2013 წლის თებერვლის შემდეგ, პირველად საერთაშორისო გადახდები ბოლო ერთი თვის მანძილზე უფრო მეტად ევროში ხორციელდებოდა და არა ამერიკულ დოლარში. ამის შესახებ Bloomberg-ი საგადასახადო სისტემის, Swift-ის ოქტომბრის მონაცემებეზე დაყრდნობით იუწყება.

ოქტომბერში SWIFT-ის საერთაშრისო გადახდების 37,82% ევროზე მოდიოდა. ეს მაჩვენებელი 6 პროცენტით მეტია, ვიდრე 2020 წლის დასაწყისში იყო. გასულ თვეში, დოლარში გადასახდებმა 38,64 პროცენტი შეადგინა. დოლარს გადახდის მოცულობის პიკი 2015 წლის აპრილში ჰქონდა, როცა ამერიკულმა ვალუტამ ტრანზაქციების 45,3 პროცენტი შეადგინა.

დოლარის წილის შემცირებას საერთაშორისო გადახდების სისტემაში ბლუმბერგი ამერიკული ვალუტის გაუფასურებას უკავშირებს, რომელმაც 2020 წლის მარტის შემდეგ ღირებულების 11 პროცენტი დაკარგა.

მესამე, არანაკლებ პოპულარული ვალუტა საერთაშორისო გადახდების სისტემაში ოქტომბრის მონაცემებით, ბრიტანული ფუნტია, მეოთხეა იაპონური იენი, მეხუთე -  კანადური დოლარი, მეშვიდე - ჩინური იუანი.

საერთაშორისო გადახდებში იუანის წილი ოქტომბერში მოლოდ 1,66 პროცენტი იყო, რაც 2020 წლის აპრილის შემდეგ ყველაზე გაუარესებული მოანცემია ამ ვალუტისთვის.  

ბანკთაშორისი სისტემა ინფორმაციის გადაცემისა და გადახდების Society for Worldwide Interbank Financial Telecommunications (SWIFT) ემსახურება ქვეყნებსშორისი გადარიცხვების 11 000 -მდე საფინანსო დაწესებულებას მსოფლიოს 200 ქვეყანაში.

2019 წლის 22 მარტიდან უკრაინის ეროვნულმა ბანკმა SWIFT- თან თანამშრომლობით ISO 20022 საერთაშორისო სტანდარტის ბაზაზე უკრაინაში საგადასახადო ინფრასტრუქტურის განვითარების პროექტი დაიწყო.  

2020 წლის 16 ნოემბრიდან მორგან სტენლიმ ინვესტორებს მოთმინებისკენ მოუწოდა და ურჩია გაყიდონ ამერიკული დოლარი და იყიდონ მეტი აქციები და კორპორაციული ობლიგაციები იმის ნაცვლად, რომ თანხები ქეშად ან სახელმწიფო ობლიგაციების სახით შეინახონ.

Finance.liga.net

მარიამ მორგოშია