CES 2021 - რას უნდა ველოდოთ წლის უმთავრესი ტექნოლოგიური კონფერენციიდან

CES 2021 - რას უნდა ველოდოთ წლის უმთავრესი ტექნოლოგიური კონფერენციიდან

access_time2021-01-11 19:00:57

2021 მსოფლიოსთვის ძალების აღდგენის წელი უნდა იყოს. ეკონომიკა ზრდას დაიწყებს, დაგეგმილი ღონისძიებები აღარ გადაიდება. ტექნოლოგიური პროგრესი არა ნახოტომისებურად, მაგრამ მაინც გაგრძელდება. გაიზრდება 5G-ს დაფარვის ზონა, მსოფლიო რამდენიმე ახალ ფლაგმანურ სმარტფონს იხილავს, მოსალოდნელია ბლოკჩეინ ტექნოლოგიებისა და დრონების ფუნქციების ზრდაც.


ტექნოლოგიური სიახლეების დიდი ნაწილის შესახებ ლას-ვეგასის CES 2021-ის ციფრულ კონფერენციაზე გახდება ცნობილი, რომელიც 11-14 იანვარს გაიმართება.პანდემიის დამარცხების ბრძოლის გზებთან ერთად განსახილველ თემებში ბოლო წლების მსგავსად კვლავ იქნება 5G, 3D ბეჭვდა, ნივთების ინტერნეტი, ჭკვიანი სახლი და ჭკვიანი ქალაქი, 8K ტელევიზია, რობოტები, დრონები, განახლებადი ენერგია, კვანტური კომპიუტერი, ხელოვნური ინტელექტი, ბლოკჩეინი, ციფრული ვალუტა, ვირტუალური და გაძლიერებული რეალობა.


CES (Consumer Electronics Show) პირველად 1967 წელს ნიუ-იორკში ჩატარდა. 1978-1994 წლებში წელიწადში 2-ჯერ ტარდებოდა იანვარში ლას-ვეგასში და ივნისში ჩიკაგოში, 1995 წლიდან კი წელიწადში ერთხელ - ლას-ვეგასში. 2021 წელს პანდემიის გამო კონფერენცია მთლიანად ციფრულ ფორმატში გაიმართება.


ცნობილი ტექნოლოგიური კომპანიები კონფერენციაზე თავიანთ უახლეს მიღწევებს წარადგენენ ხოლმე. ზოგჯერ ეს ნივთები გაყიდვაში იმავე წელს ეშვება, თუმცა ხშირად წარსადგენი ნივთი მხოლოდ კონცეფციის დონეზეა შექმნილი, მაგალითად ფუტურისტული დიზაინის უპილოტო ელექტრომობილი.წარდგენილი პროდუქციის კიდევ ერთი ნაწილი რეალურად არსებობს  მაგრამ მათი სერიული წარმოება არ დაწყბებულა ისეთები როგორებიცაა 785 ინჩიანი (19.94 მეტრი) 16K გარჩევადობის ტელევიზორი ან შედარებით მომცრო მაგრამ დასაკეცი ტელევიზორი.


წლევანდელ კონფერენციაზე საკუთარი პროდუქციის წარდგენას გეგმავენ: LG, SONY, SAMSUNG, PHILIPS, HISENSE, PANASONIC, TCL და სხვა ტექნოლოგიური კომპანიები.


კორეული LG 2 ტიპის ტელევიზორის წარდგენას გეგმავს, მათგან ერთს დრეკადი ეკრანი ექნება და ხმაც ეკრანიდან მისი ვიბრირებისას გამოვა. 48 ინჩიანი ეკრანი ძირითადად კომპიუტერული თამაშების მოყვარულებზე იქნება გათვლილი. მეორე ტიპის ტელევიზორს კი გამჭვირვალე ეკრანი ექნება. კომპანიაში ირწმუნებიან რომ 55 ინჩიანი გამჭვირვალე OLED ეკრანს უმაღლესი გარჩევადობა ექნება და ფერებს არ დაკარგავს. სეულში ფიქრობენ რომ ეკრანის დაყენება მატარებლებში იქნება შესაძლებელი, რითაც შესაძლოა ტრადიციული ფანჯარა ჩანაცვლდეს.

SAMSUNG თავის მხრივ 110 ინჩიანი (2.79 მეტრი) Microled ტელევიზორით წარსდგდება. თითოეული მიკროსკოპული წერტილი დამოუკიდებლად ანათებს, რაც გამოსახულების ხარისხს მკვეთრად აუმჯობესებს და დეტალიზაციას ამაღლებს.ეკრანი პირველი პროტოტიპი სახელწოდებით wall – კედელი, ჯერ კიდევ 2018 წელს გამოჩნდა, თუმცა სერიულ წარმოებაში არ ჩაშვებულა, გაყიდვები წელს დაიწყება. Microledტექნოლოგია OLED-ისგან განსხვავდება, თუმცა ვიზუალურად, გამოსახულების სიკაშკაშითა და იდეალური შავი ფერით ძალიან წააგავს.  გარდა ამისა თუ OLED-ის სიცოცხლისუნარიანობა სტანდარტულად 17-20 ათასი საათია, რაც ყოველდღიურად 8 საათით მოხმარების შემთხვევაში 6 წლიან გამართულ მუშაობას გულისხმობს, შემდეგ ეკრანს ფერები ეკარგება, Microled-ის სამუშაო დროის ხანგძლივობა 100 000 საათს აღწევს, ანუ იმ შემთხვევაშიც კი თუ ტელევიზორი ყოველდღიურად 16 საათი იყო ჩართული, მწარმოებლის გარანტიით მან 17 წელი უნდა გაძლოს.

კონფერენციაზე რამდენიმე ავტომწარმოებლის კერ ფუტურისტული ელექტრომობილის წარდგენაცაა დაგეგმილი, ასევე ზოგიერთი ისეთი ნივთის რომელთა შეძენაც ძალიან ბევრი ფულის ქონის შემთხვევაშიც კი შეუძლებელი იქნება, რადგან მათი წარმოება 2021 წელს არ დაიწყება, თუმცა არც ისე შორეულ მომავალში მაინც ხელმისაწვდომი გახდება.

 

გიორგი ელიზბარაშვილი


თეგები:
CES 2021



ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საქართველოში დიპლომიანი მოქალაქეების 32 - 38 % უმუშევარია

საქართველოში დიპლომიანი მოქალაქეების 32 - 38 % უმუშევარია
access_time2021-07-31 11:00:30
დღემდე საქართველოს ეკონომიკისთვის უმუშევრობა მნიშვნელოვან პრობლემად რჩება, ხოლო საზოგადოებისთვის მთავარ გამოწვევად. წლების მანძილზე, სხვადასხვა საზოგადოებრივი აზრის გამოკითხვა აჩვენებს, რომ ეროვნულ დონეზე მთავარ პრიორიტეტად სამუშაო ადგილები სახელდება. 2020 წელს,  NDI-ის მიერ ჩატარებული გამოკითხვის თანახმად, გამოკითხულთა 46%-ისთვის მთავარი პრობლემას, კვლავ უმუშევრობა წარმოადგენდა.   2017-2020 წლებში საქართველოში უმუშევრობის ტენდენციებსა და COVID-19-ისგან გამოწვეული...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...


მსგავსი სიახლეები

up