Bloomberg: ამერიკულ-ჩინური სავაჭრო ომი აზარალებს რუსეთს

Bloomberg: ამერიკულ-ჩინური სავაჭრო ომი აზარალებს რუსეთს

access_time2019-08-12 20:00:00


კრემლის იმედები, რომ არამდგრადი რუსული ეკონომიკა წლის მეორე ნახევარში დააჩქარებს ზრდას, არარეალისტური აღმოჩნდა ნედლეულზე საერთაშორისო მოთხოვნის შემცირების ფონზე, რომელიც გახდა ამერიკულ-ჩინური სავაჭრო ომის შედეგი.


მაისში რუსული ექსპორტი, რომლის ძირითადი ნაწილი მოდის სწორედ ნედლეულზე - ნავთობ-გაზით დაწყებული მეტალურგურიული პროდუქციით დამთავრებული - შემცირდა 14%-ით, ხოლო ივლისში რუსეთის ეკონომიკის მინისტრმა მაქსიმ ორეშკინმა განაცხადა, რომ ნახშირის ექსპორტი მკვეთრად დაეცა - ქვეყანა არის ამ საქონლის უმსხვილესი ექსპორტიორი მსოფლიოში და რუსეთი ძალზე დამოკიდებულია ნახშირის და სხვა ენერგომატარებლების გაყიდვიდან მიღებულ ვალუტაზე.


„სავაჭრო ომები და უკუსვლა გლობალიზაციაში - აი რა დაარტყამს მსოფლიო ეკონომიკას ყველაზე მეტად. შესაბამისად, ეს ნეგატიურად აისახება მრეწველობის დინამიკაზე და ნედლეულის ფასებზე. რა თქმა უნდა, ეს ჩვენც შეგვეხება,“ - განაცხადა მინისტრმა.


დონალდ ტრამპის ომი ჩინეთთან უკვე დაეტყო მსოფლიო ეკონომიკას და გამოაცალა საყრდენი რუსეთის ეკონომიკას სწორედ იმ დროს, როდესაც მოსკოვმა გადაწყვიტა ზრდის წახალისება სახელმწიფო ხარჯების მეშვეობით. მთავრობამ აუცილებლად უნდა შეასრულოს დანაპირები, რადგანაც მოსახლეობის რეალური შემოსავლების კლებამ ძალზე ნეგატიურად იმოქმედა ვლადიმერ პუტინის რეიტინგზე და ხელი შეუწყო საპროტესტო აქციების ზრდას.


2019 წლის იანვარ-მარტში რუსეთის ეკონომიკა გაიზარდა 2018 წლის ანალოგიურ პერიოდთან შედარებით მხოლოდ 0,8%-ით.



„რუსეთის ეკონომიკა გაიზარდა მხოლოდ 0,8%-ით, თუმცა, ზრდა შეიძლებოდა ნაკლებიც ყოფილიყო. ძირითადი ინდექსები გვიჩვენებენ, რომ რუსეთის ეკონომიკა იმყოფება რეცესიაში,“ - ამბობს ახალი ეკონომიკის სკოლის დირექტორი ოლეგ შიბანოვი.


გეგმის მიხედვით, რუსეთის მთავრობამ უნდა დაიწყოს 400 მლრდ. დოლარის ხარჯვა ინფრასტრუქტურაში და ეს ხელს შეუწყობდა ეკონომიკურ ზრდას თუნდაც 2019 წლის მეორე ნახევარში, თუმცა, ექსპერტების აზრით, ამ ზომების ეფექტი იქნება შეზღუდული.


პროგრამა - სახელად „ეროვნული პროექტები“, არის პუტინის კამპანიის ნაწილი, რომლიც მიზანიცაა მშპ-ს 50%-ანი ზრდა 2030-ანი წლებისთვის.


ჩინეთ-აშშ-ს სავაჭრო ომი იწვევს პირველ რიგში ჩინეთის ეკონომიკის ზრდის შემცირებას, ამერიკული ბაზრის დაკარგვის შემთხვევაში ჩინეთის მრეწველობაც შემცირდება, შესაბამისად, მას არ დასჭირდება იმდენი ნავთობი, გაზი, ნახშირი, რკინა, ალუმინი და ა.შ. რამდენიც სჭირდებოდა აქამდე. თავისთავად, ეს პირდაპირ ურტყამს ნედლეულის ექსპორტზე გათვლილ რუსეთის ეკონომიკას.


ამას ემატება სანქციების ახალი პაკეტი, რომელიც უკრძალავს ამერიკელ ინვესტორებს რუსული სახაზინო ქაღალდების შეძენას, განსაკუთრებით, თუ ისინი დენომინირებულია არა რუბლებში, არამედ უცხოურ ვალუტაში, მაგალითად, დოლარებში. ეს კიდევ უფრო შეზღუდავს რუსეთის წვდომას დასავლურ ფონდებთან, რომლებიც საჭიროა რუსეთის ეკონომიკის ზრდის დაჩქარებისთვის - მიიჩნევს საერთაშორისო სააგენტო Moody's Investors Service.


საერთაშორისო სავალუტო ფონდმა შეამცირა რუსეთის ეკონომიკის ზრდა და დაითვალა, რომ სანქციების გამო რუსეთი ყოველწლიურად კარგავს ზრდის 0,2%-ს.


ივლისში ფონდმა 2019 წელს გლობალური ეკონომიკის ზრდა 3,2%-მდე შეამცირა, ზოლო 3,5%-მდე - 2020 წელში - ეს ყველაზე დაბალი მაჩვენებელია 2009 წლის შემდეგ.


„როდესაც ჩინეთის პერსპექტივები უარესდება, მოთხოვნა ნედლეულზე მცირდება და ეს ახდენს ძალიან ნეგატიურ გავლენას რუსეთზე, რომლისთვისაც ჩინურ ბაზარს აქვს დიდი მნიშვნელობა. რაც ცუდია ჩინეთისთვის, ის ცუდია რუსეთისთვის,“ - განაცხადა საინვესტიციო კომპანია „რენესანს კაპიტალის“ ეკონომისტმა სოფია დონეტსმა.






სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში
access_time2019-08-16 20:30:06
მოგესლამებით. მინდა გაუწყოთ რომ 17 ივლისს JDinvesment ის პორტფელს დაემატა კიდევ ერთი, ჩვენი აზრით, პერსპექტიული კომპანია. ეს კომპანია არის ტექნოლოგიური კომპანია და ქმნის პროდუქტს რომელიც, დღევანდელ ინტერნეტ სივრცეში დიდ საჭიროებას წარმოადგენს. ამაში ადვილად დავრწმუნდებით ცოტა ხანში, როდესაც ამ კომპანიის ფუნდამენტალური ანალიზით დავკავდებით. შევეცდები მაქსიმალურად იოლად ავხსნა კომპანიის ბიზნესმოდელი და მისი ფინანსური მაჩვენებლები. ასე დაგანახოთ საინვესტიციო უპირატესობები. გვეწვიეთ საიტზე...

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა
access_time2019-08-16 19:30:37
სახელმწიფო აუდიტის სამსახური აფხაზეთის ავტონომიური რესპუბლიკის მთავრობისა და მასთან არსებული ორგანიზაციების მიერ სამსახურებრივი სარგებლობის ავტომანქანების ექსპლუატაციის პროცესში საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებზე მიუთითებს. კერძოდ, აფხაზეთის ავტონომიური რესპუბლიკის მთავრობისა და მასთან არსებული ორგანიზაციების ფინანსური აუდიტის ანგარიშში აღნიშნულია, რომ გასულ წელს სამსახურებრივი სარგებლობის სამორიგეო...


მსგავსი სიახლეები

up