Bloomberg: სინგაპური შემდეგი დგას რიგში თუ ლონდონმა როგორც ბიზნესის ჰაბმა მსოფლიო ლიდერის სტატუსი დაკარგა

Bloomberg: სინგაპური შემდეგი დგას რიგში თუ ლონდონმა როგორც ბიზნესის ჰაბმა მსოფლიო ლიდერის სტატუსი დაკარგა

access_time2016-09-07 19:00:00

სინგაპური შემდეგი დგას სიის რიგში თუკი ლონდონმა, როგორც ბიზნესის ჰაბმა მსოფლიო ლიდერის სტატუსი დაკარგა. ასე იწყება ინტერნეტ-გამოცემა "ბლუმბერგის" სტატია, რომლის ავტორის დევიდ რომანის თანახმად:

 


"მსოფლიო რეიტინგში, აზიის კუნძული მხოლოდ ლონდონს ჩამორჩება როგორც საუკეთესო გლობალური ბიზნესის ქალაქი. ასეა მიჩნეული კვლევაში, რომელიც საერთაშორისო აუდიტორულმა ფორმამ PricewaterhouseCoopers-მა მოამზადა. გათვალისწინებული იყო საამისოდ შეგროვილი სოციალური და ეკონომიკური მონაცემები, რომლებიც გამოქვეყნდა ბრიტანეთში რეფერენდუმის ჩატარებამდე. შესაძლებლობათა ქალაქების ინდექსის თანახმად, სინგაპური უსწრებს ისეთ ბიზნეს-ცენტრებს როგორიცაა პარიზი და ამსტერდამი. ესაა ევროპის ორი გავლენიანი ქალაქი, რომელიც ამჟამად ცდილობს ლონდონიდან გადმოიბიროს ბანკები, ფინანსური ფირმები და ასევე პროფესიონალებიც, მას შემდეგ რაც ცხადი გახდება ევროკავშირიდან ბრიტანეთის გასვლის პროცესის პირველი შედეგები.

 


ულტრათანამედროვე ტექნოლოგია, დაბალი გადასახადები, ეფექტური ტრანსპორტისა და ინფრასტრურული სისტემა- ყველაფერმა ამან ხელი შეუწყო სინგაპურს- გაესწრო ნიუ-იორკისთვის 2014 წელს, თანახმად PricewaterhouseCoopers-ის წინა მონაცემებისა.

 


ეს უკანასკნელი ამა თუ იმ ქალაქს უპირატესობას ანიჭებს მეტწილად ადგილობრივი გარემოს სოციალური და ეკონომიკური სიჯანსაღის გათვალისწინებით. კვლევაში შეტანილია ისეთი მონაცემები როგორიცაა ბიზნესის კეთების სიადვილე, დემოგრაფია და ტექნოლოგიური დონე. როგორც ცნობილია, სხვა სახის კვლევებში მთავარი ყურადღება ექცევა ამა თუ იმ ფინანსური ჰაბის კონკურენტ-უნარიანობას.

 


მიღებული შედეგები აჩვენებს სინგაპურის მზარდ ბიზნეს-გავლენას, რასაც ნაწილობრივ ხელს უწყობს ადგილობრივი ფინანსური და სადაზღვეო სექტორების გაფართოება, რაც თავის მხრივ ეკონომიკის 13-ეტ პროცენტს შეადგენს" - ნათქვამია სტატიაში.

 

ინტერნეტ-გამოცემა "ბლუმბერგში" გამოქვეყნებული სტატიის თანახმად, "სინგაპურისთვის რეგიონში მთავარი კონკურენტია ჰონგ-კონგი, რომელსაც იგი სჯობნის ისეთ სფეროებში როგორიცაა ბიზნესის კეთების სიადვილე, ინფრასტრუქტურა, ჯანდაცვა, ტექნიკური უსაფრთხოება და უშიშროების უზრუნველყოფა. PricewaterhouseCoopers-ის კვლევის ინდექსში ჰონგ-კონგი ოდნავ დაეშვა და მე-9-ე ადგილზე მოექცა, რისი მიზეზიც გახდა ისეთი კატეგორიები როგორიცაა ინტელექტუალური კაპიტალი და ინოვაციები.

 


მსოფლიოში ძალიან ცოტაა ისეთი ქალაქები, რომლებსაც სინგაპურზე უფრო დაბალი გადასახადები აქვს. ადგილობრივი კორპორატიული გადასახადი შეადგენს 17-ეტ პროცენტს. ეს მნიშვნელოვანი ფაქტორია თუკი შედარებისთვის მოვიყვანთ საფრანგეთისა და შეერთებული შტატების გადასახადებს - 30-ი და 35 პროცენტი შესაბამისად. აღსანიშნავია, რომ ეკონომიკური თანამშრომლობისა და განვითარების ორგანიზაციაში შემავალი ქვეყნების საშუალო გადასახადი 23-ამ პროცენტზე ოდნავ დაბალია.

 


PricewaterhouseCoopers-ის კვლევაში ნათქვამია, რომ დუბაისა და ჰონგ-კონგის გვერდით, სინგაპურს ყველაზე დაბალი გადასახადები და ყველაზე მაღალი ეკონომიკური ეფექტურობა გააჩნია. კვლევის ამ ნაწილის მომზადებისას გათვალისწინებული იყო როგორც კორპორატიული და საერთო საგადასახადო მარჯები, ასევე ინდივიდუალური გადასახადები და მათი ეკონომიკური ეფექტი.

 

 

უნდა აღინიშნოს, რომ ზემოხსენებულ ინდექსში ნომერ მეორედ მოხსენება სინგაპურისთვის არ ნიშნავს იმას რომ იგი ხვალვე გადაიბირებს იმ ბიზნესებსა და ფირმებს, რომლებიც ლონდონიდან გასვლას დააპირებენ ევროკავშირიდან ბრიტანეთის გასვლის პროცესში. მხედველობაშია მისაღები ის გარემოება, რომ ბოლო დროს სინგაპურში გამკაცრდა კანონები უცხოელთა დასაქმებისთვის. გარდა ამისა, გასათვალისწინებელია ეკოლოგიური პრობლემებიც, რომლებსაც სინგაპურს უქმნის მეზობელ ინდონეზიაში ტყეებში გახშირებული ხანძრები.

 


სინგაპურის ცენტრალური ბანკის ხელმძღვანელის რავი მენონის თანახმად, სინგაპურსა და ჰონგ-კონგში დაფუძნებული ბიზნესები აზიის ბაზრებით სარგებლობის მიზნით, შესაძლოა ვერაფერ სერიოზულს ვერ დააკლებენ ლონდონის- როგორც ფინანსური ჰაბის მიმზიდველობას საერთშორისო ბიზნესის წარმოების კუთხით.

 


როგორც სინგაპურის მთავარი ბანკირი ამბობს: "ლონდონი შეინარჩუნებს მთავარი ფინანსური ცენტრის როლს. თუმცა, შესაძლოა ბიზნესის წარმოების მხრივ ოდნავი გადანაცვლება მოხდეს ევროპის კონტინენტზე" - ნათქვამია ინტერნეტ-გამოცემა "ბლუმბერგის" სტატიაში.

 

საერთაშორისო მიმომხილველი გიორგი ჩხუბიანიშვილი

 

 



როგორ უნდა იმუშაონ 1 ივნისიდან რესტორნებმა და კაფე-ბარებმა?

როგორ უნდა იმუშაონ 1 ივნისიდან რესტორნებმა და კაფე-ბარებმა?
access_time2020-05-29 17:30:24
ჯანდაცვის სამინისტრომ საზოგადოებრივი კვების ობიექტებისთვის რეკომენდაციები დაამტკიცა. ამ რეკომენდაციების თანახმად, დახურული სივრცის მქონე საზოგადოებრივი კვების ობიექტებში მაგიდები ერთმანეთისგან მინიმუმ 2-მეტრიანი დაშორებით უნდა იდგეს და ამასთან, ერთ მაგიდასთან მაქსიმუმ 6 მომხმარებლის მოთავსებაა ნებადართული. გამონაკლისის სახით კი შესაძლებელია ოჯახის წევრებისა და 12-წლამდე მოზარდის ერთ...

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა
access_time2020-05-29 14:54:22
2012 წლის შემდეგ საქართველოში სიღარიბე შემცირდა 10,5 პროცენტული პუნქტით, - ამის შესახებ საქართველოს პრემიერ-მინისტრმა გიორგი გახარიამ პარლამენტში განაცხადა, სადაც ინტერპელაციის წესით იმყოფება. მთავრობის მეთაურის თქმით, ყველას კარგად ესმის, რომ სიღარიბე ჩვენი ქვეყნის ეკონომიკის სტრუქტურული პრობლემაა ბოლო ათწლეულების განმავლობაში. „ეს არის ფაქტი და ამ ფაქტის გახსენება ყველაზე ნაკლებად გვჭირდება ჩვენ. აგიხსნით, რომ ბოლო წლების განმავლობაში,...

2020 წლის 3 თვეში სადაზღვევო ბაზრის წმინდა მოგება გაორმაგდა

2020 წლის 3 თვეში სადაზღვევო ბაზრის წმინდა მოგება გაორმაგდა
access_time2020-05-29 16:30:03
2020 წლის 3 თვის განმავლობაში საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 211,1 მილიონი ლარი 625 შეადგინა. ამის შესახებ ინფორმაცია, დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული.   ამავე პერიოდის შედეგებით, მზღვეველების სადაზღვევო მოგებამ  41,5 მილიონი ლარი, ხოლო წმინდა მოგებამ  16,6 მილიონი ლარი შეადგინა, რაც წინა წლის ანალოგიურ პერიოდთან შედარებით გაორმაგებული...

ყოფილი გენერალური პროკურორი მოქმედ მართლმსაჯულებას უსამართლობასა და კორუფციაში ადანაშაულებს

ყოფილი გენერალური პროკურორი მოქმედ მართლმსაჯულებას უსამართლობასა და კორუფციაში ადანაშაულებს
access_time2020-05-29 14:30:37
„რაც თანამდებობაზე აღარ ვარ და ვაგრძელებ საადვოკატო პრაქტიკას, ეს არის ჩემი პირველი შეხვედრა მედიასთან. ამ გამონაკლისს ვუშვებ, რადგან კონკრეტული საქმე ერთგვარი ტესტი გახდება ქართული მართლმსაჯულებისთვის“, - ამ სიტყვებით დაიწყო თავისი პრესკონფერენცია ადვოკატმა, არჩილ კბილაშვილმა, რომელიც კომპანია „ლიდერფუდის“ დამფუძნებლის დავით ზეიკიძის ინტერესებს იცავს. მან დასაწყისშივე მიმართა საზოგადოებას თხოვნით, ამ კონკრეტული საქმის უკვე მესამე ინსტანციაში მიმდინარეობას...

თბილისის ზღვის კლუბი გაიხსნა

თბილისის ზღვის კლუბი  გაიხსნა
access_time2020-05-29 15:30:35
„თბილისის ზღვის კლუბი“ გაიხსნა და მსურველებს უკვე მასპინძლობს-ამის შესახებ „კომერსანტს“ კლუბის ადმინისტრაციაში განუცხადეს.მათი ინფორმაციით,არსებული რეგულაციის შედეგად, სტუმრებს აუზით სარგებლობა ჯერ არ შეუძლიათ. დაშვებულია მხოლოდ ზღვაში შესვლა და წყლის საშხაპეებით სარგებლობა.    კითხვაზე, არის თუ არა აქტივობა და დატვირთულია თუ არა ტერიტორია  სტუმრებით,...


მსგავსი სიახლეები

up