„ბლუმბერგი“ - სამუშაო კვირის შემცირება ეკონომიკას წაახალისებს

„ბლუმბერგი“ - სამუშაო კვირის შემცირება ეკონომიკას წაახალისებს

access_time2019-02-10 16:00:57

სტაბილური მომავალის გასაღები არის სამუშაოს მოცულობის კოლექტიური შემცირება და არა მუშაობის გახანგრძლივება. ასეთ დასკვნამდე ცნობილი ბრიტანული საკონსულტაციო კომპანია „აუტონომი“ ბოლო კვლევის შემდეგ მივიდა. ინფორმაციას სააგენტო „ბლუმბერგი“ ავრცელებს.



„აუტონომის“ საქმიანობის მთავარი თემა სწორედ მუშაობა და მასთან დაკავშირებული პრობლემატიკაა.



კომპანიის კვლევის მიხედვით, სამუშაო კვირის შემცირებას შეუძლია ეკონომიკის წახალისება, რადგან ანალიზმა აჩვენა, რომ არ არსებობს პირდაპირი კავშირი ხანგრძლივ სამუშაო საათებსა და პროდუქტიულობას შორის.



მაგალითად, გერმანია უფრო პროდუქტიულია, ვიდრე დიდი ბრიტანეთი, მიუხედავად იმისა, რომ გერმანიაში სამუშაო საათების საშუალო მოცულობა უფრო მცირეა, ვიდრე ბრიტანეთში. მექსიკა და საბერძნეთი კი, სადაც სამუშაო საათები გაერთიანებულ სამეფოსთან შედარებით, ხანგრძლივია, ნაკლებად პროდუქტიულები არიან ვიდრე ბრიტანეთი.




შესაბამისად, ანალიტიკური ჯგუფი ბრიტანეთის მთავრობას ურჩევს, შეამციროს სამუშაო კვირა, რაც ეკონომიკასაც წაახალისებს და გარემოში ნახშირორჟანგის გამონაბოლქვსაც შეამცირებს.



„აუტონომიმ“ კვლევის შედეგად მთელი რიგი რეკომენდაციები შეიმუშავა. ერთ-ერთი რეკომენდაციით, კომპანია საჯარო სექტორს ურჩევს, გამოიჩინოს ინიციატივა და სამუშაო კვირა შეამციროს, ხოლო ხელფასების მოცულობა იგივე დატოვოს. ანალიტიკური კომპანია ბრიტანეთში შრომის სამინისტროს შექმნის ინიციატივითაც გამოდის, რომელმაც 2025 წლამდე ოთხდღიანი სამუშაო კვირის შემოღების პროექტის განხორციელებას უნდა ადევნოს თვალყური.



„აუტონომის“ ერთ-ერთი დირექტორის, კაილ ლიუსის აზრით, სპეციალისტებს შორის სულ უფრო მტკიცდება აზრი, რომ სამუშაო საათების შემცირება ხელფასის შემცირების გარეშე ბრიტანეთის ახალი ეკონომიკის ნაწილი უნდა იყოს.



„თუ გავითვალისწინებთ იმ ეფექტს, რასაც გადატვირთული სამუშაო გრაფიკი ჩვენს გონებრივ და ფიზიკურ ჯანმრთელობაზე ახდენს, ასევე იმ ეფექტს, რასაც შრომასთან დაკავშირებული ციკლი გარემოზე ახდენს, ხელისუფლების წარმომადგენელები უნდა მივიდნენ დასკვნამდე, რომ სტაბილური მომავლის გასაღები მეტი მუშაობა კი არ არის, არამედ მუშაობის კოლექტიური შემცირება“,- განმარტავს ლიუსი.


1tv.ge






ISET-ის კვლევა - საქართველოს სოფლის მეურნეობის „აქილევსის ქუსლი“ მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია

ISET-ის კვლევა - საქართველოს სოფლის მეურნეობის „აქილევსის ქუსლი“  მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია
access_time2019-04-25 14:00:50
საქართველოს დამოუკიდებლობის აღდგენიდან 28 წლის შემდეგ, ჩვენ ყველა, საქართველოს სოფლის მეურნეობით და სოფლის განვითარებით დაინტერესებული მხარე უნდა გამოვფხიზლდეთ და ხმამაღლა ვისაუბროთ იმაზე, რომ „სიმპტომების“ წინააღმდეგ ბრძოლა არაეფექტურია და ჯერ „პრობლემის სათავეს” უნდა ვუმკურნალოთ... ამას კი, პირველ რიგში, მთავრობის მხრიდან აშკარა და ერთმნიშვნელოვანი მხარდაჭერა სჭირდება! — ასეთია  ISET-ის კვლევის...

დავით გარეჯის სამონასტრო კომპლექსში (უდაბნოში) აზერბაიჯანელი მესაზღვრეები ქართველ მომლოცველებს და ტურისტებს არ უშვებენ

 დავით გარეჯის სამონასტრო კომპლექსში (უდაბნოში) აზერბაიჯანელი მესაზღვრეები ქართველ მომლოცველებს და ტურისტებს არ უშვებენ
access_time2019-04-25 10:00:22
მესემე დღეა გარეჯში ჩამოსულ მომლოცველებს და სტუმრებს უდაბნოს მონასტერში მისასვლელი ბილიკი გადაკეტილი ხვდებათ, აზერბაიჯანელი მესაზღვრებიის მიერ, — წერს სოციალურ ქსელში დავით გარეჯის მონასტერის გიდი ზვიად ანანიაშვილი. კომერსანტი პოსტს უცვლელად გთავაზობთ. მიზეზი გასაიდუმლოებულია.. ყველეფერი ჩიჩხიტურის მონასტრის...

სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?

სხვებმაც ასეთ დროს “კახას“ რომ დავუძახოთ, გირაოთი გამოგვიშვებენ?
access_time2019-04-24 20:43:09
ნარკოდანაშაულის ბრალდებით ( სს კოდექსის 260-ე მუხლის პირველი ნაწილი) დაკავებული მსახიობის ლევან ჯიბღაშვილის სასამართლო დარბაზიდან გათავისუფლებას საზოგადოებაში და სოციალურ ქსელებში დიდი გამოხმაურება და არაერთგვაროვანი შეფასება მოჰყვა. ამ თემასთან...

თანამედროვე ირანი: ამბოხის და პროტესტის ზღვარზე

თანამედროვე ირანი: ამბოხის და პროტესტის ზღვარზე
access_time2019-04-24 22:00:40
დღევანდელი ირანელები არიან სპარსების პირდაპირი შთამომავლები და მათი სახელმწიფოებრიობა  თითქმის 5000 წელს ითვლის. ათასწლეულობით ჩამოყალიბებული ცხოვრების წესის და ძველი ტრადიციების ერთგულება ირანში ჩანს ისე, როგორც არსად. თუმცა,  მოსახლეობის სხვადასხვა ფენებში და განსხვავებულ ასაკობრივ ჯგუფებში ეს გავლენა განსხვავებულია. საქმიანი ადამიანები, ინტელიგენცია, სტუდენტობა და ახალგაზრდობა ემხრობა ცხოვრების თანამედროვე წესს. მეტიც,...

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ

„ძალიან ბევრ მსახიობს უჭირს, ძლივს გააქვთ თავი კი არა, უბრალოდ არაფრის საშუალება არ აქვთ“ - მსახიობები დავით დარჩიას განცხადებას აფასებენ
access_time2019-04-24 19:30:12
დავით დარჩიას...


მსგავსი სიახლეები

up