ახალმა კორონავირუსმა, რომელიც ჰაერ-წვეთოვანი გზით გადადის, შეამცირა ინვესტორების ენთუზიაზმი ჩინური საფონდო ბაზრისადმი, რომელიც ბოლო თვეებში სწრაფად იზრდებოდა.
დანაკარგებს ძირითადად ითვლიან სამომხმარებლო ბაზრის მოთამაშეები, ტუროპერატორები, და ავიაკომპანიები.
საფონდო ინდექსი FTSE China A50, რომელიც ასახავს ჩინეთის 50 უმსხვილესი კომპანიის კაპიტალიზაციას, 22 იანვარს შემცირდა 1,7%-ით, რაც არის ბოლო 6 თვის ყველაზე ძლიერი ვარდნა.
აქციების გაიაფების ლიდერებს შორის იყვნენ სამომხმარებლო ბაზრის კომპანიები - ინვესტორები იშორებდნენ ისეთი კომპანიების ფასიან ქაღალდებს, როგორც სპირტიანი სასმელების მწარმოებელი Wuliangye Yibin და Kweichow Moutai, და ჩინეთის უმსხვილესი ტუროპერატორი Travel Service.
პარალელურად 0,5%-ით გაიაფდა ჩინური ეროვნული ვალუტა იუანი.
პანიკის მიზეზი გახდა ინფორმაცია იმის თაობაზე, რომ ვირუსი გადამდებია, ხოლო სიტუაციას ართულებს ისიც, რომ 25 იანვარის ჩინეთში აღინიშნება ახალი წელი - ეს არის ყველაზე აქტიური პერიოდი მოგზაურობების და ვაჭრობისთვის.
„ახალი წლის გამო, მილიონობით ჩინელი მიემგზავრება მშობლიური კუთხეებში, და სიტუაციის მართვა ხდება შეუძლებელი“ - განაცხადა საბროკერო კომპანია CMC Markets-ის ანალიტიკოსმა მარგარეტ იანგმა.
ტრეიდერები მიიჩნევენ, რომ ვირუსის ეპიდემიის გამო, ჩინელები ნაკლებს იმოგზაურებენ, და ნაკლებს ივლიან მაღაზიებში - ეს კი ნიშნავს შესაბამისი დარგების კომპანიების აქციების გაიაფებას.
„ვირუსი აიძულებს ადამიანებს გეგმების შეცვლას - ისინი უფრო იშვიათად შეხვდებიან ერთმანეთს, ვიდრე ჩვეულებრივ სიტუაციაში. ან ეტაპზე შეუძლებელია დანაკარგების შეფასება, თუმცა, ინვესტორებს ახასიათებს ასეთ მოვლენებზე გადაჭარბებული რეაგირება“ - მიიჩნევს Shanghai Jade Stone Investment Management მმართველი ჩენ ში.
პანიკამ მოახდინა გავლენა ევროპულ ბაზრებზე - ვირუსის გამო გაიაფდა ჩინეთთან აქტიურად მომუშავე ევროპული კომპანიების აქციები - მათ შორის არიან Air France, Lufthansa British Airways, ფუფუნების საგნების მწარმოებლები LVMH, Kering, Hermes და Burberry.
ინვესტორები შიშობენ, რომ გამეორდება 2002-2003 წლების ისტორია, როდესაც ატიპიური პნევმონიის ეპიდემიის შედეგად, რომელიც ასევე გაჩნდა ჩინეთში, მსოფლიო მასშტაბში დაიღუპა 774 ადამიანი - ეს აფერხებს ინვესტორების ენთუზიაზმის ჩინეთის ეკონომიკური ზრდის ირგვლივ.
.
კორონავირუსმა
