Iphone-ის მწარმოებლის კაპიტალიზაცია 2018 წლის 2 აგვისტოს 1 ტრლნ. დოლარი გახდა, ეს იყო პირველი შემთხვევა აშშ-ს ისტორიაში, როდესაც კერძო კომპანიის ღირებულებამ ტრილიონს მიაღწია.ზრდა მომდევნო წლებშიც გაგრძელდა და 2020 წლის აგვისტოში კომპანიის კაპიტალიზაციამ 2 ტრლნ. დოლარს მიაღწია. აქციების გაძვირების ერთ-ერთი დრაივერი საკუთარი ფასიანი ქაღალდების გამოსყიდვის პროგრამა გახდა, 2021 წელს Apple-მა 85 მლრდ. დოლარის საკუთარი აქციები გამოისყიდა, მაშინ, როდესაც აქციონერების დივიდენდებზე 14,5 მლრდ. დაიხარჯა. ამ დროისთვის Apple საკუთარი აქციების უმსხვილესი მყიდველია შტატებში. საკუთარი აქციების გამოსყიდვა კომპანიის კაპიტალიზაციას და ფასიანი ქაღალდების მომგებიანობის ზრდას უწყობს ხელს.
2021 წლის მე-3 კვარტალში Apple-მა 20,4 მლრდ. დოლარის საკუთარი აქციები გამოისყიდა , რაც მსოფლიოში ყველაზე მაღალი მაჩვენებელია. Apple-მა საკუთარი აქციების გამოსყიდვა 2012 წლის მარტში დაიწყო. იმ პერიოდიდან 2021 წლის ივლისამდე კომპანიამ ამ კუთხით 467 მლრდ. დოლარი დახარჯა. 2021 წლის ბოლოსთვის კომპანიას 104 მლრდ.დოლარი საოპერაციო თანხა დაუგროვდა. ეს იმას ნიშნავს, რომ Apple-ს შეუძლია პარალელურად საკუთარი აქციების გამოსყიდვა შეუძლია, მას აქვს შესაძლებლობა, რომ გაზარდოს პერსონალი და ინვესტიციები ახალ კვლევებში ჩადოს. კომპანია Bernstein-ის ექსპერტის ტონი საკონაგის აზრით, Apple ყოველწლიურად საკუთარი აქციების 3-4%-ის გამოსყიდვას 2026 წლამდე განაგრძობს. სავარაუდოდ, 2022 წელს კომპანია 90 მლრდ. დოლარის აქციებს გამოისყიდის და დივიდენდებს 10%-ით გაზრდის.
2018 წლის აგვისტოდან, როდესაც კომპანიის კაპიტალიზაციამ 1 ტრლნ. დოლარს მიაღწია, აქციების ღირებულება 252%-ით გაიზარდა. ანალიტიკოსების აზრით, Apple ამ პრაქტიკას და შესაბამისად ღირებულების ზრდას მომავალშიც განაგრძობს.
კაპიტალიზაციის მატებას ახალი პროდუქტების თაობაზე გავრცელებული ინფორმაცია შეუწყობს ხელს, ეს ის პროდუქტებია, რომლებზეც Apple მუშაობს - კერძოდ, ელექტრომობილის პროექტი და ვირტუალური რეალობის სათვალეები. დეკემბერში JP Morgan Chase-ის ექსპერტებმა Apple-ის აქციები 2022 წლის საუკეთესო ვარიანტად შეაფასეს და მათი ღირებულების 170-დან 200 დოლარამდე გაზრდას პროგნოზირებენ.
Bank of America-ს ანალიტიკოსი ვამსი მოჰანი მიიჩნევს, რომ კომპანიის აქციები 210 დოლარამდე გაძვირდება, ხოლო პირველ ახალ პროდუქტი ვირტუალური რეალობის სათვალეები, მომხმარებლის 2022 წლის ბოლოს ან 2023-ის დასაწყისში წარსდგება. ის ასევე პროგნოზირებს 2023 წელს iPhone-ის უფრო მნიშვნელოვან განახლებას, რადგანაც 5G ტექნოლოგია სმარტფონების მწარმოებლების წინაში ახალ ამოცანებს დააყენებს.
წყარო: Quote.rbc.ru