ბრიტანეთის საელჩო ანაკლიის და „კავკასუს ონლაინის“ საკითხს ყურადღებით აკვირდება

ბრიტანეთის საელჩო ანაკლიის და „კავკასუს ონლაინის“ საკითხს ყურადღებით აკვირდება

access_time2020-09-11 10:12:08

დიდი ბრიტანეთის საგარეო საქმეთა სამინისტრო და საქართველოში ბრიტანეთის საელჩო ანაკლიის ღრმაწყლოვანი პორტისა და “კავკასუს ონლაინის” გარშემო მიმდინარე მოვლენებს ყურადღებით აკვირდებიან. ამის შესახებ განცხადება დიდი ბრიტანეთის საგარეო საქმეთა სამინისტროს საპარლამენტო მდივანმა, ვენდი მორტონმა გააკეთა. ბრიტანეთის საგარეო საქმეთა სამინისტროს საქართველოში განვითარებული მოვლენებთან დაკავშირებით კითხვით ლეიბორისტული პარტიის წევრმა ქეთრინ უესთმა მიმართა. დეპუტატის კითხვა საქართველოს მთავრობის მიერ საერთაშორისო ინვესტორების წინააღმდეგ მიღებულ გადაწყვეტილებებს შეეხებოდა, რომლის მაგალითადაც ქეთრინ უესთს ანაკლიისა და “კავკასუს ონლაინის” შემთხვევები მოყავს.


დეპუტატ ქეთრინ უესთის კითხვა საქართველოს ბიზნესკლიმატთან დაკავშირებით:


“რა ნაბიჯებს დგამს საგარეო საქმეთა მინისტრი იმისთვის, რათა ბრიტანეთის კარგი მმართველობის ფონდი (Good Governance Fund) საქართველოში ფოკუსირებული იყოს ა) ანტიკუროფციულ და ბ) ქვეყნის საინვესტიციო გარემოს განვითარებაზე; ამასთანავე რა ინფორმაციას ფლობს ის საქართველოს მთავრობის მიერ საერთაშორისო ინვესტორების წინააღმდეგ უკანასკნელ პერიოდში მიღებულ გადაწყვეტილებებთან დაკავშირებით? მათ შორის ანაკლიის პორტის პროექტთან და “კავკასუს ონლაინთან” მიმართებით?”


ამ კითხვის პასუხად, საგარეო საქმეთა სამინისტროს საპარლამენტო მდივანი ვენდი მორტონი აღნიშნავს, რომ ბრიტანეთის კარგი მმართველობის ფონდი ქვეყანაში საჯარო ადმინისტრირების რეფორმის განხორციელებაზე არის ფოკუსირებული, ხოლო დეპუტატის მიერ წამოჭრილ ბიზნეს დავებს საქართველოში ბრიტანეთის საელჩო ყურადღებით ადევნებს თვალს.


“ბრიტანეთის კარგი მმართველობის ფონდი (GGF) საქართველოში ფოკუსირებულია საჯარო ადმინისტრირების რეფორმასა და ქვეყანაში საპარლამენტო კონტროლის განმტკიცებაზე, რაც ინსტიტუციური სისუსტეების აღმოფხვრისა და კორუფციასთან ბრძოლის გაძლიერებისკენ არის მიმართული. ამასთანავე, საქართველოში არსებული პროგრამა საქართველოს მთავრობასა და საერთაშორსო ინვესტორებს შორის დიალოგის განმტკიცებას ისახავს მიზნად, რაც ქვეყნის ბიზნესგარემოს გაუმჯობესებისკენ არის მიმართული. ამასთანავე, ბრიტანეთის კარგი მმართველობის ფონდი მუდმივად ახდენს მის მიერ დაფინანსებული პროექტების მონიტორინგსა და შედეგების შეფასებას, რათა საქართველოში განხორციელებული პროექტები სრულად პასუხობდნენ ფონდის პრიორიტეტებს.



საქართველოში დიდი ბრიტანეთის საელჩო იცნობს და ყურადღებით აკვირდება ანაკლიის პორტისა და “კავკასუს ონლაინის” გარშემო მიმდინარე მოვლენებს. საელჩო ამ საკითხებთან მიმართებით დაკვირვებას მომავალშიც განაგრძობს,”- ნათქვამია საგარეო საქმეთა სამინისტროს საპარლამენტო მდივნის მიერ გაცემულ პასუხში.


შეგახსენებთ, რომ “ანაკლიის განვითარების კონსორციუმთან” საქართველოს მთავრობამ ხელშეკრულება ცალმხრივად 2020 წლის იანვარში მოშალა. ამ გადაწყვეტილებამდე თვეებით ადრე კონსორციუმი აღნიშნავდა, რომ საქართველოს მთავრობა ანაკლიის პროექტის მუდმივი საბოტაჟირებით იყო დაკავებული, რის მაგალითსაც კონსორციუმის დამფუძნებლების წინააღმდეგ დაწყებულ სამართლო პროცესები და მთავრობის წევრთა მხრიდან გაკეთებული განცხადებები წარმოადგენდნენ. ანაკლიის განვითარების კონსორციუმმა საქართველოს წინააღმდეგ სააბრიტრაჟო სასამართლოსთვის მიმართვის შესახებ განცხადება 30 ივლისს გააკეთა. კონსორციუმის მსგავსად სააბრიტრაჟო სასამართლოს მისმა ერთ-ერთმა ინვესტორმაც, ბობ მეიერმაც მიმართა.


“კავკასუს ონლაინის” გარშემო მიმდინარე მოვლენები კი ევროპასა და აზიას შორის ახალი ციფრული დერეფანის განვითარების საკითხს უკავშირდება. აზერბაიჯანული NEQSOL ჰოლდინგი, რომლემაც “კავკასუსის” მშობელ კომპანიაში 49%-იანი წილი გასულ წელს შეიძინა. “კავკასუს ონლაინის” საკუთრებაში არსებული, შავი ზღვის ოპტიკურ-ბოჭკოვანი კაბელისა და კასპიის ზღვის ფსკერზე მშენებარე ახალი კაბელის მეშვეობით ახალი ციფრული მაგისტრალის შექმნას გეგმავს, რომელიც აზიაში მილიონობით აბონენტს ინტერნეტთან საქართველოს გავლით დააკავშირებს. თუმცა, გარიგება, რომლითაც NEQSOL-მა “კავკასუს ონლაინის” 49%-იანი წილი შეიძინა საქართველოს კომუნიკაციების მარეგულირებლის შეფასებით უკანონო იყო, რადგანაც ის წინასწარ არ ყოფილა კომისიასთან შეთანხმებული.


კომუნიკაციების კომისიამ 20 აგვისტოს სხდომაზე “კავკასუს ონლაინს” 270,000 ლარის მოცულობის ჯარიმა დააკისრა და 20 სექტემბრისთვის კომპანიას მისი წილების ნასყიდობის გარიგების შეცვლა დაავალა.


თავისმხრივ, NEQSOL Holding-ი აღნიშნავს საქართველოს მაშინდელი ხელისუფლება ისევე როგორც, კომუნიკაციების კომისია და სახელმწიფო უსაფრთხოების სამსახური გარიგების საქმის კურსში იყო და არსებობდა შესაბამისი თანხმობაც იმის თაობაზე, რომ “კავკასუსის” წილი შეეძინათ.


NEQSOL-თან მიმდინარე დავის პარალელურად, საქართველოს პარლამენტმა დაჩქარებული წესით მიიღო კანონი, რომლითაც კომუნიკაციების კომისიის უფლებამოსილებები გაფართოვდა მას კომპანიებში სპეციალური მმართველის დანიშვნის უფლება მიეცა. სპეციალურ მმართველს კი უფლება აქვს დანიშნოს და გაათავისუფლოს დირექტოთა საბჭოს წევრები, გაწყვიტოს კავშირები კონტრაქტორებთან, შეაჩეროს ან შეზღუდოს მოგების განაწილების პროცესი, ასევე შეასრულოს სხვა ფუნქციები კომპანიის მმართველობაში.


თუკი 20 სექტემბრისთვის “კავკასუს ონლაინის” მეწილეთა რიგებში ცვლილებები არ შევა, მარეგულირებელმა კომპანიაში შესაძლოა სპეციალური მმართველი დანიშნოს. რამდენიმე საერთაშორისო იურიდიული კომპანიის შეფასებით, მსგავსი ქმედება შეიძლება ჩაითვალოს კერძო საკუთრების ექსპროპრიაციად, რაც საქართველოს ბიზნესკლიმატის კიდევ უფრო გააუარესებს.






„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up