2009 წლის ეკონომიკური კრიზისიგან განსხვავებით 2020 წელს მშენებლობებს გაანსაკუთრებული პრობლემები არ შექმნიათ. თბილისის მასშტაბით ლარში დათვლით ბინების ფასი გასული წლის პირველ კვარტალთან შედარებით 12%-ით, კერძო სახლების კი 18.3%-ით გაიზარდა.
უბნების მიხედვით ახალაშენებულ ბინებში ყველაზე ძვირი მთაწმინდის რაიონია, სადაც 1 კვადრატული მეტრის შეძენა საშუალოდ 4236 ლარი - $1228 ჯდება. მთაწმინდას 11%-ით ჩამორჩება ვაკე, დასრულებული ბინის ფასი (1 კვადრატული მეტრი) ამ შემთხვწვაში 3774 ლარს - $1094-ს შეადგენს. სამეულს 326 ლარით საბურთალო ასრულებს. ბინები ბევრად უფრო იაფია გარეუბნებში კერძოდ ისანში 1 კვადრატული მეტრის შეძენა საშუალოდ 2529 ლარად შეიძლება, რაც ამჟამინდელი კურსით $733-ს უდრის, გლდანში 2490 ლარად - $722-ად და სამგორში 2359 ლარად - $684-ად.
ბინებთან შედარებით კვადრატულობით დათვლით უფრო იაფი კერძო სახლებია. უბნების მიხედვით თანმიმდევრობა მსგავსია, მაგრამ არა იდენტური. პირველ ადგილზე 3687 ლარით ვაკეა და 3480 ლარით მეორეზეა მთაწმინდა. 1714 ლარით - $497 სამგორი ამ შემთხვევაშიც ბოლო ადგილზეა. 1801 ლარით - $522 ბოლოს წინა ადგილს გლდანი იკავებს.
ცენტრალურ უბნებში ბინები გარეუბნებთან შედარებით 80%-ით კერძო სახლები კი 115%-ით უფრო ძვირია.