ბრიტანული მედია: განახლებული ელიავას სკვერი გულისხმობს ახალი, საინტერესო და შემეცნებითი არეალის მოწყობას საქართველოს დედაქალაქში

ბრიტანული მედია: განახლებული ელიავას სკვერი გულისხმობს ახალი, საინტერესო და შემეცნებითი არეალის მოწყობას საქართველოს დედაქალაქში

access_time2019-08-28 18:00:49

ბრიტანული საერთაშორისო ონლაინ გამოცემა www. e-architect.co.uk ელიავას სკვერის პროექტზე ვრცელ სტატიას აქვეყნებს, სადაც ვრცლად არის აღწერილი პროექტის დეტალები და მისი მნიშვნელობა.


აღნიშნული ონლაინ გამოცემა 2019 წლის 1 მარტს დასახელდა მსოფლიოს საუკეთესო მედია პლატფორმად დიზაინის და არქიტექტურის სფეროში. პირველად სწორედ ამ ვებ-გვერდზე გამოქვეყნდა  მსოფლიოში ცნობილი და განხორციელებული არაერთი პროექტი, მათ შორის მაგალითად პარიზის ღვთიმშობლის ტაძრის- ნოტრდამის აღდგენის პროექტები.


“e-architect მსოფლიოში ერთ – ერთი უდიდესი არქიტექტული ვებ-პლატფორმაა, ყველაზე მეტი ვიზიტორით და  დაახლოებით 22 000 გვერდით.


როგორც სტატიაშია ვკითხულობთ, განახლებული ელიავას სკვერი გულისხმობს ახალი, საინტერესო და შემეცნებითი არეალის მოწყობას საქართველოს დედაქალაქში. პროექტი საქართველოს – როგორც აბრეშუმის გზის ერთ-ერთი საკვანძო ფიგურანტის მნიშვნელობას უსვამს ხაზს და მსუბუქი კონსტრუქციებისა და ლაზერ შოუების მეშვეობით აცოცხლებს ამ გზის ისტორიას.


ამონარიდი სტატიიდან: “საქართველო მნიშვნელოვანი სატრანზიტო ქვეყანაა და თავისი გეოპოლიტიკური მდებარეობით ის წარმოადგენს ხიდს დასავლეთ და ცენტრალური აზიის ქვეყნებს შორის. საქართველოს აქვს უნიკალური რესურსები, მდიდარია ეკონომიკური და ინტელექტუალური პოტენციალით, მიმზიდველია ბუნებრივი რესურსებით, მინერალური და სუფთა წყლებით და ტურისტული სანახაობებით. პორტებს დიდი მნიშვნელობა აქვს საქართველოს ტრანზიტებისთვის, ბათუმის პორტი მნიშვნელოვან როლს ასრულებს თავისი გეოსტრატეგიული ადგილმდებარეობით.


ბათუმის პორტი უკავშირდება მსოფლიოს ყველა საზღვაო ქვეყანას, რკინიგზითა და მაგისტრალებით, იგი უკავშირდება რუსეთსა და თურქეთს, აგრეთვე ცენტრალურ აზიის ქვეყნებს. ბათუმის პორტი აგრეთვე არის, ყაზახეთიდან და აზერბაიჯანიდან ნავთობის გადამუშავების მთავარი ლოკაცია.


სტატიის ავტორის თქმით, საქართველო მნიშვნელოვან სატრანზიტო ფუნქციას ასრულებს თანამედროვე ეკონომიკური სფეროში. სიმულაციური ხიდი პარკში – აბრეშუმის გზის ფრაგმენტი, რომელიც ხაზს უსვამს მის ისტორიულ მნიშვნელობას ქვეყნისთვის. აბრეშუმის გზა მოიცავდა სხვადასხვა რეგიონებს, მათ შორის საქართველოს მეზობელ ქვეყნებს, თურქეთსა და საბერძნეთს.



“ხიდზე მოცემულია იმ ქვეყნების სხვადასხვა სიმბოლოები, რომლებზეც ჩვეულებრივ გაივლის აბრეშუმის გზა. თითოეული სიმბოლო დამზადებულია მავთულის თოკზე ჩამოკიდებული რკინის ბადეებისგან. ღამით ეს განათებული მოდელები აღიქმება, როგორც აბრეშუმის გზის ქვეყნების სიმბოლოები. განათებული, ჩამოკიდებული მოდელები შეესაბამება აბრეშუმის გზის რუკას, თითოეული სიმბოლო წარმოადგენს კონკრეტულ ქვეყანას, რომელიც ასახავს თავის ადგილს ისტორიულ გზაზე. ამ სიმბოლოებში შედის თურქეთის აია სოფია, საბერძნეთის პართენონი, არგონავტები და ჯვრის მონასტერი, როგორც ქრისტიანობისა და ქვეყნის ისტორიის სიმბოლო. მიგვაჩნია, რომ ეს იდეა ქმნის საინტერესო სივრცეს, როგორც ისტორიულ, ისე ტურისტულ დონეზე.


სტატიაში ხაზგასმულია ასევე აბრეშუმის გზის მნიშვნელობა: აბრეშუმის დიდი გზა არის ტრანსკონტინენტური სავაჭრო გზა, რომელიც აკავშირებს ჩინეთს ხმელთაშუა და შავ ზღვებთან. ეს გზა გამოიყენებოდა ძველი წელთაღრიცხვის II საუკუნიდან. ჩინეთი აბრეშუმის ექსპორტირებას ძირითადად ახდენდა რომში, ბიზანტიაში, შუა აღმოსავლეთში და სპარსეთის ყურის ქვეყნებში. დიდი აბრეშუმის გზამ ხელი შეუწყო აღმოსავლეთსა და დასავლეთს შორის ეკონომიკური და კულტურული ურთიერთობების განვითარებას. ძვ. წ. 139-126 წლებში გაიხსნა ტრანსკონტინენტური სავაჭრო-ქარავანი, მარშრუტი, რომელიც აკავშირებდა ჩინეთს ხმელთაშუა და შავი ზღვის სანაპიროებთან. მე -19-ე საუკუნის გერმანელმა გეოგრაფმა ფერდინანდ ფონ რიხტოფენმა ეს გზა მონათლა, როგორც “აბრეშუმის გზა”. ეს გზა ისტორიულად არსებული სახმელეთო, საზღვაო და მდინარეების საერთაშორისო სავაჭრო გზების ნაწილი იყო. აბრეშუმის ქსოვილები, ხალიჩები, და ა.შ. სავაჭრო გზებით ამიერკავკასიასა და საქართველოში ბიზანტიიდან და ირანიდან შემოდიოდა.


რაც შეეხება თავად პროექტს, სტატიაში წერია:


ჩვენ გავაცოცხლეთ ეს ფრაგმენტები და შევქმენით სივრცე იმ პერიოდისთვის დამახასიათებელი სახლებით, რომლის შუაშიც გავლებულია აბრეშუმის გზის ხიდი. ორივე მხრიდან უზრუნველყოფილი იქნება კვების ობიექტები. ძირითადად სივრცე განკუთვნილია კაფეებისთვის და ქართული სუვენირების მაღაზიებისთვის, სადაც თვალსაჩინო იქნება ძველი ქართული ტრადიციები და ნივთები. ასევე იქნება ღია კაფეები, შადრევნები და ქოლგები, როგორც განათების ელემენტები. ტერიტორიაზე იქნება კაცის ქანდაკება, რომელიც ჭადრაკს თამაშობს, მის მოპირდაპირედ მდებარე სკამი კი ცარიელი იქნება, რომელზეც დაჯდომა და ფოტოს გადაღებისთვის ჭადრაკის თამაშის იმიტაცია ნებისმიერ მსურველს შეეძლება.



ორკესტრი – სკამებითა და ინსტრუმენტებით, მაგრამ მუსიკოსების გარეშე. თითოეული სკამის გვერდით დამონტაჟებულია სენსორული მოწყობილობები, რომლებსაც სხვადასხვა მუსიკალური ინსტრუმენტების იმიტირება შეუძლია და რომელიც ავტომატურად იწყებს დაკვრას, როდესაც ადამიანი სკამზე ჯდება. რამდენიმე სხვადასხვა სკამზე ერთდროულად ჯდომის შედეგად, შესაბამისი ინსტრუმენტი ავტომატურად იწყებს დაკვრას. შესრულებული იქნება ცნობილი ნაწარმოებები. მუსიკალური თემები კი პროგრამულად შეიცვლება.



მწვანე სივრცეები, რომლებიც გარშემორტყმულია ბილიკით, როგორც ძველი თბილისის რუკაზეა გამოსახული, გამოირჩევა სხვადასხვა სახეობის ხეებით, დეკორატიული მცენარეებითა და გასართობი ადგილებით. ისინი მოიცავს იაპონურ ბაღს, წიწვოვან ზონას და კუთხეს დეკორატიული ხეებისთვის, სადაც ასევე დამონტაჟებულია მეტალის სკამები, რომლებიც მიმოფანტული ფოთლებისა და ხის ტოტების იმიტაციას ახდენს. პარკი განათებულია ქართული ანბანით, რაც უფრო მეტ საინტერესოობას სძენს პარკს და ტურისტებისთვის უფრო მეტად მიმზიდველია. მოედნის ყველა კუთხე განსხვავებული და საინტერესოა.



მოედანს ასევე აქვს ღია ცის ქვეშ მდებარე ამფითეატრი სხვადასხვა ღონისძიებისთვის. ღია კაფეების გასწვრივ განთავსდება წყლის სარკე, რომელსაც მინის ზედაპირი აქვს და ბავშვთა ზონა 3 მეტრის სიმაღლის წიგნით, რომელიც ბავშვებისთვის ავტომატურ რეჟიმში წაიკითხავს ზღაპრებს და აჩვენებს მათ ილუსტრაციებს.








მესტიის ყოფილი საპრეზიდენტო რეზიდენცია აუქციონზე 7.5 მლნ ლარად გაიყიდა

მესტიის ყოფილი საპრეზიდენტო რეზიდენცია აუქციონზე 7.5 მლნ ლარად გაიყიდა
access_time2019-12-14 15:00:33
კამპანია „100 საინვესტიციო შეთავაზება ბიზნესს“ ფარგლებში, მესტიის ყოფილი საპრეზიდენტო რეზიდენცია ელექტრონულ აუქციონზე ცოტა ხნის წინ გაიყიდა. აუქციონის საწყისი ფასი 1 840 000 ლარი იყო, თუმცა ვაჭრობის შედეგად ყოფილი რეზიდენცია 7 510 000 ლარად გაიყიდა. რეზიდენცია კომპანია „აი ღვინის სახლმა“ იყიდა. კომპანიის  მფლობელი ყოფილი სპორტსმენი და მოქმედი ბიზნესმენი ბენო ქაშაკაშვილია.   ქაშაკაშვილი „ქართული ოცნების“ ერთ-ერთი მსხვილი შემომწირველია . ბიზნესმენმა...

საქართველოში პირველი ხის კენწეროების ბილიკი მოეწყობა

საქართველოში პირველი ხის კენწეროების ბილიკი მოეწყობა
access_time2019-12-14 11:00:58
ლაგოდეხის დაცულ ტერიტორიებზე საქართველოში პირველი, ხის კენწეროების ბილიკი მოეწყობა, პროექტირების სამუშაოები უკვე დასრულებულია. ხის კენწეროების ბილიკები მოიცავს კოშკურებს, საჰაერო ბილიკს, ხიდებს, საგანმანათლებლო და საინტერპრეტაციო ინტერაქტიულ პორტალებს. მსგავსი ბილიკები მხოლოდ მსოფლიოს წამყვან ეროვნულ პარკებშია. ბილიკი, წინასწარი გათვლებით 1 წლის განმავლობაში 60 000 – 100 000 ადამიანის მასპინძლობას შეძლებს. პროექტის მიხედვით, ბილიკი წრიული იქნება და მისი სიგრძე 500 მეტრი...

საქართველოს აეროპორტებში უცხო ქვეყნის საჰაერო ხომალდებისათვის ხმაურის მოთხოვნები დაინერგება

საქართველოს აეროპორტებში უცხო ქვეყნის საჰაერო ხომალდებისათვის ხმაურის მოთხოვნები დაინერგება
access_time2019-12-14 20:00:22
2020 წელს ევროკავშირის დირექტივის შესაბამისად, საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტო (GCAA) გეგმავს საქართველოს აეროპორტებში უცხო ქვეყნის საჰაერო ხომალდებისათვის ხმაურის მოთხოვნების დანერგვას, აღნიშნულის შესახებ განცხადებას სამოქალაქო ავიაციის სააგენტოს ხელმძღვანელი ლევან კარანაძე აკეთებს. კარანაძის თქმით, აღნიშნული წესის მიზანია საქართველოს აეროპორტებში საჰაერო ხომალდების ექსპლუატირების დროს ხომალდის...

Parker Georgia - ფეხსაცმლის ქართული ბრენდი განვითარების ახალ საფეხურზე გადადის

Parker Georgia - ფეხსაცმლის ქართული ბრენდი განვითარების ახალ საფეხურზე გადადის
access_time2019-12-14 14:00:53
ქართული ბრენდი PARKER GEORGIA ბაზარზე 2017 წელს გამოჩნდა და სულ მალე დიდი პოპულარობა მოიპოვა. ბავშვობის მეგობრების წამოწყება 2 წელიწადში წარმატებულ, შემდგარ ბიზნესად იქცა, რომელიც სწრაფი ტემპით ვითარდება და უკვე ქვეყნის ფარგლებსაც გასცდა. PARKER GEORGIA-ს ერთგული მომხმარებლების რიცხვი მზარდია. მათ ქართული ბრენდის ფეხსაცმელი საკუთარი სტილის განუყრელ ატრიბუტად...

ლევან კობერიძის კითხვები ეროვნული ბანკის პრეზიდენტს, კობა გვენეტაძეს

ლევან კობერიძის კითხვები ეროვნული ბანკის პრეზიდენტს, კობა გვენეტაძეს
access_time2019-12-13 22:47:07
საპარლამენტო ფრაქცია დამოუკიდებელი დეპუტატების წევრმა ლევან კობერიძემ  ეროვნული ბანკის პრეზიდენტ კობა გვენეტაძეს პარლამენტში პლენარულ სესიაზე, სადაც სებ–ის ფულად-საკრედიტო პოლიტიკის დოკუმენტი განიხილეს, რამდენიმე კითხვით მიმართა:  -საპენსიო ფონდის ხელმძღვანელის, ლევან სურგულაძის თანამდებობიდან წასვლა ვადაზე ადრე (1 წელიწადში წავიდა ის...


მსგავსი სიახლეები

up