ჩანთების ქართულმა  მწარმოებელმა  კომპანიამ   Gepherrini გაფართოება  და ქალის ტანსაცმელის წარმოება 2022 წლამდე გადადო.  

 კომპანიის დამფუძნებელი ილია გეფერიძე „კომერსანტთან საუბრისას აცხადებს, რომ Gepherrini-ს საწარმოს 2019  წლის ბოლოდან ახალ კოლექციაზე უნდა ემუშავა. მისი თქმით, კომპანია  ტანსაცმელს საშუალო და დაბალი საფასო სეგმენტისთვის აწარმოებდა, კერძოდ, ფასები 45-199 ლარის ფარგლებში იქნებოდა, თუმცა მსოფლიოში და ქვეყანაში შექმნილი მდგომარეობის გამო ქართულმა ბრენდმა  ტანსაცმლის მიმართულებით დროებითი პაუზა აიღო. საწარმო ჯერ მხოლოდ ჩანთებისა და ფეხსაცმლის წარმოებაზეა ორიენტირებული.

„ტანსაცმელის წარმოებას დიდი ხანია ვგეგმავთ, 2019 წლის ბოლოდან გვინდოდა ამ მიმართულებით გამოვჩენილიყავით ბაზარზე,  თუმცა ვერ მოვახერხეთ. ჩანთებისა და ფეხსაცმლის შემდეგ ჩვენთვის მნიშვნელოვანი იყო ტანსაცმლის წარმოებაც. ამ მიმართულებიც ჯერ მუშაობას ვერ გავაგრძელებთ და 2022 წლამდე გადავდეთ. ახლა მხოლოდ ჩანთებზე და ფეხსაცმელზე ვართ ორიენტირებულები,“-აღნიშნა ილია გეფერიძემ.  

შეგახსენებთ, რომ  „გეფერინი ქალის, მამაკაცისა და ბავშვის ჩანთების გარდა სამაჯურებს, სამგზავრო ჩანთებს, ტყავის ქამრებს და საფულეებს აწარმოებს. კომპანია 2014 წელსაა დაფუძნებული.

ნათია ლომიძე