უცხოელი სტუდენტების რაოდენობის, უკრაინიდან და ჰონგ კონგიდან ლტოლვილების მკვეთრი ზრდის შემდეგ, ბრიტანეთში მიგრანტების რიცხვმა 504 000-ს მიაღწია. ამის შესახებ Guardian-ი იტყობინება.
ეროვნული სტატისტიკის სამსახურის (ONS) მიერ გამოქვეყნებული წმინდა მიგრაციის ახალი მაჩვენებელი ერთ წელიწადში 331 000-ით გაიზარდა. ეს სულ მცირე 400 000-ით მეტია იმ ციფრზე, რაც ბრიტანეთის შინაგან საქმეთა მინისტრმა სუელა ბრავერმანმა ამ წლის სექტემბერში განაცხადა.
ამის პარალელურად, პრემიერ მინისტრი რიში სუნაკი პირობას დებს, რომ საერთო მიგრაციას შეამცირებს. იგივე პირობას დებდნენ მისი წინამორბედები - დევიდ კამერონი და ტერეზა მეი, მაგრამ ამ პირობის შესრულება ვერც ერთმა ვერ მოახერხა, წერს გამოცემა.
ONS-ის შეფასებით, 12 თვეში 2022 წლის ივნისამდე, დაახლოებით 504 000-ით მეტი ადამიანი შევიდა დიდ ბრიტანეთში, ვიდრე გამოვიდა. ამავდროულად, თავშესაფრის განაცხადების რაოდენობამ ბოლო 32 წლის განმავლობაში უმაღლეს დონეს მიაღწია და 143 ათასს გადააჭარბა. მთავრობის მონაცემებით, თითქმის 100 ათასი ადამიანი ექვს თვეზე მეტია პირველადი განაცხადების განხილვას ელოდება.
მოამზადა მაკა ბიბილაშვილმა