Bloomberg: თურქეთი ინფრასტრუქტურული მშენებლობისთვის მრავალმილიარდიან ფონდს აფუძნებს

Bloomberg: თურქეთი ინფრასტრუქტურული მშენებლობისთვის მრავალმილიარდიან ფონდს აფუძნებს

person access_time2016-07-25 17:00:24

თურქეთის პრემიერ-მინისტრი ბინალი ილდირიმი ცდილობს შეამციროს ის ეკონომიკური ზარალი, რომელიც მოჰყვა სამხედრო გადატრიალების მცდელობას. მისი თქმით, რიგგარეშე არჩევნები გამორიცხულია და ამის ნაცვლად მთავრობა აპირებს დააფუძნოს მრავალმილიარდიანი ფონდი ინფრასტრუქტურული მშენებლობისთვის, რითაც შენარჩუნდება ეკონომიკური ზრდის ტემპები. თურქეთის თემას აშუქებს ინტერნეტ-გამოცემა "ბლუმბერგი" სტატიაში, რომელშიც ვკითხულობთ:

 

"გუშინ მიცემულ ინტერვიუში თურქეთის-პრემიერ მინისტრმა თქვა, რომ სამხედრო პუტჩში შემჩნეულ პოლიტიკურ მოწინააღმდეგეთა წმენდები დასასრულს უახლოვდება და რომ უსაფუძვლოა ბრალდებები პრეზიდენტ ერდოღანის მისამართით, თითქოს იგი სათავისოდ იყენებს მიმდინარე მოვლენებს. ამასთან დაკავშირებით, პრემიერ-მინისტრმა შემდეგი განაცხადა:

 

"ჩვენ მივმართავთ გლობალურ ინვესტორებს და ვარწმუნებთ მათ, რომ თურქეთში ცხოვრება ჩვეულ რეჟიმს უბრუნდება" - ციტატის დასასრული.

 

15 ივლისს მომხდარი სამხედრო გადატრიალების მცდელობის შედეგად დაიღუპა დაახლოებით 250 კაცი. ამ მოვლენებმა შეარყია ბაზრები. თურქეთის ეროვნული ვალუტა - ლირა რეკორდულად დაბალ დონეზე დაეშვა, ხოლო ქვეყნის საფონდო ბირჟაზე აქციების კრებითი ღირებულება 13 პროცენტით დაეცა. თუმცა, ეკონომიკური ზარალი ძირითადად ფინანსურ ბაზრებს მიადგა. გარდა ამისა, სარეიტინგო სააგენტო S&P-მა ერთი საფეხურით დააქვეითა თურქეთის საინვესტიციო რეიტინგი. სხვა სააგენტოები ჯერ-ჯერობით თავს იკავებენ და მოცდას ამჯობინებენ.

 

საინვესტიციო ბანკი "მორგან სტენლი" აცხადებს რომ დააკვირდება მოვლენათა შემდგომ განვითარებას, თუმცა, კრიტიკულ ზღვართან არც ისე შორსაა შექმნილი ვითარება.


 

მართლაც, სავალუტო-ფინანსურმა ბაზრებმა უკვე გამოავლინეს აღდგენის პირველი ნიშნები. დოლართან მიმართებაში თურქული ლირას კურსმა უკვე 3.05  შეადგინა, რაც მხოლოდ 5 პროცენტით ჩამორჩება სავალუტო მაჩვენებელს, რომელიც სამხედრო გადატრიალებამდე იყო. გაიზარდა აგრეთვე თურქეთის სახაზინო ვალდებულებათა ფასიანი ქაღალდების ღირებულებაც. დღეს, სტაბილურად იყო თურქეთის საფონდო ბირჟაც" - ნათქვამია სტატიაში. 

 

სტატიაში ასევე ვკითხულობთ:

 

"სამხედრო გადატრიალების მცდელობამ ვერ იქონია კატასტროფული ეფექტი თურქეთის ეკონომიკაზე. ასეთ აზრს გამოხატავს ინტერვიუში თურქეთის პრემიერ-მინისტრი ილდირიმი, რომლის თქმით, მთავრობა ყველაფერს იღონებს ეკონომიკური ზრდის შესანარჩუნებლად. პრემიერმა რამდენიმე დეტალიც მოიყვანა ზემოხსენებული ინფრასტრუქტურული ფონდის შესახებ, რომელშიც, მისი თქმით, ათობით მილიარდი დოლარი იქნება ინვესტირებული. პრემიერის თანახმად, არაფერი ემუქრება ქვეყნის ისედაც დაბალ საბიუჯეტო დეფიციტს.

 

პრემიერ-მინისტრის განცხადებით, ეს იქნება სტრუქტურა, რომელიც ფართომასშტაბიან პროექტებს დააფინანსებს. ამგვარად, პროექტებში კაპიტალდაბანდება სწორედ ამ ფონდით იქნება უზრუნველყოფილი და არა უშუალოდ ბიუჯეტიდან. უნდა აღინიშნოს რომ 2013 წელს წარუმატებელი აღმოჩნდა თურქეთის მთავრობის მცდელობა, აემუშავებინა მსგავსი ფონდი, რათა დაფინანსებული ყოფილიყო ქვეყნისთვის სტრატეგიულად მნიშვნელოვანი პროექტები. ხსენებული ფონდი უნდა შევსებულიყო თანხებით, რომელიც განკუთვნილია უმუშევრობის ასანაზღაურებლად. თუმცა ამჯერად, მთავრობა მოელის, რომ ქვეყნის კერძო ბანკები მიიღებენ მონაწილეობას ეკონომიკური ზრდის უზრუნველყოფაში.

 

ამასთან დაკავშირებით, პრემიერ-მინისტრმა ილდირიმმა თქვა: "ჩვენი ბანკები ყურადღებას გაამახვილებენ სესხებზე, რომლებიც განკუთვნილი იქნება ეკონომიკური ზრდისთვის და ეს მოხდება გასესხების კრიტერიუმებისთვის ზიანის მიყენების გარეშე. თუ საჭირო გახდა, პრიორიტეტული პროექტებისთვის შემუშავდება შეღავათიანი საპროცენტო განაკვეთები, რაც თავის მხრივ უზრუნველყოფილი იქნება სახელმწიფო ფონდისგან სესხთა გარანტირებით" - ციტატის დასასრული.

 

თუ თურქეთს ახლო აღმოსავლეთის რეგიონში მოვიაზრებთ, ადგილობრივად მისი ეკონომიკა უდიდესია და იგი განსაკუთრებით 2014 წლიდან ინტენსიურად იზრდებოდა სირიიდან ლტოლვილთა დასახმარებლად ქვეყნისთვის გაწეული დაფინანსების ხარჯზე. მართლაც, ამა წლის პირველ კვარტალში, წლიური ტემპით, ეკონომიკა 4.8 პროცენტით გაიზარდა, ხოლო წინა კვარტალში 5.7 პროცენტით. ესაა დიდ ოცეულში შემავალ ქვეყნებს შორის საუკეთესო მაჩვენებელი ჩინეთისა და ინდოეთის შემდეგ" - ნათქვამია "ბლუმბერგის" ინტერნეტ-გამოცემაში.




„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა

„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა
access_time2019-08-21 18:55:00
 „რუსთავი 2“  საინფორმაციო გამოშვება “კურიერის“ თითქმის ყველა ჟურნალისტმა დატოვა.  ინფორმაცია “კომერსანტს“ რუსთავი 2-ის ჟურნალისტებმა დაუდასტურეს. რამდენიმე წუთის წინ სოციალურ ქსელში კურიერის რამდენიმე ჟურნალისტმა სამსახურის დატოვების შესახებ გადაწყვეტილება გამოაცხადა, თუმცა მათ რიგებს, სავარაუდოდ, მთელი გუნდი შეუერთდა. „რუსთავი 2“-ის ყოფილმა დირექტორმა ნიკა გვარამიამ განაცხადა, რომ „მთავარი არხი“ მაუწყებლობის...

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა
access_time2019-08-21 20:00:50
გვენეტაძე - სავალუტო ფონდის უპირობო მსახური, თუ საქართველოს ეროვნული ბანკის პრეზიდენტი საერთაშორისო რესპუბლიკური ინსტიტუტის (IRI) სულ ბოლო კვლევის მიხედვით, გამოკითხული რესპონდენტების 70% ეროვნულ ბანკს არ ენდობა. საქართველო, დღესდღეობით, ადეკვატური მოცემულობის ქვეყანა რომ იყოს, მხოლოდ ეს ერთი მონაცემი იქნებოდა საკმარისი, ეროვნული ბაკის პრეზიდენტს, საიდანაც მოვიდა (ვოშინგტონი/სავალუტო ფონდი) ისევ იქეთ რომ აეკრა გუდა-ნაბადი (თუ მიიღეს),...

კომერსანტის ექსკლუზივი - მაღაზია რუსთაველზე, რომლის ვიტრინაშიც „ფორსაჟი 9“-ის გადაღებებისას მანქანა შევარდება, სოლიდურ კომპენსაციას მიიღებს

კომერსანტის ექსკლუზივი - მაღაზია რუსთაველზე, რომლის ვიტრინაშიც  „ფორსაჟი 9“-ის  გადაღებებისას მანქანა შევარდება, სოლიდურ კომპენსაციას მიიღებს
access_time2019-08-21 17:30:38
უკვე მესამე დღე რაც თბილისში  „ფორსაჟი 9“-ის გადაღებები მიმდინარეობს და  უკვე მესამე დღე რაც ჰოლივუდური ბლოკბასტერი განხილვის ერთ-ერთი მთავარი თემაცაა. “კომერსანტი“ ერთ-ერთი პირველი იყო ვინც წერდა, რომ ჰოლივუდის ფილმში ქართული წარმოების “დიდგორი მეომარი“ გამოჩნდებოდა. ამჯერად ახალ ექსკლუზიურ დეტალზე გესაუბრებით: აღსანიშნავია, რომ საზოგადოებისთვის ფილმის სიუჟეტის მხოლოდ ერთი მონაკვეთია ცნობილია - სპეცტრაილერი ბეთანიაში დიდი სიმაღლიდან...

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება
access_time2019-08-21 15:00:48
„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად...

„რაინეარი“ საქართველოდან ფრენებს 12 მიმართულებით შეასრულებს, სამი მიმართულებით ავიარესები წელსვე დაიწყება

„რაინეარი“ საქართველოდან ფრენებს 12 მიმართულებით შეასრულებს,  სამი მიმართულებით ავიარესები წელსვე დაიწყება
access_time2019-08-21 14:31:27
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელს მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტოrმა, გიორგი ჩოგოვაძემ და „რაინეარის“ (Ryanair) კომერციულმა დირექტორმა, დევიდ ო’ ბრაიენმა. ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა...


მსგავსი სიახლეები

up