ბრაზილიაში აღმოაჩინეს ვირუსი, რომელსაც მეცნიერებისთვის სრულიად უცნობი გენები აქვს

ბრაზილიაში აღმოაჩინეს ვირუსი, რომელსაც მეცნიერებისთვის სრულიად უცნობი გენები აქვს

access_time2020-02-11 23:30:23

მეცნიერებმა აღმოაჩინეს უცნობი ვირუსი, რომლის გენომიც თითქმის მთლიანად ახალია თანამედროვე მეცნიერებაში; გენომში არსებული გენები სრულიად უცხოა და ამ დრომდე არსად არის აღწერილი ვირუსთა კვლევებში. 

ე. წ. იარავირუსი, რომელსაც სახელი ბრაზილიის ადგილობრივი მითოლოგიის (ტუპის და გუარანის ხალხის) წყლის დედოფალ იარას, იგივე ლარას მიხედვით უწოდეს, ბრაზილიის ქალაქ ბელუ-ორიზონტის ხელოვნურ ტბა პამპულიაში აღმოაჩინეს.

15 000 წლის წინანდელ ყინულებში აქამდე უცნობი უძველესი ვირუსები აღმოაჩინეს

საქმე ის არის, რომ იარავირუსი (Yaravirus brasiliensis) შეიძლება ისეთივე იდუმალი იყოს, როგორც ადგილობრივ ინდიელთა ლეგენდარული წყლის ნიმფა, რომლის სახელსაც ის ატარებს.

როგორც მკვლევრები განმარტავენ, ამის მიზეზი კი ისაა, რომ ვირუსი წარმოადგენს ამებასებრ ვირუსთა ახალ ხაზს ამოუცნობი წარმოშობითა და ფილოგენიით.

ჯგუფის ორმა გამოცდილმა წევრმა, საფრანგეთის ექს-მარსელის უნივერსიტეტის ვირუსოლოგმა ბერნარ ლა სკოლამ და ბრაზილიის მინას-ჟერაისის ფედერალური უნივერსიტეტის ვირუსოლოგმა ჟონატას აბრაონმა კარგად იციან, რასთან შეიძლება გვქონდეს საქმე.

ორი წლის წინ, ამ წყვილმა აღმოაჩინა წყლის ბინადარი კიდევ ერთი ახალი ვირუსი, სახელად ტუპანვირუსი — გიგანტური ვირუსი, რომელსაც ექსტრემალურ წყლოვან ჰაბიტატში მიაგნეს.

გიგანტურ ვირუსებს ეს სახელი მათი უზარმაზარი კაპსიდების გამო უწოდეს. კაპსიდი არის ვირუსის ცილოვანი გარსი.


ვირუსის ეს გაცილებით დიდი ფორმები ამ საუკუნეში აღმოაჩინეს; ისინი მხოლოდ ზომით როდი გამოირჩევა. ასევე აქვთ გაცილებით კომპლექსური გენომები, რაც მათ ცილების სინთეზის საშუალებას აძლევს და შესაბამისად, ახერხებენ დნმ-ის აღდგენას, რეპლიკაციას, ტრანსკრიფციას და ტრანსლაციას.


მათ აღმოჩენამდე მიიჩნეოდა, რომ ვირუსებს ასეთი რამეების გაკეთება არ შეეძლოთ, უყურებდნენ როგორც შედარებით ინერტულ, უსიცოცხლო ორგანიზმებს, რომლებსაც მხოლოდ მასპინძელი ორგანიზმის დაინფიცირება შეეძლოთ.

 

ოკეანეებში ამ დრომდე უცნობი 200 000 ვირუსი აღმოაჩინეს


მსგავსი: ოკეანეებში ამ დრომდე უცნობი 200 000 ვირუსი აღმოაჩინეს

ახლა კი უკვე ვიცით, რომ ვირუსები იმაზე გაცილებით კომპლექსურია, ვიდრე ერთ დროს გვეგონა; ბოლო წლებში მეცნიერებმა აღმოაჩინეს სხვა სახის ვირუსული ფორმები, რომლებიც ასევე ეჭვქვეშ აყენებს ჩვენს წარმოდგენას ვირუსების გავრცელებისა და ფუნქციონირების შესახებ.

 

ახლად აღმოჩენილი იარავირუსი გიგანტური ვირუსი არ ჩანს, რადგან მხოლოდ 80 ნანომეტრის ზომის ნაწილაკებისგან შედგება. თუმცა, ის უდავოდ გამორჩეულია უნიკალური გენომით.

 

„ამებას სახის ჩვენთვის ცნობილ ვირუსთა უმეტესობას მრავალი მახასიათებელი საერთო აქვს, რის გამოც, ისინი ერთ ევოლუციურ ჯგუფად არის კლასიფიცირებული“, — წერენ ავტორები.

 

მათივე განცხადებით, ამებას მსგავს სხვა იზოლირებულ ვირუსთაგან განსხვავებით, იარავირუსს არ აქვს გიგანტური ნაწილაკები და კომპლექსური გენომი, მაგრამ გამოირჩევა აქამდე უცნობ გენთა მნიშვნელოვანი რაოდენობით.

 

კვლევის ფარგლებში მეცნიერებმა დაადგინეს, რომ იარავირუსის გენების 90 პროცენტზე მეტი აქამდე არასოდეს არის აღწერილი და შესაბამისად, წარმოადგენს ე. წ. ობოლ გენებს (იგივე ORFans).

 

ლამების წყალობით, შესაძლოა, მალე ყველა ტიპის გრიპის უნივერსალური ვაქცინა შეიქმნას


იარავირუსში აღმოჩენილი მხოლოდ ექვსი გენი, ისიც სუსტად ჰგავს სამეცნიერო მონაცემთა ბაზებში არსებულ ცნობილ ვირუსულ გენებს. ამ ბაზებში არსებულ 8500 მეტაგენომს შორის ძებნამ მეცნიერებს ვერაფერი უთხრა იმის შესახებ, რასთან შეიძლება იყოს ახლოს იარავირუსი.

 

მკვლევართა განმარტებით, სტანდარტული პროტოკოლების გამოყენებით, მათმა პირველმა გენეტიკურმა ანალიზებმა იარავირუსში ვერ იპოვა კაპსიდების რაიმე ცნობადი თანმიმდევრობა, ვერც სხვა კლასიკური ვირუსული გენები.

მათივე განცხადებით, ვირუსის დაფიქსირების ამჟამინდელი მეტაგენომური პროტოკოლების შემდეგაც კი, ცნობადი არ აღმოჩნდა ვირუსული აგენტის სახითაც კი. 

ამ ეტაპზე, მეცნიერებს მხოლოდ ვარაუდი შეუძლიათ იმის შესახებ, რა შეიძლება იყოს იარავირუსი. თუმცა, არ არის გამორიცხული, ის ამებას სახის ვირუსთა უცნობი ჯგუფის პირველი იზოლირებული შემთხვევა იყოს, ანდაც განსხვავებული სახის გიგანტური ვირუსი, რომელიც როგორღაც ისე განვითარდა, რომ ფორმები დაუპატარავდა.

მკვლევართა თქმით, ნებისმიერ შემთხვევაში აშკარაა, რომ ამ სფეროში სასწავლი ჯერ კიდევ ძალიან ბევრი გვაქვს.

კვლევა ხელმისაწვდომია რეცენზირებამდელ სერვერზე bioRxiv.

 

1TV.GE





პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...


მსგავსი სიახლეები

up