ჩამორთმეული ქონება, რომლებიც ბიზნესმენებს სახელმწიფომ ერთ ლარად დაუბრუნა

ჩამორთმეული ქონება, რომლებიც ბიზნესმენებს სახელმწიფომ ერთ ლარად დაუბრუნა

person access_time2017-03-24 20:00:33

2015-2016 წლებში სახელმწიფომ სიმბოლურ ფასად - 1 ლარად გადასცა კუთვნილი ქონება იმ ადამიანებს, რომლებსაც წინა ხელისუფლების დროს ის უკანონოდ ჩამოერთვათ. მათ შორისაა რამდენიმე ბიზნესმენი, რომელთაც ერთ ლარად გადაეცათ მათივე კუთვნილი, საკმაოდ ძვირადღირებული ქონება. დაბრუნებულ ქონებას შორის, ძვირადღირებული ავტომობილები, მიწის ნაკვეთები და ოქროს ნაკეთობებიც კი შედის. გთავაზობთ ოფიციალურ ინფორმაციას, კერძო პირებისთვის დაბრუნებული ქონების შესახებ. მონაცემები AMBEBI.GE-ს საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების მართვის სააგენტომ ინფორმაციის გამოთხოვის საფუძველზე მიაწოდა.

 


გელა ბარკალაია, "მათე მოტორსის" დამფუძნებელი

 


ცნობილი საავტომობილო კომპანიის დამფუძნებელ გელა ბარკალაიას, რომელიც ამჟამად პატიმრობაშია, 2015 წელს პრემიერ მინისტრ ირაკლი ღარიბაშვილის განკარგულებით უკან დაუბრუნდა Toyota Hilux 2.5 TD-ის 10 ავტომობილი. ქონების დაბრუნება ბიზნესმენისთვის პროკურატურაში შეტანილი განაცხადის საფუძველზე მოხდა. ბარკალაიამ 2013 წელს პროკურატურას მიმართა ქონების დაბრუნების მოთხოვნით, რომელიც 2 წლის შემდეგ დაკმაყოფილდა.

 

ბარკალაიასთვის ქონების ჩამორთმევა სააკაშვილის ხელისუფლების დროს ასეთი გზით მოხდა: 2010 წლის ივნისში იუსტიციის სამინისტროს გენერალური ინსპექციის თანამშრომლებმა ქრთამის მიცემის ფაქტზე დააკავეს შპს "მათე მოტორსის" დამფუძნებელი გელა ბარკალაია, რომელსაც პატიმრობაში ყოფნის პერიოდში გადასცეს პროკურატურის მოთხოვნა, რომ თუ მას სურდა საპროცესო შეთანხმების გაფორმება 7-წლიანი პატიმრობის ნაცვლად და საპატიმროს დატოვება, უნდა შეეძინა 10 ერთეული TOYOTA HILUX-ის მარკის ავტომანქანა და ეჩუქებინა სახელმწიფოსათვის. გელა ბარკალაია დათანხმდა პროკურატურის ამ მოთხოვნას. 2010 წლის 27 ივლისს, მისმა წარმომადგენელმა მინდობილობის საფუძველზე, პროკურატურის მითითებით "ტოიოტა ცენტრი თბილისისგან" 443 223 ლარად შეიძინა 10 ერთეული "ტოიოტა ჰაილუქსის" მარკის ავტომანქანა.

 

ბარკალაიასთან ერთად ჩამორთმეული ავტომობილები დაუბრუნდათ კიდევ ორ ადამიანს: Mercedes-Benz E320 - რევაზ ფერაძეს და Nisan Murano 3.5 SE - გივი ღუჭაშვილს.

 

 


დავით ჩიტაია, საერთაშორისო სასწავლო უნივერსიტეტ "იბერიას" დირექტორი

 


ჩიტაიას "ოცნების" ხელისუფლების დროს 1 ლარად დაუბრუნდა ავტომობილი Hyundai Tucson. 2010 წლის მაისში შსს გენერალური ინსპექციის თანამშრომლებმა თაღლითობის ბრალდებით დავით გურამიშვილის საერთაშორისო სასწავლო უნივერსიტეტ "იბერიას" დირექტორი დავით ჩიტაია დააკავეს. შსს გენერალური ინსპექციის თანამშრომლებმა ჩიტაიას შეუთვალეს, რომ თუ მას საპროცესო შეთანხმების გაფორმება და საპატიმროს დატოვება სურდა, საპროცესო შეთანხმებისთვის უნდა გადაეხადა ჯარიმა 140 000 ლარი და გენერალური ინსპექციისთვის შეეძინა "ჰიუნდაის" მარკის ავტომანქანა. ჩიტაია იძულებული გახდა, დათანხმებოდა უკანონო მოთხოვნას და ოჯახის წევრების მეშვეობით, "ჰიუნდაის" ცენტრში 27 000 აშშ დოლარად შეიძინა ავტომანქანა "ჰიუნდაი ტუქსონ IX35", რომელიც მისი ნდობით აღჭურვილმა პირმა აჩუქა შინაგან საქმეთა სამინისტროს.

 

 


თეიმურაზ გავაშელიშვილი

 


2015 წელს თეიმურაზ გავაშელიშვილს სიმბოლურ ფასად - 1 ლარად გადაეცა კუთვნილი ოქროს ნაკეთობები. როგორც ირკვევა, 2011 წლის მაისში კონსტიტუციური უსაფრთხოების დეპარტამენტის ყოფილი თანამდებობის პირმა, კუდ-ის უფროსთან დათა ახალაიასთან შეთანხმებით, ბრალდებულ თეიმურაზ გავაშელიშვილს, სასამართლოში ბრალდების მოხსნის სანაცვლოდ, სახელმწიფოსთვის აჩუქებინა მის საკუთრებაში არსებული მანქანები Volkswagen Jetta და Mercedes E 200, ასევე, 35 000 ლარამდე ღირებულების 48 სახეობის პირადი ოქროს სამკაულები. გავაშელიშვილი 2010 წელს ცნობილი ე.წ ნარკოკარტელის საქმეზე დააკავეს. მას ფოთის საქალაქო სასამართლომ 16 წლიანი პატიმრობა მიუსაჯა, ქუთაისის სააპელაციო სასამართლომ კი სასჯელი 2 წლამდე შეუმცირა. საქმეზე ასევე დააკავეს ანასტასია ზაუტაშვილი, მევლუდ სვანიძე, რომან მუსემიანი, გიორგი ჩეჩელაშვილი და თენგიზ გურჩიანი. ჩხრეკისას მევლუდ სვანიძის ეზოდან ამოღებულ იქნა მიწაში დამარხული დაახლოებით 1 700 000 ევრო, ხოლო ანასტასია ზაუტაშვილის ბინიდან - 50 000 ევრო. დაკავებულებს 30-30-წლიანი პატიმრობა მიესაჯათ, ნუგზარ ბოჭორიშვილს კი განაჩენი დაუსწრებლად წარუდგინეს და უვადო პატიმრობა მიუსაჯეს. ის საბერძნეთის მოქალაქეა და არსებული ინფორმაციით, დღეს ესპანეთში ცხოვრობს.­ 2012 წლის შემდეგ მიღებული ამნისტიით ანასტასია ზაუტაშვილს სასჯელი 12 წლამდე შეუმცირდა, იგი სასჯელს იხდის.


 

 

2015 წელს, ქონების დაბრუნებისას გავაშელიშვილმა განაცხადა: "წინა ხელისუფლების დროს უკანონოდ დამიჭირეს. ჯერ 16 წელი მომცეს, შემდეგ შემიცვალეს და 2 წელი მომცეს. მას შემდეგ სულ ვწერდი და რაღაცის იმედი სულ მქონდა. ჩემი საქმე სტრასბურგშიც ჩაბარებულია და მიღებული აქვს წარმოებაში. ძალიან კარგია, რომ ეს გადაწყვეტილება მიიღეს და სტრასბურგში სირბილი და წვალება აღარ დამჭირდა", - აცხადებს თეიმურაზ გავაშელიშვილი.

 

 

 

ირაკლი მახარაშვილი

 


მოქალაქე ირაკლი მახარაშვილს 2015 წელს სოფელ დიღომში მდებარე 1020კვ.მ. არასასოფლო-სამეურნეო დანიშნულების მიწის ნაკვეთი სიმბოლურ ფასად 1 ლარად პრემიერ-მინისტრის ირაკლი ღარიბაშვილის განკარგულებით გადაეცა. მახარაშვილი საქართველოს მთავარმა პროკურატურამ 2010 წელს დააკავა. პროკურატურის წარმომადგენლებმა მას საპროცესო შეთანხმების გაფორმებისას არაოფიციალურად მოსთხოვეს მის საკუთრებაში არსებული მიწის ნაკვეთის სახელმწიფოს სასარგებლოდ დათმობა. მახარაშვილმა თავისუფლების სანაცვლოდ სოფელ დიღომში მდებარე 1020 კვ.მ მიწის ნაკვეთი სახელმწიფოს უსასყიდლოდ გადასცა.

 

 

 

ოლღა პავლიაშვილი და გია გიგუაშვილი

 

 

2016 წელს პრემიერ მინისტრ გიორგი კვირიკაშვილის განკარგულებით ოლღა პავლიაშვილს 1 ლარად გადაეცა გორში, სტალინის გამზირ 11ა-ში მდებარე 1 419 კვ.მ. არასასოფლო-სამეურნეო დანიშნულების მიწის ნაკვეთი და მასზე მდებარე შენობა-ნაგებობა საცურაო აუზით (გორის საცურაო კომპლექსი).

 

 

ოფიციალური ინფორმაციით, 2007 წლის 6 ივნისს, ცოლ-ქმარმა ოლღა პავლიაშვილმა და გია გიგუაშვილმა, ეკონომიკური განვითარების სამინისტროს მიერ გამართულ აუქციონში გამარჯვების შემდეგ, შეიძინეს შპს "აკვაპარკი"-ს 100% წილი, რომელსაც ზემოთ აღნიშნული უძრავი ქონება საკუთრებაში გააჩნდა. 2008 წლის ივლისში "აკვაპარკის" ქონება იმჟამინდელი ხელისუფლების ინტერესის სფეროში აღმოჩნდა. გორის რაიონულ პროკურატურაში, რამდენჯერმე დაიბარეს გია გიგუაშვილი, რომელსაც პროკურორი დაკავების მუქარით სთხოვდა ხსენებული ქონების სახელმწიფოსთვის უსასყიდლოდ გადაცემას. დაზარალებული უკანონო მოთხოვნას დათანხმდა.

 

 

2008 წლის 17 ივლისს, გორის რაიონულ პროკურატურაში მან, პროკურორის და გორის მუნიციპალიტეტის გამგეობის წარმომადგენლის თანდასწრებით, ხელი მოაწერა პროკურატურაში შედგენილ ჩუქების ხელშეკრულებას, რითაც სახელმწიფოს უსასყიდლოდ გადასცა მათი ოჯახის კუთვნილი 736 225 ლარის ღირებულების ქონება.

 

 

ვაჟა ციგროშვილი

 


მოქალაქე ვაჟა ციგროშვილს 2016 წელს 13 ავტომანქანა და 5 კვადროციკლი სიმბოლურ ფასად გადაეცა. 2008 წლის ივლისში შსს კონსტიტუციური უსაფრთხოების დეპარტამენტის თანამშრომლებმა ყალბი დოკუმენტის დამზადებისთვის მოქალაქე ვაჟა ციგროშვილი დააკავეს. მაღალჩინოსნებმა პატიმრობაში მყოფ ციგროშვილს შეუთვალეს, რომ თუ მას სურდა საპროცესო შეთანხმების გაფორმება და საპატიმროს დატოვება, სახელმწიფოსთვის უნდა შეეძინა ნახევარი მილიონი ლარის ღირებულების ავტომანქანები და კვადროციკლები. კუდის მოთხოვნით, ციგროშვილის ოჯახის წევრებმა შეიძინეს "ტოიოტა პრადოს", "ტოიოტა ჰაილუქსის", "ტოიოტა კამრის" და "ჰიუნდაი ტუქსონის" მარკის ავტომანქანები, 5 კვადროციკლი, რომლებიც შემდგომში შინაგან საქმეთა სამინისტროს აჩუქეს. ამის შემდეგ ბრალდებულთან გაფორმდა საპროცესო შეთანხმება, განესაზღვრა პირობითი მსჯავრი და მან საპატიმრო დაწესებულება დატოვა.

 

 


ფრიდონ ბარათაშვილი

 

 

ფრიდონ ბარათაშვილს პრემიერ მინისტრ გიორგი კვირიკაშვილის განკარგულკებით გადაეცა ქუთაისში სულხან-საბას გამზირზე მდებარე უძრავი ქონება. 2008 წლის მაისში მოქალაქე ფრიდონ ბარათაშვილმა კერძო კომპანიისგან შეიძინა ქუთაისში, სულხან-საბას გამზირზე მდებარე 12 027,3 კვ.მ მიწის ნაკვეთი, რომელიც მოგვიანებით ხელისუფლების ინტერესის სფეროში აღმოჩნდა. 2009 წლის ივლისში ფრიდონ ბარათაშვილი დაიბარეს საქართველოს პროკურატურაში, სადაც მას კატეგორიულად მოსთხოვეს მიწის ნაკვეთიდან 7 000 კვ.მ სახელმწიფოს სასარგებლოდ დათმობა. განხორციელებული ზეწოლის შედეგად ბარათაშვილმა აღნიშნული ქონება სახელმწიფოს სახელზე გადააფორმა.

 



„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე

„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე
access_time2020-02-29 10:00:09
კონსორციუმს ზღვის აკვატორია მივეცით, გამოვისყიდეთ მიწები, პასუხისმგებლობა გვქონდა რომ რკინიგზა და გზა შეგვეყვანა, საუბარი იყო იმაზე,რომ იქნებ ტვირთების გარანტიაც მოგცეთო. თუ ყველაფერს ჩვენ ვაკეთებთ ანაკლიის პორტთან დაკავშირებით, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება,- განაცხადა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“, პარლამენტის საფინანსო-საბიუჯეტო კომიტეტის თავმჯდომარის...

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია
access_time2020-02-28 17:47:55
„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია.ამის შესახებ „საქართველოს ბანკის“ განცხადებაშია ნათქვამი.  „დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადასტურებული კორონავირუსის შემთხვევებს შორის ერთ-ერთი, რომელმაც იტალიაში იმოგზაურა, ჩვენი თანამშრომელია. ის საქართველოში 26 თებერვალს ჩამოფრინდა. მისი ჯანმრთელობის მდგომარეობა დამაკმაყოფილებელია და...

სს ,,საერთაშორისო სადაზღვევო კომპანია კამარა’’ ბაზარზე ოპერირებას „გრინ დაზღვევა საქართველოს“ სახელით გააგრძელებს

სს ,,საერთაშორისო სადაზღვევო კომპანია კამარა’’ ბაზარზე ოპერირებას  „გრინ დაზღვევა საქართველოს“ სახელით გააგრძელებს
access_time2020-02-28 17:18:14
კომპანია „მეტრო ჰოლდინგმა“ და შპს „ახალი საინვესტიციო შესაძლებლობემა “ ,,საერთაშორისო სადაზღვევო კომპანია კამარა“ წლის დასაწყისში იყიდა. თებერვალში დაიწყო კომპანიის რებრენდინგი, შეიცვალა კომპანიის სახელი „გრინ დაზღვევა საქართველო/ GREEN INSURANCE GEORGIA” და სადაზღვეო კომპანია ბაზარზე განახლებული პოზიციონირებით წარსდგება. მიღებული იქნა გადაწყვეტილება საწესდებო კაპიტალის ზრდასთან დაკავშირებით - ,,გრინ დაზღვევა საქართველოს’’ კაპიტალი 10,000,000 ლარამდე გაიზარდა, რაც ხელს უწყობს...

ირანისა და იტალიის მიმართულებით სატვირთო გადაზიდვები შეჩერდა

ირანისა და იტალიის მიმართულებით სატვირთო გადაზიდვები შეჩერდა
access_time2020-02-28 16:33:46
სახმელეთო ტრანსპორტის სააგენტომ ირანისა და იტალიის მიმართულებით საავტომობილო სატვირთო გადაზიდვების ნებართვების გაცემა და გაცემული ნებართვების მოქმედება შეაჩერა.აღნიშნული შეზღუდვების მიზეზად ახალი კორონავირუსის გავრცელების პრევენციული ღონისძიებები სახელდება. „ახალი კორონავირუსის გავრცელების პრევენციული ღონისძიებების ფარგლებში, „სახმელეთო ტრანსპორტის სააგენტო“ გაცნობებთ: 2020 წლის 28 თებერვლიდან შეჩერებულია საერთაშორისო საავტომობილო სამგზავრო გადაყვანისა და საერთაშორისო...

წყალტუბოს სანატორიუმებს საპრივატიზაციოდ ამზადებენ

წყალტუბოს სანატორიუმებს საპრივატიზაციოდ ამზადებენ
access_time2020-02-28 16:11:23
წყალტუბოს სანატორიუმები საპრივატიზაციოდ მზადდება. საინვესტიციო პაკეტზე ქონების მართვის სააგენტოს მუშაობა რამდეინმე უწყებასთან უკვე დაწყებული აქვს. „წყალტუბოს სანატორიუმები ის ყველაზე მნიშვნელოვანი გამოწვევაა, რომელიც სახელმწიფოს ბალნეოლოგიური და ტურისტული მიმართულების პროფილის მქონე ინფრასტრუქტურის ათვისების თვალსაზრისით აქვს. ვმუშაობთ, რომ საინვესტიციო პაკეტი სრულყოფილი ფორმატით შევთავაზოთ ბიზნესს. ეს გულისხმობს, სივრცითი დაგეგმარების თვალსაზრისით...


მსგავსი სიახლეები

up