ბავარიული მწარმოებლის ახალი ფლაგმანური სუვის შექმნას აპირებს, რაზეც პატენტის ოფიციალური დოკუმენტი მეტყველებს.

ის დრო, როდესაც BMW-ს ერთადერთი X5 სუვი ჰყავდა, დიდი ხანია რაც გავიდა. ახალ ბავარიული მწარმოებლის სამოდელო ჩამონათვალში სუვების არჩევანის გამო თვალები აგიჭრელდებათ, დაწყებული პატარა წინაწამყვანი X1 და X2-ით, X7-ით, ძვირადღირებული ბეჰემოტით დამთავრებული. X-ების ოჯახს სამომავლოდ კიდევ ერთი წევრი დაემატება : X8. BMW-ს ახალი ფლაგმანური ძვირადღირებული სუვის შემუშავების შესახებ ჭორები ჯერ კიდევ 2017 წლის ნოემბერში გავრცელდა. ბოლო ინფორმაციით ახალ სუვისთვის M45e ძალოვანი აგრეგატია დაგეგმილი.

BMW უკვე ფიქრობს, თუ X8-ის სრული M-პაკეტი როგორი იქნება, მიუხედავად იმისა, რომ ავტომობილი ჯერ წარდგენილიც არ არის. BMW-ების ერთ-ერთ ფორუმზე მომხმარებელმა გერმანული პატენტების და სავაჭრო ნიშნების სააგენტოს დოკუმენტი გამოაქვეყნა, სადაც ახალი სუვის X8 M სახელი ფიგურირებს. ეს ინფორმაცია Deutsche Patent- und Markenamt (DPMA)-ის ვებ-გვერდზე გადავამოწმეთ და აღმოჩნდა, რომ X8 M-ის სავაჭრო ნიშნის აპლიკაცია 23 მარტს შეივსო და 1 აპრილს იგი დაარეგისტრირეს. ამ ეტაპზე აპლიკაცია განიხილება და კომპანია პასუხს ელოდება.

ეს ყველაფერი საინტერესოა, მაგრამ რა არის X8, რა ჯიშის ცხოველია? თუ განცხადებებს მივყვებით, იგი X7-ის უფრო ძვირადღირებული 4-ადგილიანი ვერსია იქნება, რომლის წარდგენა 2021 წლის დასაწყისისთვის არის ნავარაუდები. თუმცა ეს თარიღი ნაკლებად რეალურია იმიტომ, რომ ფუნქციონირებადი პროტოტიპის ფარული ტესტირების სურათებიც კი არსად ჩანს. ამის გათვალისწინებით, უფრო რეალურია, რომ BMW-ს ახალი „იახტა“ 2022 წლის ერთ-ერთი დებიუტანტი იქნება.

X8-ს ძარა X7-ის კუპეს ვერსია იქნება, რომელსაც ერთნაირი ბაზა და შასის კომპონენტები ექნება. პოტენციურად სრულყოფილი M-პაკეტის ვერსია, X6 M-ის ანალოგიურად , 4,4-ლიტრიანი 617-ცხენისძალიანი ტვინ-ტურბო ძრავით იქნება აღჭურვილი. მიუხედავად იმისა, რომ X8 BMW-ს სუვებს შორის საუკეთესო იქნება, მას M760i-ის 6,6-ლიტრიანი V12 არ ექნება, რადგან კომპანიის განცხდებით ამ ძრავის გაუმჯობესება და გამონაბოლქვის რეგულაციების ჩარჩოებში მოქცევა საკმაოდ რთული და ძვირი პროცესია. ასევე ასეთი ძრავების მქონე კომპლექტაციები ფაქტობრივად არ იყიდება და კომპანიის გადმოსახედიდან ეს ფუჭად გადაყრილი რესურსია.

X8-ის M ვერსიის მოდელის გაყიდვას საბაზო მოდელის გამოშვებიდან მომდევნო წელს დაიწყებენ, ამიტომ 2023 წლამდე X8 M-ს ნუ ელოდებით. ზოგიერთი ამბობს, რომ ახალი სუვი BMW-ს ყველაზე ძვირიანი მოდელის M760i-ის 157 800$ ფასს საგრძნობლად აღემატება. BMW-ს i8 Roadster-ს ყველაზე ძვირიან მანქანად ვეღარ ჩავთვლით, რადგან ამ ჰიბრიდული სპორტქარის წარმოება ამ თვეში წყდება.

წყარო: crystalauto.ge