BP - ნავთობზე მსოფლიო მოთხოვნა პანდემიამდელ დონეს 2022 წლის მეორე ნახევარში მიაღწევს

BP - ნავთობზე მსოფლიო მოთხოვნა პანდემიამდელ დონეს 2022 წლის მეორე ნახევარში მიაღწევს

access_time2021-08-04 20:30:00

ნავთობისა და გაზის ბრიტანული კომპანია BP-ის მოგებამ მეორე კვარტალში 2,8 მლრდ დოლარს მიაღწია, რის შემდეგაც კომპანიამ დივიდენდები და აქციათა გამოსყიდვა გაზარდა. სააგენტო Reuters-ის შეფასებით, BP-ის მოგებამ მოლოდინს გადააჭარბა, მიზეზი კი ნავთობზე მოთხოვნის გაზრდა და ფასების მატებაა.


მეორე კვარტლის შედეგები კიდევ უფრო აძლიერებს გენერალური დირექტორის, ბერნარდ ლუნის გეგმას, რომ კომპანია, კლიმატის ცვლილებებთან ბრძოლის მიზნით, ნავთობიდან და გაზიდან განახლებადი და დაბალი ნახშირბადის ენერგიაზე გადავიდეს.


ვაჭრობის დასაწყისში BP-ის აქციები 2,2%-ით გაიზარდა. კომპანიამ დივიდენდები 4%-ით, 5, 46 ცენტამდე გაზარდა მაშინ, როცა გასული წლის ივლისში, პირველად 10 წლის შემდეგ, ორჯერ, 5, 25 ცენტამდე შეამცირა. BP აგრეთვე, გეგმავს, უახლოეს თვეებში 1,4 მლრდ დოლარის აქციები გამოისყიდოს მას შემდეგ, რაც 2,4 მლრდ დოლარის ზედმეტი ნაღდი ფული გამოიმუშავა წლის პირველ ნახევარში.


აპრილში BP-მ 500 მლნ დოლარის ღირებულების გამოსყიდვის გეგმა წამოიწყო, რათა დაეკომპენსირებინა თანამშრომელთა წილის განაწილების პროგრამა. კომპანიაში ელოდებიან, რომ ნავთობზე მსოფლიო მოთხოვნა პანდემიამდელ დონეს 2022 წლის მეორე ნახევარში მიაღწევს.



BP-ის სუფთა მოგება, პირველი კვარტლის 2,63 მლრდ დოლარიდან, მეორე კვარტალში 2,8 მლრდ დოლარამდე გაიზარდა მაშინ, როცა ანალიტიკოსები 2,15 მლრდ დოლარის მოგებას პროგნოზირებდნენ. ასეთი მოგებით კომპანიამ გასული წლის 6,68 მლრდ დოლარის ზარალი გადაფარა.


მოგების ზრდის მთავარი მიზეზი საწვავზე, მათ შორის, ავიასაწვავზე გაზრდილი მოთხოვნა და BP-ის ბენზინგასამართ სადგურებზე მაღალი რენტაბელურობაა. კომპანიის სუფთა ვალი 40,1 მილიარდიდან 32,7 მლრდ დოლარამდე შემცირდა. BP მომარაგების ჯაჭვში მოსალოდნელი შეზღუდვების გამო, Brent ნავთობის ფასზე პროგნოზს 2030 წლამდე ზრდის, თუმცა თავისი გრძელვადიანი ფასების პროგნოზს ამცირებს, რადგან განახლებად ენერგიაზე დაჩქარებული წესით გადასვლას ელოდება.


შედეგად, კომპანიამ დაბეგვრამდელი აქტივების ღირებულება 3 მლრდ დოლარამდე გაზარდა. BP-ის პროგნოზით, ბარელ ნავთობზე 60-დოლარიანი ფასის შემთხვევაში, 1 მლრდ დოლარის აქციების შეძენას შეძლებს, თავის დივიდენდებს კი 2025 წლამდე ყოველწლიურად 4%-მდე გაზრდის.


Brent ნავთობის ფასი ბარელზე, წინა კვარტლის 61 დოლარიდან, მეორე კვარტალში, საშუალოდ, 69 დოლარამდე გაიზარდა. გასული წლის ანალოგიურ პერიოდში მისი ფასი 29,56 დოლარს შეადგენდა.


BPN.GE


თეგები:
BP



დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up