ბოლო ერთი წლის  მანძილზე  ასაწყობ სახლებზე მოთხოვნა 100%-ით  გაიზარდა

ბოლო ერთი წლის მანძილზე ასაწყობ სახლებზე მოთხოვნა 100%-ით გაიზარდა

access_time2021-05-06 16:00:46

„წინა წელთან შედარებით ჩვენი ქოხების რეალიზაცია 100%-ით გაიზარდა” - ამის შესახებ „კომერსანტს ასაწყობი“ სახლების კომპანიის „Kohi.ge“ - ს დამფუძნებელმა ირაკლი ლომიძემ განუცხადა. მისი თქმით, ქოხებს ძირითადად თბილისის შემოგარენისთვის უკვეთავენ, თუმცა დიდია მოთხოვნა დასავლეთში მდებარე აგარაკებიდანაც. ირაკლი ლომიძე ამბობს, რომ ადამიანების დიდ რაოდენობას ქალაქში და ბეტონის ჯუნგლებში ცხოვრება აღარ უნდა და ბუნებასთან დაახლოებას ცდილობენ.

 

„საქართველოს ბაზარზე მოთხოვნა გაიზარდა, ჩვენ ოფისში იმდენად ბევრი მომხმარებელი იყრის თავს, რომ წინასწარი ჩაწერის გარეშე კონსულტაციაზე და შეკვეთის მისაღებად ადამიანებს ვერ ვღებულობთ, მოგვიწევს ოფისში სამუშაოდ ადამიანური რესურსების დამატება და ოფისის გაზრდაც, რადგან მომხარებელს კომფორტულად და დროულად მოვემსახუროთ. ვფიქრობ, რომ ძალიან ბევრს ადამიანს ქალაქგარეთ დასახლება სურს, რაც ჩვენი პროდუქტის რეალიზაციაზეც აისახა. ვისაც კი სადმე მიწის ნაკვეთი ჰქონდა უმეტესობამ ქოხის ჩადგა და საცხოვრებლად გადასვლა გადაწყვიტა.

 

დიდ ქალაქებში ხან ტრანსპორტს ზღუდავენ, ხან სხვა პრობლემები ჩნდება, თან ალბათ ადამიანებსაც მობეზრდათ ბეტონის ჯუნგლებში ცხოვრება და სუფთა ჰაერზე ცხოვრებას ირჩევენ. შეიძლება ითქვას, რომ თბილისის შემოგარენზე დიდი ბუმია, ძალიან პრესტიჟულია საგურამო, წოდორეთი, თხილვანა, წეროვანი, ლისი და ა.შ.  ამჟამად საგურამოში ორი პროექტი იგეგმება, ორი საკოტეჯო დასახლება იქნება, ერთი 40 სახლზე, ხოლო მეორე 30 სახლზეა გათვლილი, აღნიშნულ პროექტებში ჩვენ მშენებლის სტატუსით ვმონაწილეობთ. რაც შეეხება დასავლეთს, წელს რაჭა, გურია და მაღალმთიანი აჭარაა პოპულარული, აღნიშნული რეგიონებიდან დიდი რაოდენობის შეკვეთები მივიღეთ“, -  აღნიშნა ირაკლი ლომიძემ.

 

რაც შეეხება თვითონ სახლებს, ლომიძის თქმით, ყველაზე გაყიდვადი, ე.წ. “Barn House” — ებია , რომელიც მისი დიზაინიდან და განლაგებიდან გამომდინარე კომფორტულია და მაღალმთიანი რეგიონში დიდთოვლობის დროს უსაფრთხოა, რადგან სახურავის დახრილობის გამო მასზე  თოვლი არ  ჩერდება.

 


გასულ წელს ირაკლი ლომიძე, “კომერსანტთან” ინტერვიუში ქობულეთთან ახლოს ქოხების სამშენებლო ცეხის მშენებლობაზეც საუბრობდა, რომელსაც 2021 წლის მაისიდან პირველი ქოხების გამოშვება უნდა დაეწყო, თუმცა ქობულეთის ცეხის ამუშავება დროებით გადაიდო, რადგან მსოფლიოში ასაწყობ სახლებზე გაზრდილი მოთხოვნის გამო საჭირო დანადგარების ჩამოტანა ამ ეტაპისთვის ვერ მოხერხდა.

 

“ქობულეთის ცეხის ამუშავება შეფერხებით მიმდინარეობს, რადგან ამ ტიპის სახლებზე მოთხოვნა მსოფლიო ბაზარზეც საგრძნობლად გაზრდილია, შესაბამისად გაზრდილია მოთხოვნა დანადგარებზეც  და ჩვენ საჭირო დანადგარებზე პირველადი თანხის შეტანა ვერ მოვასწარით, შესაბამისად უკანა რიგებში გადავიწიეთ. გვინდოდა გერმანული დანადგარები ჩამოგვეტანა , მაგრამ ახლა ან პოლონურს ან ჩეხურს  ჩამოვიტანთ.  მიმდინარეობს მოლაპარაკებები, თუმცა აღნიშნულ ქვეყნებშიც რიგებია, როგორც ამერიკაში ასევე ევროპის ქვეყნებში სახლებზე და შესაბამისად დანადგარებზე მოთხოვნა თითქმის სამჯერ არის გაზრდილი”,  - აღნიშნა ირაკლი ლომიძემ.

 

რაც შეეხება ქოხების სამშენებლო მასალას ე.წ. ფიცარს, მისი ფასი მსოფლიოში 300%- თ  არის გაზრდილი, ინფორმაციას გამოცემა businessinsider ავრცელებს. “კომერსანტის” კითხვაზე როგორ აისახებოდა მასალის გაძვირება kohi.ge- ს სახლების ფასზე, ირაკლი ლომიძე პასუხობს, რომ  ამ ეტაპზე ფასის  გაზრდას არ აპირებენ, რადგან სამშენებლო მასალის მარაგები აქვთ, რითაც სახლების მშენებლობას აგრძელებენ, თუმცა სამომავლოდ kohi.ge- ს დამფუძნებელი სახლებზე ფასის ზრდას არ გამორიცხავს.

 

„მსოფლიოში ხეზე ფასი სამჯერ არის გაზრდილი , ჯერჯერობით ქოხებზე ფასი არ გაგვიზრდია და  ძველი ფასის შენარჩუნებას ვახერხებთ, რადგან მარაგები გვაქვს  ჩამოტანილი და ამ მარაგებით ვმუშაობთ, თუმცა სამომავლოდ ფასის გაზრდა მოგვიწევს, რადგან  ფიცარის ფასი 300%-ით გაიზარდა. ჩვენ მასალა სხვადასხვა ქვეყნიდან შემოგვაქვს, მათ შორის რუსეთიდანაც, ცოტა ხნის წინ გავიგეთ, რომ რუსეთი ნედლი მასალის გაყიდვის აკრძალვას გეგმავს და მხოლოდ დამუშავებულ მასალას გაყიდის, რა თქმა უნდა დამუშავებული მასალა უფრო ძვირი ეღირება. ახლა ბელორუსიიდან და უკრაინიდან  ვცდილობთ ფიცრის ჩამოტანას, პირველი პარტია ჩამოვიდა, თუმცა ფასები ამ ქვეყნებშიც გაზრდილია. სამომავლოდ გვინდა, რომ გერმანიიდან ჩამოვიტანოთ დანადგარი, რომელიც მოგვცემს საშუალებას, რომ ქართულ ფიცარზეც ვიმუშავოთ.” -  აღნიშნა ირაკლი ლომიძემ.

 

რაც  შეეხება  სამომავლო გეგმებს ირაკლი ლომიძემ აღნიშნა, რომ kohi. ge ხრახნილი  ხიმინჯების წარმოებასაც იწყებს, რომელიც  საძირკველის და ღობეების მშენებლობისთვის გამოიყენება. kohi.ge  ბაზარზე  ერთადერთი ქართული კომპანიაა, რომელიც ხის სახლებს ფინური მეთოდით აშენებს. სახლის ერთი კვადრატული მეტრის ფასი 200$-დან იწყება და პროექტის სირთულის მიხედვით იზრდება. Kohi.ge -ის სახლები ექსპორტზე  ძირითადად გერმანიაში,  საბერძნეთში,  ისლანდიაში და  იტალიაში გადის.

 

 

თაკო კვაჭანტირაძე





ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა

ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა
access_time2021-06-15 19:18:56
საქართველოს სახალხო დამცველმა „ბოლტის“ გაფიცული კურიერების საქმეზე დისკრიმინაცია დაადგინა და კომპანიას მიმართა რეკომენდაციით, დაუყოვნებლივ აღუდგეთ განმცხადებლებს აპლიკაციაზე წვდომა. ამის შესახებ სახალხო დამცველის მიერ 15 ივნისს გამოქვეყნებულ განცხადებაშია ნათქვამი: „2021 წლის 14 ივნისს სახალხო დამცველმა შპს „ფუდლს“ („ბოლტი“) გაფიცული კურიერების მიმართ განსხვავებული მოსაზრების გამო დისკრიმინაციის აღმოფხვრის შესახებ რეკომენდაციით მიმართა. კურიერების ინტერესებს სახალხო დამცველის...

GASTRONOME – მოგზაურობა მსოფლიოს გარშემო დელიკატესების გასაცნობად

GASTRONOME – მოგზაურობა მსოფლიოს გარშემო დელიკატესების გასაცნობად
access_time2021-06-15 21:00:27
თბილისში Gastronome-ის ოთხი მაღაზიაა. როგორც Gastronome-ის აღმასრულებელი დირექტორი თამარა ჯავახაძე ამბობს, ოთხივე ფილიალს გააზრებული სტილისტური ერთგვაროვნებაც აქვს და, იმავდროულად, თითოეულ ობიექტს ინდივიდუალური შტრიხებიც გამოარჩევს. თამარა  ჯავახაძე:   გვინდოდა, შთამბეჭდავი ექსტერიერი გვქონოდა. მოგეხსენებათ, ყურადღება მანამდე უნდა მიიქციო, სანამ მომხმარებელი შემოვა, ამიტომაც არის ასე საგულდაგულოდ დამუშავებული ფასადიც და ინტერიერიც...

15 ივნისი - რეგიონში ქართული ლარი და სომხური დრამი გამყარდა

15 ივნისი - რეგიონში ქართული ლარი და სომხური დრამი გამყარდა
access_time2021-06-15 18:00:42
15 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 10 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 15 ივნისის ვაჭრობის შედეგად ეროვნული ვალუტა აშშ დოლართან მიმართებაში გამყარდა და 3.1751 ლარი გახდა (ეს კურსი 16 ივნისს შევა ძალაში). ქართული ვალუტით ვაჭრობა Bloomberg-ზე...

უკრაინაში საგადასახადო ამნისტია გამოცხადდა

უკრაინაში საგადასახადო ამნისტია გამოცხადდა
access_time2021-06-15 17:28:55
უკრაინის უმაღლესმა რადამ მეორე, საბოლოო მოსმენით დაამტკიცა საგადასახადო ამნისტიის კანონპროექტი. კანონის თანახმად, მოქალაქეებს, რომლებიც თავს არიდებდნენ გადასახადების გადახდას, სასჯელი აღარ დაეკისრებათ, თუ თავის შემოსავლების დეკლარირებას მოახდენენ. უკრაინის პარლამენტის საიტზე განთავსებული ინფორმაციის თანახმად, საგადასახადო ამნისტია შეეხება ვალუტას, გარდა ნაღდი ფულისა, ფასიან ქაღალდებს, ასევე უკრაინასა და საზღვარგარეთ არსებულ მოძრავ და უძრავ ქონებას....

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე
access_time2021-06-15 15:00:59
მთელი საქართველოს მასშტაბით, 1–ლი ივლისიდან საყოფაცხოვრებო მომხმარებლისა და მცირე  საწარმოებისთვის ელექტროენერგიის მიმწოდებელი კომპანიები იცვლება. თბილისში სს „თელასის“ ნაცვლად ელექტროენერგიის მიმწოდებელი „თბილისის ელექტრომიმწოდებელი კომპანია“   (თელმიკო) იქნება, ხოლო  რეგიონებში სს „ენერგო პრო ჯორჯიას“ ნაცვლად კომპანია „ეპ ჯორჯია მიწოდება“ იქნება. აღსანინავია, რომ არ იცვლება  სამომხმარებლო ტარიფი. საქართველოს ენერგეტიკისა და წყალმომარაგების...


მსგავსი სიახლეები

up