Chanel-ს ახალი გლობალური აღმასრულებელი დირექტორი ჰყავს

Chanel-ს ახალი გლობალური აღმასრულებელი დირექტორი ჰყავს

access_time2021-12-21 15:10:00

ხუთი წლის შემდგომ, ფრანგულ მოდის სახლს ახალი გლობალური აღმასრულებელი დირექტორი ჰყავს. Chanel-მა მორინ შიკეს შემცვლელად Unilever-ის ყოფილი აღმასრულებელი დირექტორი, ლინა ნაირი დაასახელა.



შიკემ, 9-წლიანი მმართველობის შემდგომ ბრენდი 2016 წლის დასაწყისში დატოვა, რის შემდეგაც, მისი მოვალეობები Chanel-ის თანადამფუძნებელმა, ალენ ვერტჰაიმერმა შეითავსა. ფრანგული მოდის სახლის ოფიციალური განცხადების თანახმად, 73 წლის ფრანგი მილიარდერი ჯგუფის გლობალური აღმასრულებელი თავმჯდომარის თანამდებობაზე გადავა, მის ადგილს კი ლინა ნაირი დაიკავებს.



Chanel-ის აღმასრულებელ დირექტორად ლინა ნაირის დანიშვნა ინდუსტრიაში ბევრისთვის მოულოდნელი აღმოჩნდა. საქმე ისაა, რომ ნაირის წარსული მოდას არ უკავშირდება, თუმცა მას ბრწყინვალე რეპუტაცია აქვს Unilever-ში 30-წლიანი მუშაობის შემდგომ. Unilever-ში კარიერის დასასრულს ნაირი ადამიანური რესურსების ხელმძღვანელი და კომპანიის აღმასრულებელი კომიტეტის წევრი გახლდათ, რომლის დაქვემდებარების ქვეშ 150,000-ზე მეტი თანამშრომელი იყო. გარდა ამისა, ნაირის ზედამხედველობით Unilever-მა გლობალურ მენეჯმენტში გენდერულ თანასწორობას მიაღწია.




Chanel-ის ახალი აღმასრულებელი დირექტორი ასევე British Telecom-ის საბჭოს არააღმასრულებელი წევრია, მანამდე კი ბრიტანეთის მთავრობის ბიზნესის, ენერგეტიკისა და სამრეწველო სტრატეგიის დეპარტამენტის არააღმასრულებელი დირექტორის თანამდებობას იკავებდა. ნაირი ფრანგული მოდის სახლს იანვრის ბოლოს შეუერთდება.



ივნისში, Chanel-ის მიერ გამოქვეყნებული მონაცემებით, ფრანგულმა ბრენდმა $1,1 მილიარდი დახარჯა, რაც კოვიდ-19-ის პანდემიის განმავლობაში, კაპიტალური ხარჯების რეკორდული მაჩვენებელია. 2020 წელს წლიური შემოსავლების 18%-ით შემცირების მიუხედავად, Chanel-ი ხარჯების პოლიტიკის შეცვლას არ აპირებს. ბრენდის საოპერაციო მოგებამ, 41,4%-იანი კლებით, $2,05 მილიარდი შეადგინა, თუმცა გაყიდვების ტენდენცია წლის ბოლო კვარტალში გაუმჯობესდა.



წყარო: forbes.ge



თეგები:
Chanel



ევროკავშირი რუსეთის მიერ ოკუპირებულ უკრაინისა და საქართველოს ტერიტორიებზე გაცემულ სამგზავრო დოკუმენტებს არ ცნობს

ევროკავშირი რუსეთის მიერ ოკუპირებულ უკრაინისა და საქართველოს ტერიტორიებზე გაცემულ სამგზავრო დოკუმენტებს არ ცნობს
access_time2022-12-09 00:23:06
ევროკავშირის საბჭომ დაამტკიცა გადაწყვეტილება, რომ რუსეთის მიერ ოკუპირებულ ტერიტორიებზე გაცემულ სამგზავრო დოკუმენტებს არ ცნობს. ამის შესახებ ნათქვამია ევროკავშირის საბჭოს ოფიციალურ გვერდზე გამოქვეყნებულ პრესრელიზში. აღნიშნული გადაწყვეტილების შედეგად, რუსეთის მიერ უკრაინისა და საქართველოს ოკუპირებულ ტერიტორიებზე გაცემული დოკუმენტებით შენგენის ზონაში შესვლა ან სამოგზაურო ვიზის მიღება აკრძალული იქნება. ამ ტერიტორიებზე გაცემული რუსული სამგზავრო დოკუმენტები ევროკავშირის წევრ...

ფინეთი და შვედეთი მზად არიან ნატოში წევრობისთვის - ენტონი ბლინკენი

ფინეთი და შვედეთი მზად არიან ნატოში წევრობისთვის - ენტონი ბლინკენი
access_time2022-12-08 22:27:45
ფინეთი და შვედეთი მზად არიან ნატოში წევრობისთვის, - ამის შესახებ აშშ-ის სახელმწიფო მდივანმა, ენტონი ბლინკენმა ფინეთისა და შვედეთის საგარეო საქმეთა მინისტრებთან შეხვედრის შემდეგ გამართულ პრესკონფერენციაზე განაცხადა. “მათი სამხედროები აშშ-ისა და ნატოს სამხედროებთან ერთად სამსახურს გადიოდნენ კოსოვოში, ავღანეთში, ერაყში, ლიბიაში. ისინი ნატოს “პარტნიორობა მშვიდობისთვის” და “გაფართოებული შესაძლებლობების პარტნიორობა” პროგრამების წევრები არიან. მარტივად რომ ვთქვათ, მათ არმიას...

მოსამართლეები ქალთა მიმართ ძალადობის წინააღმდეგ ბრძოლის მექანიზმებზე - იციან თუ არა საქართველოში ქალებმა საკუთარი უფლებები

მოსამართლეები ქალთა მიმართ ძალადობის წინააღმდეგ ბრძოლის მექანიზმებზე - იციან თუ არა საქართველოში ქალებმა საკუთარი უფლებები
access_time2022-12-08 21:25:37
ქვეყანაში ქალთა უფლებებსა და ქალთა მიმართ ძალადობის წინააღმდეგ ბრძოლის მექანიზმებზე მსჯელობდნენ დღეს რადიო „კომერსანტის“ ეთერში ნინო ლიპარტიას საავტორო გადაცემაში „ბიზნესი და სამართალი“. როგორც გადაცემის ერთ-ერთმა სტუმარმა თბილისის საქალაქო სასამართლოს მოსამართლემ ქეთევან მამაცაშვილმა აღნიშნა, ქალთა მიმართ ჩაგვრასა და ძალადობასთან მიმართებით ქვეყანაში სამწუხარო ვითარებაა. „მნიშვნელოვანია, რომ თავად ქალებმა იცოდნენ თუ რა უფლებები, რა ვალდებულებები და თავისუფლებები...

ევროკავშირმა ხორვატია შენგენის ზონაში მიიღო

ევროკავშირმა ხორვატია შენგენის ზონაში მიიღო
access_time2022-12-08 20:51:47
ევროკავშირის წევრი სახელმწიფოების შინაგან საქმეთა მინისტრებმა მხარი დაუჭირეს ხორვატიის შენგენის ზონაში მიღებას, მაგრამ, ამავდროულად, უარი უთხრეს ბულგარეთსა და რუმინეთს. ინფორმაციას ამის შესახებ გამოცემა Digi24 და ევროკავშირის მინისტრთა საბჭოში ჩეხეთის თავმჯდომარეობა ავრცელებენ. აღინიშნება, რომ შენგენის ზონაში რუმინეთისა და ბულგარეთის შესვლის წინააღმდეგ ხმა ავსტრიამ და ნიდერლანდებმა მისცეს. ნიდერლანდება დააზუსტეს, რომ რუმინეთის წევრობის წინააღმდეგ არ გამოდიან,...

საქართველომ ბიუსტჰალტერების რეალიზაციიდან 5 მლნ დოლარზე მეტი შემოსავალი მიიღო

საქართველომ ბიუსტჰალტერების რეალიზაციიდან 5 მლნ დოლარზე მეტი შემოსავალი მიიღო
access_time2022-12-09 00:00:39
საქართველომ ბიუსტჰალტერების რეალიზაციიდან 5 მლნ დოლარზე მეტის შემოსავალი მიიღო. საქსტატის მონაცემების მიხედვით, იანვარ-ოქტომბერში საქართველოდან ექსპორტზე 5,375.52 ათასი დოლარის ბიუსტჰალტერები (მანქანით ან ხელით ნაქსოვი ტრიკოტაჟისა, ან არატრიკოტაჟისა) გავიდა, რაც გასული წლის იანვარ-ოქტომბერში ექსპორტზე გასული  ბიუსტჰალტერების ღირებულებასთან შედარებით 44%-იან ზრდას აჩვენებს.   2022 წლის ათ თვეში საქართველოდან უცხოეთის სხვადასხვა ბაზრებზე სულ 276.78 ტონა ...


მსგავსი სიახლეები

up