ბრიტანეთ-პოლონეთ-უკრაინის სამხედრო ალიანსი - ახალი „ინტერმარიუმი“

ბრიტანეთ-პოლონეთ-უკრაინის სამხედრო ალიანსი - ახალი „ინტერმარიუმი“

access_time2022-02-02 14:00:44

უკრაინის ირგვლივ განვითარებულ მოვლენებს , კერძოდ დიდი ბრიტანეთის, პოლონეთისა და უკრაინის სამხედრო ალიანსის თემას ვრცელ პოსტში აანალიზებს საქართველოს ეროვნული უშიშროების საბჭოს ყოფილი მდივანი კახა ლომაია. ამ ალიანსის შექმნას ლომაია ახალ „ინტერმარიუმს“ უწოდებს.

 

„კომერსანტი“ უცვლელად გთავაზობთ კახა ლომაიას პოსტს, რომელიც 2 თებერვალს გამოაქვეყნა ფეისბუქზე:

 

ინტერმარიუმი“ (ლათინურად „ზღვათაშორისი“, პოლონურად Międzymorze) დიდი პოლონელი მხედართმთავრის და პოლიტიკური ლიდერის, მარშალ იოჟეფ პილსუდსკის გეოპოლიტიკურ გეგმას ეწოდებოდა, რომელიც რუსეთის იმპერიის მეზობელ სახელმწიფოებს გააერთიანებდა ერთ კონფედერაციად ბალტიიდან შავ ზღვამდე. ამ გეგმის განხორციელება ევროპაში პირველ და მეორე მსოფლიო ომებს შორის ვერ მოხერხდა.

 

მიმდინარე კვირაში კიევში გამოცხადდება დიდი ბრიტანეთის, პოლონეთისა და უკრაინის სამმხრივი თავდაცვითი ალიანსის შექმნა, რომლის მიზანი „რეგიონული უსაფრთხოების გაძლიერება“ იქნება. რუკაზე დახედვაც არ არის საჭირო იმის დასანახად, რომ ეს ალიანსი ბალტიიდან შავ ზღვამდე სივრცესაც მოიცავს. უკანასკნელ დღეებში უკრაინისთვის სამხედრო, ეკონომიკური და პოლიტიკური დახმარებაის აღმოჩენის პროცესები კიდევ უფრო დაჩქარდა. დღეს კიევში ჩაფრინდა წლის დასაწყისიდან მეექვსე ამერიკული სამხედრო-სატრანსპორტო თვითმფრინავი, რომელმაც კიდევ 84 ტონა „ლეტალური სამხედრო ტვირთი“ ჩაიტანა. სულ ამ წლის 1 იანვრიდან 1 თებერვლამდე, ამერიკამ უკრაინას 500 ტონა (!) შეიარაღება და ტყვია-წამალი მიაწოდა.

 


უკრაინის შეიარაღებული ძალები აღარასოდეს იქნებიან ისეთი, როგორიც ისინი ყირიმის ანექსიის დროს იყვნენ. პოლონეთი უკრაინას ჰაერსაწინააღმდეგო სისტემებს, დრონებს და ტყვია-წამალს გადასცემს, განაცხადა დღეს პრემიერ-მინისტრმა მორავეცკიმ. დღეს ტულონიდან შავ ზღვაში გაემართა ფრანგული ფრეგატი, რომელიც ავიამზიდ „შარლ დე გოლის“ დაჯგუფებაში შედის. დაჯგუფებაში, რომელიც აღმოსავლეთ ხმელთაშუაზღვაში აპრილამდე დარჩება, ასევე შედიან სამი ფრეგატი, მომარაგების ხომალდი და ბირთვული წყალქვეშა ნავი.

 

ასევე დღეს პირველად თავის ისტორიაში, უკრაინამ შეძლო გაზის იმპორტი უნგრეთიდან. რუსეთის ტრანზიტის სრული შეწყვეტის შემთხვევაშიც კი უკრაინა უკვე ორი სხვადასხვა მიმართულებიდან (პირველი სლოვაკეთი იყო) შეძლებს დასავლეთიდან გაზის იმპორტს.

 

ბრიტანულ-პოლონურ-უკრაინული ალიანსი ახალ და რთულ გეოპოლიტიკურ თავსატეხს უჩენს რუსეთს. ერთის მხრივ, ეს არ არის ნატო, შესაბამისად, რუსეთის პრეტენზიები უკრაინა ნატო-ში არ მიიღოთო, ამ ალიანსზე ვერ გავრცელდება. მეორე მხრივ, ახალი ალიანსის სამი წევრიდან ორი აგრეთვე ნატო-ს წევრიცაა. თუ რუსეთი უკრაინაში შეიჭრა, და პოლონეთს და ბრიტანეთს ამ უკანასკნელთან სამოკავშირეო ვალდებულებები აკავშირებს, მაშინ გამოდის, რომ რუსეთს ნატო-ს წევრებთან მოუწევს დაპირისპირება. მაგრამ ნატო-ს ერთ წევრთან დაპირისპირება ხომ მთლიანად ნატო-სთან დაპირისპირებაა?

 

ეს ის შემთხვევაა, როდესაც სასარგებლო იდიოტების მიერ ბუნდოვანების და ორაზროვნების შექმნის დიდოსტატად მონათლული პუტინი, თავად გააბეს გეოსტრატეგიულ ბუნდოვანებაში.

 

ძნელი დასაჯერებელია, რომ სამთა ალიანსს აშშ-ს კურთხევა არ ჰქონოდა. უნგრეთის პრემიერ-მინისტრთან გამართულ ერთობლივ პრეს-კონფერენციაზე დღეს პუტინს არ ჰქონდა პასუხი მთავარ კითხვაზე, თუ რას მოიმოქმედებდა რუსეთი თავის ულტიმატუმზე მტკიცე უარის მიღების შემდეგ. სად გაქრა მისი ჩვეული თავხედობა და აგრესიულობა? დღეს ის უკვე აღარ ემუქრებოდა აშშ-ს ვაშინგტონზე დამიზნებული ბირთვულ ქობინიანი ჰიპერბგერითი რაკეტით, რომელიც უხილავ და უხმაურო წყალქვეშა ნავზეა დამონტაჟებული სადღაც ატლანტის ოკეანის ფსკერზე. პირიქით, მან რიტორიკული კითხვაც კი დასვა, თუ უკრაინა ნატო-ში მიიღეს და მან ყირიმის დაბრუნება განიზრახა, გამოდის რომ ჩვენ ნატო-სთან მოგვიწევს ომიო?

 

საქმეს ისეთი პირი უჩანს, რომ ნატო-ს არ გაფართოების ნაცვლად, რუსეთი შვედეთ-ფინეთით გაძლიერებულ ნატო-ს მიიღებს, ხოლო „იალტა-2“-ის და გავლენის სფეროების აღდგენის ნაცვლად ახალ „ინტერმარიუმს“, ბრიტანეთ-პოლონეთ-უკრაინის ალიანსის სახით“, - წერს კახა ლომაია.




5-6 თებერვალს სტამბოლის აეროპორტში 230-ზე მეტი ფრენა უქმდება

5-6 თებერვალს სტამბოლის აეროპორტში 230-ზე მეტი ფრენა უქმდება
access_time2023-02-04 21:50:22
5-6 თებერვალს თურქეთის ავიახაზებმა, სტამბოლის აეროპორტში, უამინდობის გამო 230-ზე მეტი საერთაშორისო და შიდა ფრენა გააუქმა. აეროპორტის ოფიციალურმა წარმომადგენლებმა გაავრცელეს განცხადება, სადაც მგზავრებს ურჩევენ, რომ ამინდის გაუარესების გამო, 5 და 6 თებერვლის ფრენის დეტალები შესაბამის ავიაკომპანიებთან დააზუსტონ. თურქეთის სახელმწიფო მეტეოროლოგიურ სამსახურს განცხადება ჯერ არ გაუკეთებია. უახლოეს საათებში შესაძლოა გამოცხადდეს ფრენების შემდგომი შეფერხებების ან უამინდობის...

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე
access_time2023-02-04 21:20:45
თენგიზ ცერცვაძე სოციალურ ქსელში ვრცელ პოსტს აქვეყნებს, სადაც მსოფლიოში და საქართველოში კოვიდ სიტუაციას მიმოიხილავს. ის წერს, რომ საქართველოში, ისევე როგორც სხვა ქვეყნების უმეტესობაში გამოვლენილია XBB1.5 („კრაკენი“) სუბვარიანტით გამოწვეული შემთხვევებიც, თუმცა დომინანტურ სუბვარიანტებად კვლავ რჩება ომიკრონის BA2, BA5 და სხვა „ძველი“ სუბვარიანტები. სადღეისოდ საქართველოში CH.1.1 („ორტრუსის“) სუბვარიანტის არცერთი შემთხვევა არ დაფიქსირებულა.   „ბოლო პერიოდში მსოფლიოში COVID-ის...

2022 წელს ამერიკულმა ბანკებმა ხელმძღვანელობას ხელფასები შეუმცირეს

2022 წელს ამერიკულმა ბანკებმა ხელმძღვანელობას ხელფასები შეუმცირეს
access_time2023-02-04 20:00:06
Bank of America Corp-მა 2022 წლისთვის აღმასრულებელი დირექტორის ბრაიან მოინიჰანის ხელფასი დაახლოებით 6%-ით 30 მლნ დოლარამდე შეამცირა. 2021 წელს მოინიჰანის ანაზღაურება 32 მლნ დოლარი იყო. ამის შესახებ Bloomberg-ი და...

მკვლევრებმა მარილის მარცვლის ზომის ვიდეოკამერა შექმნეს

მკვლევრებმა მარილის მარცვლის ზომის ვიდეოკამერა შექმნეს
access_time2023-02-04 19:30:45
პრინსტონისა და ვაშინგტონის უნივერსიტეტების მკვლევრებმა ახალი მაღალი ხარისხის გამოსახულების მქონე მიკროკამერა შექმნეს, რომელი მხოლოდ ნახევარი მილიმეტრის ზომისაა.   Nature Communications-ში გამოქვეყნებული კვლევა აჩვენებს, თუ როგორ...

მსოფლიოში ოქროზე მოთხოვნა 18%-ით გაიზარდა

მსოფლიოში ოქროზე მოთხოვნა 18%-ით გაიზარდა
access_time2023-02-04 17:20:48
მსოფლიო ოქროს საბჭოს (WGC) ყოველწლიური ანგარიშის მიხედვით, 2022 წელს ოქროზე გლობალური მოთხოვნა 18%-ით გაიზარდა და 4741 ტონას მიაღწია, რაც ყველაზე მაღალია მაჩვენებელია 2011 წლის შემდეგ.   მსოფლიოს ცენტრალური ბანკების მიერ ოქროს შესყიდვები ზედიზედ მეორე წელია გაიზარდა და 1136 ტონას მიაღწია. განვითარებადი ქვეყნების მარეგულირებლები, მათ შორის თურქეთი და ჩინეთი, ოქროს მთავარი მყიდველები გახდნენ.   „2022 წელს ცენტრალური ბანკები არამარტო გახდნენ ოქროს...


მსგავსი სიახლეები

up