Black Shawarma (ბლექ შაურმა)  თბილისში პირველი ობიექტია, სადაც ჩვეულებრივისგან განსხვავებული შეფერილობის შაურმას ამზადებენ. პროდუქტის შიგთავსი კლასიკური შაურმისაა, ხოლო ლავაში საკვები საღებავით იღებება. Black Shawarma თბილისში თებერვალში გაიხსნა, როგორც ობიექტის დირექტორი სულხან თვალჭრელიძე განმარტავს, მომხმარებლების მხრიდან მოწონებით სარგებლობს.

„შავი შაურმის დამზადების და მისი რეალიზაციის იდეა რამდენიმე თვის წინ გამიჩნდა, როცა საზღვარგარეთ შემხვდა ეს პროდუქტი. შაურმა ძალიან პოპულარულია საქართველოში და გადავწყვიტე რაღაც სიახლის შემოტანა. ამჟამად მხოლოდ ერთ ობიექტს ვფლობთ, სამომავლოდ გვინდა რომ ჩვენი ობიექტების ქსელი განვავითაროთ.

შავი შაურმა, ესაა ჩვეულებრივი შიგთავსით, რომელსაც შეფერილობა აქვს შეცვლილი, რაც უფრო საინტერესოს ხდის და მომხმარებელსაც მოსწონს.

პანდემიის დროს დავხურეთ ჩვენი სწრაფი კვების ობიექტი,  გავიხსენით ივნისში  და დავამატეთ მიტანის სერვისიც“- განმარტავს სულხან თვალჭრელიძე.

სწრაფი კვების ობიექტის გახსნა მეპატრონეებს დაახლოებით 30 000 ლარი დაუჯდათ.  შავი ლავაშის ექსკლუზივი საქართველოში სწორედ  Black Shawarma-ს აქვს.

 მარიამ მორგოშია