ბრექსიტის შემდეგ ბრიტანეთში სასურსათო დეფიციტი დაიწყო

ბრექსიტის შემდეგ ბრიტანეთში სასურსათო დეფიციტი დაიწყო

access_time2021-01-13 18:20:03

ბრიტანეთის სავაჭრო ქსელის წარმომადგენლები რამდენიმე სახეობის ხილ-ბოსტნეულის დეფიციტის შესახებ საუბრობენ და ეს დაკავშირებულია ქვეყნის ევროკავშირიდან გასვლის შემდეგ საზღვრის გადაკვეთის გამკაცრებასთან.


იმის მიუხედავად, რომ ლონდონმა ბრიუსელთან მოლაპარაკებების დროს უკვე ბოლო საათებში ბრექსიტის შედარებით რბილ ვარიანტზე შეთანხმების მიღწევა მოახერხა, ევროკაშირიდან გასვლა უმტკივნეულო მაინც ვერ იქნებოდა. პირველად, ეს ვაჭრობამ იგრძნო, რადგანაც სასურსათო პროდუქტების დიდი ნაწილი ბრიტანეთში იმპორტირებულია.


სავაჭრო კომპანიების თქმით, შეფერხებების მიზეზია ბიუროკრატიული პროცედურები საზღვრებზე, რომლებიც ბუნებრივად ამუშავდა იმის შემდეგ, რაც სამეფოზე ევროკავშირის გამარტივებული წესები არ ვრცელდება.

ვითარებას ასევე საკარანტინო შეზღუდვები და კორონავირუსის გამო წარმოქმნილი სამუშაო ძალის დეფიციტიც ართულებს.

კერძოდ, სუპერმარკეტების ქსელის Tesco-ს საიტზე ნათქვამია, რომ ქვეყნის რამდენიმე რეგიონში დეფიციტშია ისეთი მარტივი და ფართო მოხმარების პროდუქტები, როგორც ხახვი, ყვავილოვანი კომბოსტო, და ფორთოხალი, ონლაინ-მაღაზია Ocado კი იუწყება, რომ გაყიდვაში არ არის სტაფილო, ყვავილოვანი კომბოსტო, ბროკოლი და ხილ-ბოსტნეულის რამდენიმე სხვა დასახელების პროდუქტი.


გადამზიდავების ინფორმაციით, ბრიტანეთის საზღვრებზე სრული ქაოსია და ახალი საბაჟო პროცედურების შემოღების შემდეგ მარტივი ტვირთების გადაადგილებაც კი თითქმის შეუძლებელია.


გადამზიდავთა ასოციაციის Road Haulage Association-ის ინფორმაციით, საზღვრებზე უკვე მრავალკილომეტრიანი საცობები. როგორც წესი, ყოველდღიურად ბრიტანეთის მთავარ სახმელეთო საზღვარს ლა-მაშთან 2000-მდე სატვირთო მანქანა კვეთს, თუმცა, ამჟამად ვითარება რადიკალურად განსხვავებულია - ახალი პროცედურები ყოველმა მეხუთე მანქანას ვერ გაიარა.



საზღვარზე ქაოსის და რიგების მიზეზიც სწორედ ეს გახდა.


ბრექსიტის საკითხებში მინისტრის მაიკლ გოუვის თქმით, უახლოეს დღეებში მდგომარეობა არათუ არ გაუმჯობესდება, არამედ მკვეთრად გაუარესდება - საშობაო და საახალწლო არდადაგების გამო სატვირთო მანქანების ნაკადი საზღვარზე შედარებით მცირეა, უახლოეს დღეებში კი ის ჩვეულ მასშტაბებს დაუბრუნდება.

შესაბამისად, მოსალოდნელია საზღვარზე კიდევ უფრო დიდი რიგები, მეტი ქაოსი და ბრიტანეთის მაღაზიებში მეტი დეფიციტი.

ცალკე თემაა - ჩრდილოეთ ირლანდია, რომელსაც ევროკავშირიდან ბრიტანეთის გასვლის შემდეგ განსაკუთრებული სტატუსი აქვს, რაც არა მხოლოდ უცხოეთიდან, არამედ სამეფოს სხვა ნაწილებიდან შემოტანილი ტვირთების შემოწმება-გაფორმებას გულისხმობს.

ამ რეგიონში ხილ-ბოსტნეულის არჩევანის მკვეთრი შემცირება სავაჭრო ქსელებმა Asda, Sainsbury’s და Tesco-მ დაადასტურეს.

მათი თქმით, ბევრი მომწოდებელი ამ ახალი პროცედურებისთვის მოუმზადებელი აღმოჩნდა.

ხილ-ბოსტნეულის დეფიციტს ბრიტანეთში სამუშაო ძალის უკმარისობაც ართულებს - მოსახლეობის, და შესაბამისად, მუშახელის, დიდი ნაწილი იზოლაციის რეჟიმში იმყოფება. ბრიტანეთში მკაცრი აკრძალვები მოქმედებს, თუმცა, ჯერ-ჯერობით უშედეგოდ - ბრიტანეთი კორონავირუსით დაავადების კუთხით ერთ-ერთ მსოფლიო ლიდერად რჩება, განსაკუთრებით, ახალი შტამის გამოვლენის შემდეგ.



freshfruitportal.com



მოამზადა თენგიზ აბლოთიამ





„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო

„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო
access_time2021-05-07 19:26:49
ჯანდაცვის მსოფლიო ორგანიზაციამ ჩინური წარმოების „სინოფარმის“ ვაქცინას ავტორიზაცია მიანიჭა. როგორც მიმდინარე ბრიფინგზე ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეიესუსმა განაცხადა, შესაბამისი გადაწყვეტილება ჯანდაცვის მსოფლიო ორგანიზაციის ექსპერტთა ჯგუფმა დღეს გამართულ სხდომაზე მიიღო. „ვაქცინები რჩება სასიცოცხლო მნიშვნელობის იარაღად, თუმცა ახლა პანდემიის დასასრულებლად ვაქცინის მოცულობა, დისტრიბუცია საზოგადოებრივი ჯანდაცვის ზომების თანმიმდევრული და...

ბაქოში ევროპის ჩემპიონატის თასი ჩაიტანეს

ბაქოში ევროპის ჩემპიონატის თასი ჩაიტანეს
access_time2021-05-07 17:50:48
თასი, რომელიც ევროპის საფეხბურთო ჩემპიონატის EURO 2020-ის გამარჯვებულს გადაეცემა, უკვე ბაქოშია. აზერბაიჯანის დედაქალაქში მატჩები EURO 2020 თასის რაუნდის ფარგლებში მიმდინარე წლის 11 ივნისიდან 11 ივლისის ჩათვლით ჩატარდება. ევროპის ჩემპიონატის თასი, რომელიც ბაქოში 7-დან 9 მაისამდე იქნება გამოფენილი, დღეს აზერბაიჯანის პრეზიდენტს, ილჰამ ალიევს გადასცეს. მოგვიანებით კი EURO 2020-ის ჯილდო ქალაქის სხვადასხვა ლოკაციაზე მიიტანეს. სპეციალური ფოტოსესია მოეწყო გობუსტანის სახელმწიფო...

ტექნიკის ბაზრის შემცირების პროცესი დაიწყო - BEKO

ტექნიკის ბაზრის შემცირების პროცესი დაიწყო - BEKO
access_time2021-05-08 14:00:42
საყოფაცხოვრებო ტექნიკის მაღაზიათა ქსელი Beko-ს გენერალური დირექტორი მეჰმედ მელექი „ბიზნესპარტნიორთან“ აცხადებს, რომ საქართველოში ტექნიკის ბაზრის შემცირების პროცესი დაწყებულია. მისი განცხადებით, შედარებით მცირე და საშუალო კომპანიები ბაზრიდან გადიან, საბოლოოდ, კი ბაზარზე ფინანსურად ძლიერი 5-6 კომპანია დარჩება. „ოპერირებას გააგრძელებს ის მსხვილი კომპანიები, რომლებიც საერთაშორისო ბრენდების ექსკლუზიური იმპორტიორები არიან. 2020 წელს ტექნიკის ბაზარი...

7 მაისი - რეგიონში ქართული ლარი და თურქული ლირა გამყარდა

7 მაისი - რეგიონში ქართული ლარი და თურქული ლირა გამყარდა
access_time2021-05-07 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 7 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 7 მაისის ვაჭრობის შედეგად (რომლის ოფიციალური კურსი 8 მაისისაა) ეროვნული ვალუტა აშშ დოლართან...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-05-07 21:00:24
დღის TOP 10 საინტერესო ამბავი: 1.„რეფინანსირების განაკვეთის გაზრდით შესაძლოა საფრთხე საბანკო პორტფელებსაც შეექმნას“ ეროვნულმა ბანკმა რამდენიმე დღის წინ რეფინანსირების განაკვეთის 1 პროცენტული პუნქტით, 9.5%-მდე გაზრდის გადაწყვეტილება მიიღო, რაც უკანასკნელი წლების განმავლობაში რეფინანსირების...


მსგავსი სიახლეები

up