საბანკო აქტივების მოცულობა ერთ წელიწადში 21%-ით 56.4 მლრ ლარამდე გაიზარდა. გაზრდილია როგორც სესხები და მისაღები საპროცენტო სარგებელი, ასევე ნაღდი ფულისა და საინვესტიციო ფასიანი ქაღალდების მოცულობა. თავის მხრივ პასივების ნაწილში გაზრდილაი დეპოზიტები, ნასესხები სახსრები და კაპიტალის რეზერვები.

2020 წლის თებერვლიდან 2021 წლის თებერვლამდე კომერციულ ბანკებში არსებული ნაღდი ფულის მასა 15%-ით 1.864 მლრდ ლარამდე გაიზარდა. საინვესტიციო ფასიანი ქაღალდების 33%-ით 5.8 მლრდ-მდე. დარიცხული და მისაღები პროცენტები 89%-ით 662 მლნ-მდე, სხვა წმინდა აქტივები 38%-ით 1.3 მლრდ-მდე.

რაც შეეხება პასივებს ერთ წელიწადში დეპოზიტები 32%-ით 35 მლრდ ლარამდე გაიზარდა. დარიცხული გადასახდელი პროცენტები 9%-ით 274 მლნ-მდე. ნასესხები სახსრები 16%-ით 11 მლრდ-მდე. სააქციო კაპიტალი 2%-ით 6 მლრდ-მდე.

საბანკო სექტორი ის იშვიათი გამონაკლისია, რომელიც ადრეული 90-იანი წლების შემდეგ განვითარდა და მდგრადობას მიაღწია. დღეს ქვეყანაში 16 კომერციული ბანკი ოპერირებს. მათი აქტივები ბოლო 1 წელიწადში 21%-ით, ბოლო 5 წელიწადში 123%-ით, ბოლო 10 წელიწადში 423%-ით, 15 წელიწადში 2000%-ით, 7355%-ით, 25 წელიწადსი კი 18 800%-ით გაიზარდა. 1996 წლის 1-ლი თებერვლისთვის საბანკო აქტივების ჯამური მოცულობა 298 მლნ ლარს შეადგენდა, საიდანაც ნაღდი ფული მხოლოდ 16 მლნ იყო სესხები კი 140 მლნ. აქტივებმა 1 მლრდ ლარს პირველად 2002 წელს, 10 მლრდ-ს კი 2010 წელს გადააჭარბა.