საზოგადოების განვითარების ხარისხი სამოქალაქო ინიციატივების მიხედვით ფასდება. კარანტინის ყველაზე მკაცრსპერიოდში 40 ადამიანი უფასოდ ახალ პროფესიას დაეუფლა. ბუღალტერთა კავშირმა დონორების ჩართულობის გარეშე კრიზისის პერიოდში განსაკუთრებით სასარგებლო და გრძელვადიანი დახმარება გაუწია ექიმების, პოლიციელების და პანდემიასთან ბრძოლის წინა ხაზზე მომუშავე სპეციალისტების ოჯახებს.
11 აგვისტოს საქართველოს ბუღალტერთა კავშირმა 40 ადამიანს დამწყები ბუღალტრის კვალიფიკაციის დამატასტურეებელ სერტიფიკატებს გადასცა. დღევანდელ პოსტ-პანდემიურ შრომით ბაზარზე ყველაზე მოთხოვნად პროფესიების სამეულში ბუღალტრის კვალიფიკაცია შედის.
პანდემიამ და მსოფლიო კრიზისმა ექიმები და საგანგებო სიტუაციების სამსახურების თანაშრომლები პროფესიების აქტუალობა და მნიშვნელობა შეგვახსენა. მათ მიერ მადლიერების და მათი აღიარების გამოხატვის სწორი და დასაფასებელი ფორმა საქართველოს ბუღალტერთა კავშირმა აირჩია: ბუღალტერიის შესწავლის შესაძლებლობა უფასოდ მიეცემა ექიმ-ინფექციონისტების, რეანიმატოლოგების, სასწრაფო დახმარების ექიმების, სამედიცინო პერსონალის, მაშველების და საპატრულო პოლიციის თანამშრომლების ოჯახის წევრებს, მათ ვისაც კარანტინის პირობებში სახლიდან გაუსვლელად შეეძლოთ ბუღალტრის პროფესია მცირე და საშუალო საწარმოებისათვის შეესწავლა.
ღონისძიებაზე გაფორმდა მემორანდუმი Kaizen Class Knowledge Center-თან, რაც ბუღალტერთა კავშირის და Kaizen Class Knowledge ფინანსური მართვის მიმართულებით პროფესიული განათლების სფეროში ახალ თანამშრომლობის დაწყებას ნიშნავს.
ჩვენ ამ პროექტის ბენეფიციარებს გავესაუბრეთ. მაია ნოზაძე უკვე მუშაობს ფინანსების მიმართულებით, თუმცა ახალი ცოდნა მისი კარიერული ზრდისთვის არის აუცილებელი. „მე ვარ პირველი საუნივერსიტეტო კლინიკის ფინანსური განყოფილების ერთ-ერთი უფროსის მოადგილე. მივიღე პროექტში მონაწილეობა, იმიტომ რომ მქონდა ძალიან კარგი საშუალება კოვიდის პერიოდი გამომეყენებინა დადებითად. ძალიან მნიშვნელოვანია ჩემთვის ფინანსური აღრიცხვის ფუნდამენტურად ცოდნა, იმიტომ რომ ყოველდღიური შეხება მაქვს ბუღალტერიასთან. ძალიან დიდი მადლობა გუნდს იმისთვის რომ მოგვცეს ხარისხიანი განათლება და შექმნეს ძალიან სასიამოვნო სწავლის პროცესი.აქედან გამომდინარე გირჩევთ ყველას რომ მაქსიმალურად გამოიყენეთ ასეთი რთული პერიოდები განათლების მისაღებად და ძალიან კარგ საშუალებას გვაძლევს ბუღალტერთა კავშირი . დიდ მადლობა კიდევ ერთხელ და გისურვებთ წარმატებას.“
თამარ პაპასქირი, ბანკის თანამშრომელი: “ ეს სოციალური პროექტი შეეხებოდა იმას რომ, ამ ეპიდემიის დროს დახმარებოდნენ იმ ადამიანებს ვინც წინა ხაზზე იყვნენ და ეხმარებოდნენ საზოგადოებას, ამ პროექტიდან მივიღე ძალიან დიდი ცოდნა რომელიც დასაქმებაში დამეხმარება და ბუღალტერიაში ზოგადად წინ გადადგმული ნაბიჯია ჩემთვის, მინდა წარმატება ვუსურვო მთლიანად ამ გუნდს და ასევე ვისურვებდი თანამშრომლობა გავაგრძელო ამ გუნდთან.“
(R)