CARDINAL იურიდიული კომპანიაა, რომელიც დაკომპლექტებულია გამოცდილი და კვალიფიციური იურისტებისგან. კომპანიის იურიდიული მომსახურების სფეროებს წარმოადგენს საკონსულტაციო, სარეკომენდაციო მომსახურება, იურიდიული აუდიტი, სასამართლო საარბიტრაჟო დოკუმენტაციის მომზადება და წარმომადგენლობა; კლიენტის ინტერესების შესაბამისად, სახელმწიფო, იურიდიულ და ფიზიკურ პირებთან მოლაპარაკებების წარმოება, ხელშეკრულებებისა და სხვა კატეგორიის წერილობითი დოკუმენტაციის მომზადება. „კომერსანტი“ CARDINAL-ის მარკეტინგის დირექტორს, გვანცა გოცირიძეს ესაუბრა, რომელიც უფრო დეტალურად გვიამბობს კომპანიის საქმიანობის შესახებ.
გვესაუბრეთ კომპანიის შესახებ. რა წარმოადგენს Cardinal-ის იურიდიული მომსახურების სფეროს?
კარდინალი ემსახურება როგორც ფიზიკურ, ასევე იურიდიულ პირებს, სისხლის, სამოქალაქო, საერთაშორისო და ადმინისტრაციული სამართლის მიმართულებებით.
რა სახის სერვისებს სთავაზობთ მომხმარებლებს?
კომპანია მომხმარებლებს სთავაზობს იურიდიულ, ბუღალტრულ და აუდიტორულ მომსახურებას, დამატებითი მიმართულება არის კერძო არბიტრაჟი.
რა მიგაჩნიათ Cardinal-ის მთავარ უპირატესობად?
ჩვენს უპირატესობას წარმოადგენს დისტანციური მომსახურება. როგორც ფიზიკურ, ასევე იურიდიულ პირს შეუძლია ისარგებლოს მისთვის მისაღები პაკეტებით, ხოლო ხელმისაწვდომი ფასები კიდევ უფრო ამარტივებს თანამშრომლობას. წლიური პაკეტის ღირებულება 300 ლარიდან იწყება. ასევე, ნებისმიერი მომხმარებლის პრობლემა განიხილება ინგლისური პრინციპით, მინიმუმ 5 იურისტით დაკომპლექტებული ჯგუფის მიერ, რაც საშუალებას გვაძლევს თავიდან ავირიდოთ ნებისმიერი იურიდიული ხარვეზი და გადავაზღვიოთ ჩვენი მომხმარებელი.
რა არის კომპანიის მიზანი?
კომპანიის მიზანია, გაუწიოს სრული მომსახურება ბიზნესსექტორს – როგორც იურიდიული, ასევე ბუღალტრული მომსახურებით და გახდეს არა მომსახურე კომპანია, არამედ მისი პარტნიორი, რომელიც ზრუნავს მეორე მხარის წარმატებაზე. სლოგანი საკმაოდ ნათლად მიუთითებს კომპანიის პოზიციონირებას. „კარდინალი“ არის სივრცე, სადაც ბიზნესი და კანონი ერთიანდება.
გვესაუბრეთ Cardinal-ის გუნდზე.
კომპანიაში ერთიანდება 40-ზე მეტი სხვადასხვა პროფილის მქონე წამყვანი იურისტი, ბუღალტერი და მარკეტერი. ასევე გაყიდვების გუნდი, რომელიც უშუალო კომუნიკაციას ახდეს მომხმარებელთან და ზრუნავს სერვისის გაუმჯობესებაზე. „კარდინალის“ აღმასრულებელი დირექტორი ლაშა ცხადაძეა, რომელსაც აქვს 10-წლიანი სამუშაო პრაქტიკა იურიდიული მიმართულებით.
როგორია სამუშაო პროცესი?
უნდა აღვნიშნო, რომ კონულტაცია Cardinal-ში სრულიად უფასოა. ამიტომ თავდაპირველად ჩვენი იურისტები ეცნობიან მომხმარებლის პრობლემას და განსაზღვრავენ მიმართულებას. როდესაც ვთანხმდებით თანამშრომლობაზე, ჩვენი იურისტი ხდება მომხმარებლის წარმომადგენელი და მის ნაცვლად არეგულირებს წარმოშობილ ხარვეზებს, როგორც ბიზნესში, ასევე პირად დავებში. მომსახურება ხშირ შემთხვევაში დისტანციურია, რაც ამარტივებს პროცესს ჩვენი პარტნიორებისთვის და ხელს უწყობს როგორც ფინანსების, ასევე დროის დაზოგვას.
სამომავლო გეგმები...
Cardinal-ის სამომავლო გეგმებში შედის ტრენინგცენტრის გახსნა, რომელიც უშუალოდ იქნება ორიენტირებული იურიდიული სფეროს წარმომადგენლებზე. ტრენინგის მონაწილეებს სემინარებს ჩაუტარებენ გამოცდილი, პროფესიონალი ტრენერები.