ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“

access_time2019-03-25 19:00:56

„ხელისუფლების უნიათობის ერთ-ერთი ნათელი მაგალითია  ცენტრ-პოინტის“ საქმე, დიახ, იგი არის „ქართული ოცნების“ დიაგნოზი,“ - ასე აფასებს  იუსტიციის უმაღლესი საბჭოს არამოსამართლე წევრი ანა დოლიძე „ქართული ოცნების“  კიდევ ერთ  შეუსრულებელ დაპირებას. 


როგორც ცნობილის, „ცენტ-პოინტის“ მენაშენე, თითქმის 5 ათასი ოჯახი  (დაახლოებით 10 ათასი ადამიანი) კვლავ პრობლემის მოგვარებას და ზარალის ანაზღაურებას ითხოვს. ამ საკითხის გადაჭრას პარტია „ქართული ოცნება-დემოკრატიული საქართველოს“ თავმჯდორმარე ბიძინა ივანიშვილი მოქალაქეებს ჯერ კიდევ 2012 წელს, წინასაარჩევნოდ პირდებოდა. თუმცა, „ოცნების“ მმართველობიდან მე-7 წელსაც, პრობლემა კვლავ მოუგვარებელია. ზუსტად ამიტომ უწოდებს ანა დოლიძე „ცენტ-პოინტის“ საქმეს „ქართული ოცნების“ დიაგნოზს.


„7 წელი ჰქონდა მმართველ პარტიას ამ პრობლემის მოსაგვარებლად და მაინც თაროზე აქვს შემოდებული. თანაც საუბარია არა 4 მლნ ადამიანზე, ან ოკუპირებული ტერიტორიების დაბრუნებაზე, არამედ სულ რაღაც 5 ათასამდე ოჯახის დაკმაყოფილებაზე. „ცენტრ-პოინტთან“ დაკავშირებული მოვლენები არის ნათელი მაგალითი, როგორ უჭირს ხელისუფლებას და არ შეუძლია სხვადასხვა მიმართულებით პასუხისმგებლობის საკუთარ თავზე აღება,“ - ამბობს ანა დოლიძე.


იუსტიციის უმაღლესი საბჭოს არამოსამართლე წევრი აპირებს, თავად ჩაერთოს პრობლემის მოგვარების პროცესში და დაზარალებულებს მხარი დაუჭიროს. უახლოეს მომავალში მოქალაქეებთან პირადად შეხვედრასაც გეგმავს. თუმცა, გარდა თავად ამ კონკრეტული საკითხისა, ანა დოლიძე პრობლემას აზოგადებს. მისი თქმით, „ცენტ-პოინტი“ ასევე ნათელი მაგალითია იმისა, თუ როგორ ექცევა „ქართული ოცნება“ ბიზნესს და რა ვითარებაა ამ კუთხით ქვეყანაში.



„ადამიანი ვერ მოიძებნა, ერთი ლიდერიც კი, რომელსაც შეუძლია ეს საქმე საკუთარ თავზე აიღოს და მინიმუმ დაზარალებულებს პრობლემის მოგვარების გზები შესთავაზოს. ამიტომაც, გადავწყვიტე გვერდში დავუდგე ყველას და დავეხმარო. ცალკე საკითხია ბიზნეს-ასპექტი. კომპანია „ცენტრ-პოინტი“, ფაქტობრივად, ამ წლების განმავლობაში მიშვებულია და პლუს, ის 5000-მდე ოჯახიც ამოვარდნილია ეკონომიკური ბრუნვიდან თან აქვთ ქონება და თან არა. იმის ნაცვლად, რომ ხელსიფულებამ კომპანიის ამუშავებას შეუწყოს ხელი და დაზარალებულების დაკმაყოფილებასთან ერთად, ორივე მხარე ეკონომიკურ ბრუნვაში დააბუნოს, ყველაფერი გაჩერებულია. ზუსტად ასე ექცევა ბიზნესს მთავრობა და ეს დანაშაულია. სხვაგვარად ეს ყველაფერი ვერ აიხსნება,“ - განმარტავს ანა დოლიძე.

 



შეგახსენებთ, რომ “ცენტრ-პოინტის” დაუმთავრებელი პროექტების დასრულებას სამშენებლო კომპანია m2  აპირებდა, თუმცა, საბოლოოდ, შეთანხმება ვერ შედგა.

„ცენტრ პოინტ ჯგუფის” საქმეზე მაია რჩეულიშვილსა და რუსუდან კერვალიშვილს სასამართლომ ოთხ-ოთხ წლიანი პატიმრობა შეუფარდათ. გამოძიება მაია რჩეულიშვილსა და რუსუდან კერვალიშვილს ამხანაგობა „თაბუკაშვილი 88“-ის კუთვნილი 11 მილიონზე მეტი ლარის მითვისებას ედავებოდა.




სალომე ლემონჯავა




ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე  ევროკავშირში საქართველოდან შესაძლო ექსპორტზე დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99%  რუსეთში გაიყიდა.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში...

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე
access_time2020-09-23 15:30:13
საქართველოს ეროვნული ბანკის პრეზიდენტი კობა გვენეტაძე ლარის გაცვლითი კურსის შესახებ საკუთარ facebook გვერდზე პოსტს აქვეყნებს. კობა გვენეტაძის განცხადებით, პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ეროვნული ბანკის პრეზიდენტი კობა გვენეტაძის პოსტს „კომერსანტი“ უცვლელად გთავაზობთ: „ბოლო დროს ხშირად ისმის განცხადებები: „ეროვნულმა ბანკმა XX მილიონი დოლარი გაყიდა, მაგრამ ლარი მაინც ვერ გაამყარა“. ეს...

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო
access_time2020-09-23 10:30:22
საქართველოს ნავთობისა და გაზის კორპორაცია ევროპის რეკონსტრუქციისა და განვითარების ბანკისგან 217 მილიონ ევროს მიიღებს, რომელიც ევროობლიგაციების რეფინანსირებისთვის გამოიყო. სესხის ხელშეკრულება საქართველოს ნავთობისა და გაზის კორპორაციის მიერ ლონდონის საფონდო ბირჟაზე განთავსებული 250 მილიონი აშშ დოლარის ღირებულების ევროობლიგაციების სრულ რეფინანსირებას ითვალისწინებს. არსებული ევროობლიგაციები კორპორაციამ  2016 წელს 5 წლის ვადით განათავსა და გრაფიკის მიხედვით იგი სრულად 2021 წლის აპრილში უნდა...

ექიმი ვახტანგ ყიფიანი ჯანდაცვის მინისტრის ეკატერინე ტიკარაძის პირადი პატიმარია - ლევან კობერიძე

ექიმი ვახტანგ ყიფიანი ჯანდაცვის მინისტრის ეკატერინე ტიკარაძის პირადი პატიმარია - ლევან კობერიძე
access_time2020-09-23 14:40:33
„ექიმი ვახტანგ ყიფიანი  არის ჯანდაცვის მინისტრის ეკატერინე ტიკარაძის პირადი პატიმარი - ასე  გამოეხმაურა პარტია „ლელოს“ ვაკის ოლქის მაჟორიტარობის კანდიდატი ლევან კობერიძე ექიმ ვახტანგ ყიფიანის პატიმრობას. კობერიძის განმარტებით ექიმი ვახტანგ ყიფიანი უკანონო პატიმრობაში იმყოფება. „მინდა  უბრალოდ კონცენტრაცია გავაკეთო ჩვენი კოლეგების კოლეგის ვახტანგ  ყიფიანის უკანონო პატიმრობასთან დაკავშირებით. თქვენ იცით ეს შემთხვევა, ბატონი ვახტანგი ბოლო...

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს
access_time2020-09-23 13:05:21
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2600 ლარად ივაჭრება. პლატფორმაზე ვაჭრობა დღეს 3.2520 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2537 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2940 ლარადაა შესაძლებელი, ხოლო მისი გაყიდვა - 3.2100 ლარად. „საქართველოს ბანკში“ 1 დოლარის ყიდვა 3.2920 ლარადაა...


მსგავსი სიახლეები

up