Chatham House: დაიშლება თუ არა ბრიტანეთი?

Chatham House: დაიშლება თუ არა ბრიტანეთი?

access_time2019-12-12 20:00:05

დაიშლება თუ არა გაერთიანებული სამეფო? თუ შოტლანდიის ეროვნული პარტია მიაღწევს თავის მიზანს -ასეც იქნება. ეს პარტია 85 წელი იბრძვის შოტლანდიის დამოუკიდებლობისთვის და სწორედ დღეს, ისე, როგორც არასდროს, ის ახლოსაა წარმატებასთან.შოტლანდიური სეპარატიზმის გაღვივება ბრექსიტის თაობაზე ამ მხარის მოსახლეობის განსხვავებულმა პოზიციამ გამოიწვია.მთლიანად ბრიტანეთში ევროკავშირიდან გასვლას 52% ემხრობა, მაშინ როდესაც შოლტანდიაში 62%-მა ხმა ევროგაერთანებაში დარჩენას მისცა.


ბოლო 3 წლის მანძილზე ლონდონის პოლიტიკურ ელიტაში გამეფებულმა არეულობამ და გაურკვევლობამ, ნაციონალისტებს დამოუკიდებლობაზე საუბრების განახლების საშუალება მისცა. იმის მიუხედავად, რომ სულ რამდენიმე წლის წინ უკვე ჩატარდა რეფერენდუმი, რომლის დროსაც შოტლანდიის მოსახლეობამ გაერთიანებულ სამეფოში დარჩენა გადაწყვიტა.


თუმცა, მას შემდეგ იყო გადაწყვეტილება ევროკავშირიდან გასვლის თაობაზე, რომელმაც ყველაფერი შეცვალა.დღეს ნაციონალისტები გეგმავენ გადამწყვეტ ბრძოლას შოტლანდიის პარლამენტში უმრავლესობის მიღებისთვის და დარწმუნებულები არიან, რომ არჩევნებს მოიგებენ.


2017 წელს მათი გეგმები კონსერვატორებმა ჩაშალეს, რომლებმაც არჩევნები მოიგეს, თუმცა, დაკარგეს რამდენიმე პოპულარული ლიდერი, რომლის შემდეგაც მათი რეიტინგი დაეცა.სოციოლოგ ჯონ კერტისის თქმით, სავარაუდოდ, ნაციონალისტები მიიღებენ შოტლანდიის პარლამენტში 40-50 ადგილს 59-დან და ეს მათ მყარ უმრავლესობას მისცემს.


შოტლანდიის დამოუკიდებლობა ნიშნავს დიდი ბრიტანეთის დაშლას - კავშირის, რომელიც შექმნა ინგლისმა, შოტლანდიამ, უელსმა, და ჩრდილოეთ ირლანდიამ.თუმცა, სეპარატისტებს ბევრი სირთულე ელის.ბრიტანეთის ერთიანობის შენარჩუნების მომხრეებს აქვთ ძალიან სერიოზული არგუმენტები. პირველი რიგში - ეკონომიკური.


შოტლანდიელებს სჯერათ, რომ იმის შემდეგ, რაც ნავთობი ედინბურგის კონტროლის ქვეშ გადავა, მათი ქვეყანა წინ ყველა მიმართულებით წავა. ეკონომიკა, დემოკრატია, სოციალური საკითხები, ეკოლოგია, კულტურა, ურთიერთობები მეზობლებთან. ნაციონალისტები თავიანთ ეკონომიკურ პროგნოზებში 2918 წელს შოტლანდიის პარლამენტის ყოფილი დეპუტატის ენდრიუ უილსონის მოხსენებას ეყრდნობიან, რომელშიც გაანალიზებულია ბრიტანეთიდან გასვლის შესაძლო ეკონომიკური შედეგები.


თუმცა, ლონდონთან კავშირის შენარჩუნების მომხრეები მიიჩნევენ, რომ ეს დოკუმენტი არასერიოზულია და რეალობას საკმაოდ დაშორებული.



ეკონომისტის ჯონ მაკლარენის თქმით, მოხსენება არ ითვალისწინებს დამანგრეველ შედეგს, რომელსაც შოტლანდიის ეკონომიკას ბრიტანეთთან საზღვრის და საბაჟო კონტროლი გაჩენა მოუტანს. ასევე სხვა ქვეყნებთან თავისუფალი სავაჭრო რეჟიმების გაუქმება.ეს შეღავათები, მომგებიანია შოტლანდიისთვის მანამ, სანამ ის ბრიტანეთის შემადგენლობაშია.


სწორედ ეკონომიკურმა არგუმენტებმა განაპირობეს 2014 წლის რეფერენდუმში ნაციონალისტების დამარცხება.


არ არსებობს სწრაფი და უმტკივნეულო გზა, რომელსაც შეუძლია გაყოს ორი ქვეყანა, რომელიც არსებობს ერთიან სახელმწიფოში 1707 წლიდან, რომლებსაც გააჩნიათ ერთიანი ვალუტა, ერთიანი ფინანსური სისტემა, ეკონომიკური, სამრეწველო, იურიდიული, ოჯახური და მეგობრული კავშირები.


ასევე გასათვალისწინებელია, რომ შოტლანდიის ბრიტანეთიდან გასვლა დიდ გაურკვევლობას გამოიწვევს, რის გამოც საერთაშორისო ბიზნესი ედინბურგიდან ლონდონში გადავა ,რაც ასევე შემოსავლების და სამუშაო ადგილების მკვეთრ შემცირებას გამოიწვევს.


გაურკვევლობაა რეფერენდუმის პროცედურის ირგვლივ - ნაციონალისტების აზრით, ხმის უფლება არ უნდა ჰქონდეთ არაშოტლანდიელებს, რომლებსაც ბოლომდე არ ესმით საკითხის მნიშვნელობა. ამავე დროს ხმის უფლება უნდა ჰქონდეს შოტლანდიელებს, რომლებიც ბრიტანეთის სხვა რეგიონებში ცხოვრობენ.


ამის უფლება მათ უნდა მიანიჭოს ლონდონმა, თუმცა, წავა თუ არა სამეფოს ხელისუფლება ამაზე, არავინ იცის.პარალელურად, ბრიტანეთის პარლამენტში განიხილება ინიციატივა, რომელიც მკვეთრად გაართულებს სამეფოდან გასვლის პროცედურას. კერძოდ, იმ შემთხვევაში, თუ მომხრეთა უპირატესობა მცირე იქნება , დაახლოებით, 50-51%-ი, საბოლოო გადაწყვეტილება მთავრობამ უნდა მიიღოს.


ეს გამორიცხავს არამყარ გამარჯვებას და შოტლანდიის გახლეჩას. როდესაც დამოუკიდებლობა გამოცხადდება ისე, რომ რეალურად ამის მომხრეთა რაოდენობრივი უპირატესობა უმნიშვნელო იქნება.


ბრიტანეთის პარლამენტში მიიჩნევენ, რომ ახალი სახელმწიფოს შექმნისთვის ზღვარი უნდა იყო მინიმუმ 60% - ი. ეს იქნება იმის დასტური, რომ საზოგადოება სერიოზულადაა განწყობილი და ცვლილებები მთელს ქვეყანას სურს.


საბოლოო ჯამში, შოტლანდიელები მაინც მიიღებენ დამოუკიდებლობას, თუ მათ ეს ძალიან სურთ და კარგად ესმით ამ ნაბიჯის შესაძლო შედეგებს. თუმცა, ამ დროს ყველამ უნდა გააცნობიეროს ამ საკითხის მნიშვნელობა, და დებატები უნდა გაგრძელდეს მანამ, სანამ ნათელი გახდება, რომ დამოუკიდებლობისკენ ლტოლვა არის შოტლანდიელების შეგნებული გადაწყვეტილება.


დღეს შოლტანდია ამ რეალობისგან საკმაოდ შორსაა.


inosmi.ru

თენგიზ აბლოთია 





პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...

„უკრაინაში ფრინველის გრიპის მიუხედავად, საქართველოს ბაზარს საფრთხე არ ემუქრება“

„უკრაინაში ფრინველის გრიპის მიუხედავად,  საქართველოს  ბაზარს საფრთხე არ ემუქრება“
access_time2020-01-24 18:00:33
„ევროპას მიზეზი უნდა, რომ უკრაინას და საქართველოს გზა  ჩაუკეტონ. ხელოვნურად იწვევენ პრობლემას.“-ასე გამოეხმაურა ევროკავშირის  მიერ  უკრაინიდან ფრინველის ხორცის იმპორტის დროებით შეზღუდვას  „მეფრინველეობის ასოციაციის“ თავმჯდომარე ზურაბ უჩუმბეგაშვილი.   უკრაინული მხარის ინფორმაციით, ევროკავშირის გადაწვეტილება ვინიცკის ოლქში ფრინველის გრიპისგან დახოცვის ფაქტს უკავშირდება, რომელიც 18 იანვარს დაფიქსირდა. შესაბამისად, ევროკავშირმა ფრინველის...

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი
access_time2020-01-24 16:30:13
„ჩვენ ყველამ ერთად უნდა ვიმუშაოთ პრობლემების გამოსასწორებლად,  რადგან მსოფლიოში ბევრი ადგილია, სადაც ინვესტორები ინვესტიციას ჩადებენ.“ - ასე გამოეხმაურა ჟურნალისტებთან საუბრისას აშშ-ს სავაჭრო პალატის თავმჯდომარე მაიკლ ქაუგილი ამერიკელი კონგრესმენების მიერ გიორგი გახარიასთვის გამოგზავნილი წერილის შინაარსს. ოთხი ამერიკელი კონგრესმენის მიერ წერილში გამოხატური შეშფოთება  „დაპირებულ დემოკრატიულ რეფორმებზე უარისა და  ანაკლიის ღრმაწყლოვანი პორტის პროექტის...


მსგავსი სიახლეები

up