„ბუღალტრული აღრიცხვის, ანგარიშგებისა და აუდიტის რეფორმების მხარდაჭერი ეროვნული ფონდი“ მუშაობას შეუდგა

„ბუღალტრული აღრიცხვის, ანგარიშგებისა და აუდიტის რეფორმების მხარდაჭერი ეროვნული ფონდი“ მუშაობას შეუდგა

access_time2019-02-07 10:42:26

საფრანგეთი-საქართველოს სავაჭრო-სამრეწველო პალატის (CCIFG) ორგანიზებით „ბუღალტრული აღრიცხვის, ანგარიშგებისა და აუდიტის რეფორმების მხარდაჭერი ეროვნული ფონდის“ გახსნის საზეიმო ღონისძიება გაიმართა.


CCIFG-ის მხრიდან ფონდის დამფუძნებელია მისი პრეზიდენტი ანტუან ბარდონი. დამფუძნებელთა შორის არიან ასევე საერთაშორისო სავაჭრო პალატის (ICC), JPA International-ის (საფრანგეთი), საქართველოს ბიზნესის პალატის, საქმიან ქალთა გაერთიანების, ჩაის მეწარმეთა გაერთიანების, საქართველოს მაღალი კაშხლების ეროვნული კომიტეტის, დამოუკიდებელ დირექტორთა გაერთიანების წარმომადგენლები. ფონდის ბორდში ასევე შედის რამდენიმე კერძო პირი ბიზნესიდან და სამთავრობო სტრუქტურების ყოფილი წარმომადგენლები.


მხარეებს შორის თანამშრომლობის მიზანია საქართველოს კანონმდებლობით გათვალისწინებული მოთხოვნების დაცვა ბუღალტრული აღრიცხვის, ფინანსური ანგარიშგებისა და აუდიტის მიმართულებით და ამ სფეროში რეფორმების შეუქცევადობის მხარდაჭერა.


ოფიციალური გახსნის ღონისძიებაზე გამომსველებმა ისაუბრეს მემორანდუმის მნიშვნელობასა და თანამშრომლობის პერსპექტივებზე იმ პირებთან, რომლებიც დაინტერესებულნი იქნებიან საქართველოში რეფორმების მხარდაჭერის საქმიანობითა და ბუღალტრული აღრიცხვისა და აუდიტის რეფორმების შესახებ პროფესიულ წრეებში, ბიზნესსა და ზოგადად, მოსახლეობაში ინფორმირებულობის დონის ამაღლებით.



ღონისძიებაზე მისასალმებელი სიტყვით გამოვიდნენ: მისი აღმატებულება საფრანგეთის რესპუბლიკის ელჩი საქართველოში, ბატონი პასკალ მუნიე; ბატონი ანტუან ბარდონი – CCIFG; ქალბატონი მაია მელიქიძე – ენერგეტიკის და წყალმომარაგების მარეგულირებელი კომისია; ქალბატონი მერსი ტემბონი – მსოფლიო ბანკის ქვეყნის დირექტორი; ქალბატონი ირინა გორდელაძე- მსოფლიო ბანკის CFRR პროექტი; ბატონი ზურაბ კაჭკაჭიშვილი – საერთაშორისო სავაჭრო პალატა; ბატონი პიერე კლუე – ფრანგული ინსტიტუტის დირექტორი საქართველოში; ბატონი იური დოლიძე – ბუღალტრული აღრიცხვის, ანგარიშგების და აუდიტის ზედამხედველობის სამსახურის ხელმძღვანელი; ბატონი ჟაკს პოტდევინი – JPA International პრეზიდენტი, ფონდის გამგეობის თავმჯდომარე.


ფონდმა უკვე მოასწრო თანამშრომლობის მემორანდუმების გაფორმება საქართველოში აკრედიტირებულ 9 წამყვან უმაღლეს სასწავლებელთან, საბანკო ასოციაციასა და ენერგეტიკის და წყალმომარაგების მარეგულირებელ კომიასთან.


ღონისძიებას ესწრებოდნენ სამთავრობო წრეების, საელჩოების, საერთაშორისო ორგანიზაციების, ბიზნესის და ბიზნეს ასოციაციების, უმაღლესი სასწავლებლების, ფრანგული ორგანიზაციების წარმომადგენლები და სხვა დაინტერესებული პირები.


საქართველოში უცხოელი დონორების დახმარებით მიმდინარეობს ბუღალტრული აღრიცხვის, ანგარიშგებისა და აუდიტის სფეროში რეფორმების მხარდაჭერის აქტივობების განხორციელება. რეფორმა გათვალისწინებულია საქართველო-ევროკავშირის ასოცირების დღის წესრიგით, ევროკავშირის დირექტივებითა და საქართველო-ევროკავშირის ღრმა და ყოვლისმომცველი თავისუფალი ვაჭრობის შესახებ შეთანხმებით (DCFTA).


bfm.ge





მილიარდელი დევიდ კოხი გარდაიცვალა

 მილიარდელი დევიდ კოხი გარდაიცვალა
access_time2019-08-23 19:00:32
მილიარდელი, რომელიც ამერიკული პოლიტიკის გარდაქმნას ცდილობდა და ქველმოქმედებაში მილიარდზე მეტი აქვს დახარჯული, 79 წლის ასაკში გარდაიცვალა. ფაქტის შესახებ კოხის სპიკერმა კრისტიან ნიკოლასმა განაცხადა. ბიზნესმენი, რომლის ქონება 59 მილიად დოლარს შეადგენდა, მსოფლიოში უმდიდრეს  ადამიანებს შორის მეშვიდე ადგილს იკავებდა. შემოსავლის დიდი ნაწილი მან კანზასის ქალაქ ვიჩიტაში დაფუძნებული კომპანია Koch Industries-იდან მიიღო, რომლის წლიური შემოსავალი 110 მილიარდ...

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი
access_time2019-08-23 17:00:11
„საქართველოს ეროვნული ბანკი ვალდებულია დაინტერესდეს და შესაბამისი განმარტება გააკეთოს მამუკა ხაზარაძის განცხადებაზე, რომელიც ძალიან დამაინტრიგებელია. საზოგადოებაში კითხვები გაჩნდა და საჭიროა ამ კითხვებს დროულად გაეცეს პასუხი. ჩვენ ვართ სხვადასხვა ბანკის მომხმარებელი, ამიტომ ეს უფრო გააღრმავებს საფინანსო ორგანიზაციებსა და საზოგადოებას შორის ისედაც უკვე დიდი ხნის...

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს
access_time2019-08-23 15:30:18
გორის მუნიციპალიტეტში, სოფელ საყავრესთან ტყის მასივში გაჩენილი ხანძარი ლოკალიზებულია. მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. 3 ათასი მეხანძრე, 304 - სახანძრო ავტოტრანსპოტრი, სამაშველო...

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს
access_time2019-08-23 12:30:39
აზიის განვითარების ბანკმა (ADB) დღეს საქართველოსთან თანამშრომლობის ახალი სტრატეგია დაამტკიცა. ბანკის ცნობით, 2019-2023 წლების თანამშრომლობის ხუთწლიანი სტრატეგია, მხარს უჭერს საქართველოს მთავრობის განვითარების სტრატეგიას, რომელიც ეფექტურობის გაზრდასა და სიღარიბის შემცირებას ისახავს მიზნად მეზობელ ქვეყნებთან და დანარჩენ მსოფლიოსთან ეკონომიკური ინტეგრაციის გზით. ქვეყანასთან თანამშრომლობის ახალი სტრატეგია მიმართული იქნება სავაჭრო კავშირების გაღრმავებაზე,...

ზაზა ფაჩულიამ „არქი“ იყიდა!

ზაზა ფაჩულიამ „არქი“ იყიდა!
access_time2019-08-23 10:55:30
ცცნობილი ქართველი კალათბურთელი, NBA-ს ორგზის ჩემპიონი ზაზა ფაჩულია დეველოპერული კომპანია „არქის“ წილის მფლობელი გახდა. ფაჩულიას “არქისთან” მრავალწლიანი ურთიერთობა აკავშირებს და მისი მონაწილეობით კომპანიამ არაერთი მარკეტინგული აქტივობა განახორციელა. 21 აგვისტოს, კი ზაზა ფაჩულიასა და “არქის” თანამშრომლობამ განსხვავებული ფორმა შეიძინა. გაფორმებული მემორანდუმის მიხედვით ფაჩულიამ კომპანიის წილი იყიდა და ილია წულაიასთან და მენი ბენიშთან ერთად „არქის“ თანამფლობელი...


მსგავსი სიახლეები

up