუმრო, რომელიც საკარანტინო ფუნქციას ასრულებდა, კვლავ გაიხსნა. ხალხმა დაიწყო შვებულებაში წასვლა. რკინიგზით მგზავრობამ განაახლა და კიდევ უფრო გაიზარდა შიდა მგზავრობა.


აღსანიშნავია, რომ მაღალი დამატებითი ხარჯებისა და ნაკლები შემოსავლის გამო, ბევრ სასტუმროს მოუწია თანამშრომელთა რაოდენობის შემცირება და ნაწილობრივ დახურვა. აღსანიშნავია, რომ სასტუმროების უმეტესობა, რომლებიც მუშაობდნენ მესამე კვარტალში, მდებარეობს საქართველოს პოპულარულ ზღვისპირა და მთის კურორტებზე, სადაც არდადეგებს ატარებს ადგილობრივი ტურისტების უმრავლესობა. თბილისში სასტუმროების უმეტესობა კვლავ დაკეტილი .


Cushman & Wakefield Georgia-ს საკონსულტაციო დეპარტამენტის ხელმძღვანელი თეკლა იაშაღაშვილი ამბობს, რომ მესამე კვარტალი შედარებით გამოცოცხლებისპერიოდი იყო, რადგან ის პირველ და მეორე ლოკდაუნს შორის აღმოჩნდა, ამიტომ შედარებით შეინიშნებოდა ძვრები.



„მესამე კვარტალი იყო ის პერიოდი, რომელიც აღმოჩნდა პირველ და მეორე ლოკდაუნს შორის. ამ პერიოდში მოიხსნა შეზღუდვები, აღდგა საქალაქთაშორისო მიმოსვლა, გაიხსნა სასტუმროები და სავაჭრო ცენტრები, ამიტომ უძრავი ზონების ბაზარზე რაღაც ტიპის აღდგენა შეინიშნებოდა, თუმცა ეს არ იყო ერთგვაროვანი. მაგალითად მოთხოვნა გაიზარდა კახეთის და აჭარის სასტუმროებზე, მათ შორის კვირის დღეებში. თუმცა თბილისის სასტუმროებისთვის ფაქტიურად ჩავარდნილი წელია.


სავაჭრო სექტორის თვალსაზრისით, აღსანიშნავია, რომ ჭავჭავაძის და პეკინის გამზირზე არსებულმა მაღაზიებმა უფრო მეტად იზარალეს, ვიდრე სავაჭრო ცენტრებში არსებულებმა და ასევე რუსთაველის გამზირზე. საინტერესოა რომ რაც უფრო იზრდება ფართების ვაკანტურობის მაჩვენებელი, მით უფრო იზრდება ფასები. კერძო მესაკუთრეებს არ სურთ ფასის დაწევა თუმცა გრძელვადიან პერიოდში აუცილებლად დაიწევს. ამ გამზირებზე ფასები 35-დან 45 დოლარამდე მერყეობს.


საოფისე სექტორის მიმართულებით მკვეთრი ცვლილება არ გვაქვს, თუმცა გრძელვადიან პერიოდში სავარაუდოდ გაიზრდება ვაკანტურობა. მესამე კვარტლაში A კლასის ბიზნეს ცენტრებში გასაქირავებელი ფართის საშუალოდ 37% იყო ვაკანტური, B კლასის ბიზნეს ცენტრებში კი, ეს მაჩვენებელი 34%-ს შეადგენდა.


ჩვენი შეფასებით 2021 წელი შეიძლება არ იქნას ის წელი როდესაც ბაზარი დაუბრუნდება 2019 წლის ნიშნულს“, - განმარტავს თეკლა იაშაღაშვილი.



თეგები:
Cushman & Wakefield



ქაღალდი ჩამოცვენილი ფოთლებიდან - უკრაინული სტარტაპის იდეა

ქაღალდი ჩამოცვენილი ფოთლებიდან - უკრაინული სტარტაპის იდეა
access_time2021-04-11 20:00:56
უკრაინის ზაკარპატიეს ოლქში დაბადებულმა ვალენტინ ფრეჩკამ ჩამოცვენილი ფოთლების გადამუშავების და მათგან ქაღალდის წარმოების ტექნოლოგია ჯერ კიდევ სკოლაში მოიფიქრა.დღეს მის მიერ დაარსებული სტარტაპი ხარკოვში და რივნოში ამ უჩვეულო მასალიდან ქაღალდის პაკეტებს აწარმოებს, რომლებიც 8 კგ. -ს წონას უძლებენ.კომპანიაში 7 ტონა ფოთლები გადაამუშავეს და ამაზე შეჩერებას არ აპირებენ - ასეთი ქაღალდისგან კიდევ ბევრი რამის გაკეთება შეიძლება -...

Süddeutsche Zeitung: საიდან არის მოსალოდნელი შემდეგი პანდემია?

Süddeutsche Zeitung: საიდან არის მოსალოდნელი შემდეგი პანდემია?
access_time2021-04-11 18:00:37
ადრე იყო ერთი მონადირის ისტორია ცენტრალურ აფრიკაში, რომელმაც მაიმუნი მოკლა. შესაძლოა, მან ცხოველთან ბრძოლის დროს დაზიანება მიიღო, ან მაიმუნის სისხლის მის ორგანიზმში ხორცის დამუშავების დროს მოხვდა. ეს ზუსტად არავინ იცის.ასე იყო თუ ისე, ცხოველის ფიზიოლოგიურ სითხესთან ერთად მის ორგანიზმში ვირუსმა შეაღწია. ეს ისტორიული მოვლენა დაახლოებთ 100 წლის წინ მოხდა, და სრულიად შეუმჩნევლად ჩაირა, თუმცა, ათეულობით წლის შემდეგ ამან უამრავი ადამიანის...

“რას მართავენ წარმატებით” - ვახო სანაია

“რას მართავენ წარმატებით” - ვახო სანაია
access_time2021-04-11 18:06:12
“კოვიდს წარმატებით ვმართავთო. შეგიძლიათ, მითხრათ, რა იგულისხმება ამ სიტყვებს მიღმა ?” — ამის შესახებ სოციალურ ქსელში ჟურნალისტი ვახო სანაია წერს.“● პირველი ტალღა გვქონდა● მეორე ტალღაც გვქონდა ● ახლა მესამე ტალღაც გვაქვსო ● როცა საჭირო იყო, ტესტირება პრობლემა გახდა. ● ერთი ლოქდაუნი გვქონდა● მეორე ლოქდაუნიც გვქონდა ● ქვეყანა ახლაც ჩაკეტილია ● უახლოეს მომავალში სავარაუდოდ კიდევ უფრო გამკაცრდება...

LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...


მსგავსი სიახლეები

up