2020 წლის დასაწყისიდან პირველი 6 თვის ვარდნის შემდეგ ჩინეთის ეკონომიკა 0,7%-ით გაიზარდა.
ჩინეთი შესაძლოა მსოფლიოში ერთადერთი ქვეყანა გახდეს, რომლის ეკონომიკაც წელს გაიზრდება და ამას საფუძვლად კორონავირუსის აგრესიული შეკავება დაედება.
2020 წლის მე-3 კვარტალში ჩინეთის ეკონომიკა 2019 წლის ანალოგიური პერიოდთან შედარებით 4,9%-ით გაიზარდა, წლიურ ჭრილში კი 0,9%. შესაძლოა ეს რიცხვები მოკრძალებულად მოგეჩვენოთ, თუმცა, საუბარია ზრდაზე იმ დროს, როდესაც გლობალური ეკონომიკა ღრმა რეცესიაშია.
მშპს- ზრდა წლის დასაწყისში ნავარაუდევ 5%-ზე ნაკლებია თუმცა, მე-2 კვარტლის მონაცემებზე (3,2%) მეტია.
2020 წლის პირველ კვარტალში საყოველთაო ლოკდაუნის და კარანტინის პირობებში ვარდნამ რეკორდული 6,8% შეადგინა - ეს ჩინური ეკონომიკის პირველი შემცირებაა 1992 წლის შემდეგ.
სტატისტიკა ცხადყოფს, რომ ჩინეთის ეკონომიკის ზრდა პანდემიამდე არსებულ ტემპებს უახლოვდება - 2019 წლის მე-3 კვარტალში ჩინეთის ეკონომიკა 6%-ით გაიზრდა, რაც ახლანდელ 4,9%-თან საკმაოდ ახლოსაა.
„ჩინეთი მსოფლიოს ერთად-ერთი მსხვილი ეკონომიკა იქნება, რომელიც 2020 წელს გაიზრდება“ - განაცხადა კორნუოლის უნივერსიტეტის პროფესორმა, ექსპერტმა ჩინეთის საკითხებში ესვარ პრასადმა.
როგორც უკვე ითქვა, ამასა საფუძვლად კორონავირუსის აგრესიული შეკავება უდევს, რომელმაც პეკინს საწარმოებს საქმიანობის სწრაფი აღდგენის, დისტანციური მუშაობის უპირატესობების გამოყენების, და მსოფლიოში სამედიცინო პროდუქციაზე მოთხოვნის ზრდის გამო დიდი სარგებლის მიღების საშუალება მისცა.
წარმოების აღდგენის წყალობით ექსპორტიორებმა 7 თვეში ბაზრის ლომის წილი დაიპყრეს და უმეტესად კონკურენტების ადგილებიც დაიკავეს.
„მთლიანობაში ჩინეთის ეკონომიკა მდგრადი რჩება, და კვლავაც დიდ პოტენციალს ფლობს. მოსალოდნელია შემდგომი აღდგენა, რომელიც მსოფლიო ეკონომიკისთვის სასარგებლო იქნება“ - განაცხადა ჩინეთის ცენტრალური ბანკის პრეზიდენტმა ი განმა.
თუმცა, ქვეყანაში შიდა მოხმარება კვლავაც სუსტი რჩება - 2020 წლის 8 თვის მანძილზე მყიდველებმა 9%-ით ნაკლები დახარჯეს, ვიდრე 2019 წლის ანალოგიურ პერიოდში.
bloomberg.com
მოამზადა თენგიზ აბლოთიამ
ჩინეთი
