Bloomberg: მსოფლიოს უმსხვილესი ფარმაცევტული გარიგება ჩაიშალა

Bloomberg: მსოფლიოს უმსხვილესი ფარმაცევტული გარიგება ჩაიშალა

person access_time2016-04-06 14:00:11

ფარმაცევტულმა კომპანიამ Pfizer–მა“ გადაწყვეტილება მიიღო- გააუქმოს ფარმაცევტულ კომპანია Allergan–თან ახლახან გამოცხადებული კორპორატიული შერწყმა, რომლის მოცულობაც 160 მილიარდ დოლარს აღწევდა. ამის შესახებ ინტერნეტ-გამოცემა „ბლუმბერგი“ სტატიას აქვეყნებს, რომლის ავტორი ჯეფრი მაკ-კრაკენი წერს:


„ხსენებული გარიგების გაუქმების შესახებ გადაწყვეტილება Pfizer–მა შესაძლოა მას შემდეგ მიიღო, რაც ვაშინგტონში პოლიტიკოსები კონკრეტულ ზომებს იღებენ, რათა შეაჩერონ ამერიკიდან კორპორატიული ბიზნესის გასვლა, რომელიც ბოლო დროს  გახშირდა. 


ჩაშლილ გარიგებასთან დაკავშირებით, Pfizer–ს მოუწევს Allergan–სთვის 400 მილიონი დოლარის გადახდა კომპენსაციის სახით იმ ხარჯებზე, რომლებიც წინასწარ იქნა გაწეული. უნდა აღინიშნოს, რომ „Allergan–ი იმართება ნიუ-ჯერსის შტატიდან, მაგრამ იგი ირლანდიურ კომპანიად ითვლება, რამეთუ დარეგისტრირებულია დუბლინში და იურიდიულადაც იქ ითვლება მისი ადგილსამყოფელი. ცხადია, ნიუ-იორკში სათავო ოფისის მქონე Pfizer–ს საშუალება ექნებოდა, Allergan–თან კორპორატიული შერწყმის შედეგად ჰქონოდა უცხოური მისამართი და კორპორატიული გადასახადებიც ნაკლები ეხადა. 


ორი ფარმაცევტული კომპანიის კორპორატიული გამსხვილების თაობაზე გარიგების გაუქმება მიანიშნებს პრეზიდენტ ობამას ადმინისტრაციის გამარჯვებაზე, რამდენადაც მთავრობამ გასულ ორშაბათს გამოაცხადა საწესდებო ზომების გამკაცრება საზღვარგარეთ კორპორაციების გასვლის შესაჩერებლად. ეს მოვლენა ბოლო დროს გახშირდა, რადგან გადასახადების შემცირების მიზნით ამერიკული კომპანიები ცდილობენ იურიდიული მისამართის შეცვლას და საზღვარგარეთ სხვა სარეგისტრაციო მისამართის შემოღებას. ცხადია, „პფაიზერისა“ და „ალერგანის“ კორპორატიული შერწყმის შემთხვევაში, ახალი გამსხვილებული კომპანიის იურიდიული მისამართი დუბლინში იქნებოდა.  



შეერთებული შტატების ფინანსთა სამინისტროს მიერ შემოღებული ახალი წესდების თანახმად, ზემოხსენებული გარიგებების განხორციელება ამიერიდან შეზღუდული იქნება 36 თვით. სწორედ ამ ბოლო პერიოდში, „ალერგანი“ ჩართული იყო რამდენიმე მსგავს კორპორატიულ გარიგებაში.

 

სტატიაში ვკითხულობთ:

 

„აღსანიშნავია, რომ “პფაიზერი“ სხვადასხვა გზას ეძებს რომ გვერდი აუაროს ფინანსთა სამინისტროს მიერ გამოცხადებულ ახალ შეზღუდვებს. 

 

ორ ფარმაცევტულ კომპანიას შორის შესაძლო კორპორატიული შერწყმის თაობაზე განცხადებამ პირველად გასული წლის ნოემბერში გაიჟღერა. მას შემდეგ ეს ტრანზაქცია კრიტიკის ქარცეცხლში მოექცა როგორც რესპუბლიკელების, ასევე დემოკრატების მხრიდან. კრიტიკას არ იშურებდნენ ორივე პარტიიდან საპრეზიდენტო კანდიდატებიც. უნდა ითქვას, რომ 2012 წლიდან მოყოლებული, 22-მა ამერიკულმა მსხვილმა კომპანიამ შემოიღო საზღვარგარეთ ახალი იურიდიული მისამართი გადასახადების შემცირების მიზნით.  

 

„პფაიზერი“ აცხადებს, რომ იგი სტრატეგიული მოსაზრებიდან გამომდინარე ცდილობს „ალერგანის“ შეძენას. თუმცა, კრიტიკოსების კონტრარგუმენტის თანახმად, კომპანია სინამდვილეში ცდილობს გვერდი აუაროს ამერიკულ კორპორატიულ გადასახადს, რომელიც 35 პროცენტს შეადგენს. ამ გადასახადით იბეგრება არა მარტო ადგილობრივი, არამედ კომპანიის გლობალური შემოსავლებიც.  

 

ამგვარად, შეერთებული შტატების ფინანსთა სამინისტროს მიერ შემოღებული ახალი წესდების ამოქმედების შედეგად, არა-ამერიკულ კომპანიებს ამიერიდან მეტად გაუძნელდება ამერიკულ კომპანიებთან კორპორატიული ტრანზაქციების განხორციელება და ერთდროულად საზღვარგარეთ იურიდიული მისამართის შენარჩუნება გლობალური გადასახადის შემცირების მიზნით“ - ნათქვამია ინტერნეტ-გამოცემა „ბლუმბერგში“ გამოქვეყნებულ სტატიაში. 



ხვალიდან, ქართული არხები შესაძლოა, ფასიანი გახდეს

ხვალიდან, ქართული არხები შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up