ბიზნესს იმუნიზაციასთან დაკავშირებით კითხვები აქვს

ბიზნესს იმუნიზაციასთან დაკავშირებით კითხვები აქვს

access_time2021-08-25 13:00:47

იმის გამო, რომ ვაქცინაცია საქართველოში სავალდებულო არ არის, ბიზნესს თანამშრომლების იმუნიზაციის პროცესში ჩართვა ძალიან უჭირს. მსოფლიო ბრენდების North Face-ის, Timberland-ისა და Diesel-ის ოფიციალური წარმომადგენელი კომპანია „მეგასპორტის“ დამფუძნებელი დავით ჩხეიძე ,,კომერსანტთან“ ამბობს, რომ როგორც ხელმძღვანელს, არანაირი უფლება არ აქვს, თანამშრომელს მოუწოდოს და აცრისკენ მიუთითოს, რადგან ამას კანონი არ ავალდებულებს.


,,ვმუშაობთ და მაქსიმალურად ვცდილობთ, კოვიდ 19-ს ვებრძოლოთ ისე, რომ არც ბიზნესი დაზარალდეს და ვაქცინაციის პროცესშიც ჩავერთოთ, მაგრამ ჯერჯერობით ამის საშუალებას საკანონმდებლო ბაზა არ იძლევა. ვაქცინაცია მასობრივი პრობლემაა, რასაც ერთიანი მიდგომა სჭირდება. შესაძლებელი უნდა იყოს, რომ სახელმწიფოს მიერ დაწესებული რეგულაციები ზედმიწევნით შესრულდეს და ამავე დროს იმუნიზაციის ტემპი დაჩქარდეს. ეს რომ წარმატებით განხორციელდეს, სახელმწიფომ უნდა დაუშვას ვაქცინაციის ვალდებულება. საკანონმდებლო ბაზის არქონა არის ამ მომენტში პრობლემა. ჯერჯერობით მხოლოდ ის შემიძლია, რომ რეკომენდაცია გავუწიო თანამშრომლებს, მაგრამ ვერ ვაიძულებ აიცრან, რადგან ეს იწვევს შემდეგში სერიოზულ პრობლემას. შესაბამისად გვიწევს იურიდიული ჩარჩოების ფარგლებში მოქმედება“, - ამბობს დავით ჩხეიძე.


„მეგასპორტის“ დამფუძნებელი აცხადებს, რომ ანტივაქსერული მიდგომების დრო ახლა არ არის და ზომები კანონმდებლობის დონეზე უნდა გატარდეს.



,,იმ დროს, როცა პანდემიაა და ჩვენი ფულით შემოაქვთ ვაქცინაცია, ადამიანები ჯიუტად გაიძახიან, რომ არ აიცრებიან. ასეთი მიდგომა ჩვენი დარგისთვის დამღუპველია, რადგან ეს არის სფერო, სადაც დასაქმებულს სისტემატურად უწევს მოსახლეობასთან ურთიერთობა, ასაკის და სქესის განურჩევლად. ვაქცინაცია ამ შემთხვევაში, მაღალი რისკიდან გამომდინარე, აუცილებელია. ვსვამ კითხვას: მაქვს უფლება თუ არა სამსახურიდან ან უხელფასო შვებულებაში გავუშვა თანამშრომელი, რომელიც აცრაზე უარს იტყვის? ბიზნესს თავისი განაწესი, შიდა რეგულაციები აქვს, არსებობს ნორმა, დამოკიდებულებები, რასაც ზურგს უმაგრებს კანონი და კონსტიტუცია. თავისი უფლებების გამოყენებით სხვისი უფლება რომ ილახება, რას ვაკეთებთ ამ დროს? ამაზე არავინ საუბრობს. ცხადია, რომ არ მინდა ვინმემ ამის მიზეზით სამსახური დაკარგოს, არ მაძლევს ამის უფლებას კანონი, მაგრამ ევროპის უამრავ ქვეყანაში სწორედ ასეა: აცრილი თუ არ ხარ და საბუთს არ წარადგენ, ყავას ვერ დალევ კაფეში. ჩვენც უნდა მივიღოთ ზომები, პირველ რიგში, საკანონმდებლო ბაზა უნდა დაიხვეწოს და ვაქცინაცია გახდეს სავალდებულო“, - აცხადებს კომპანიის ხელმძღვანელი.


დავით ჩხეიძის ინფორმაციით, მიმდინარე სეზონზე კომპანიაში 80 ადამიანია დასაქმებული. აქედან იმუნიზაციის პროცესში თანამშრომელთა მხოლოდ 20%-ია ჩართული, რაც, მისივე შეფასებით, „კატასტროფული მაჩვენებელია“.


24 აგვისტოს მონაცემებით, ბოლო დღე–ღამის განმავლობაში საქართველოში კორონავირუსით ინფიცირების 5 924 ახალი შემთხვევა დადგინდა და 60 პაციენტი გარდაიცვალა.

მარი ჩიტაია





ლარის კურსი დოლართან 7.88 თეთრით, ხოლო ევროსთან 5.46 თეთრით გაუფასურდა

ლარის კურსი დოლართან 7.88 თეთრით, ხოლო ევროსთან 5.46 თეთრით გაუფასურდა
access_time2022-08-15 17:05:15
15 აგვისტოს ვაჭრობის შედეგად აშშ დოლარი გამყარდა და 2.7877 ლარი შეადგინა. კურსი, რომელიც დღეს მოქმედებდა, 2.7089 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -7.88 თეთრი შეადგინა. გამყარდა ევრო, რომლის კურსი 2.8426 ლარია. მაშინ როცა დღეს მოქმედი კურსი 2.7880 ლარს შეადგენდა. შესაბამისად, ევროს ცვლილებამ 5.46 თეთრი შეადგინა. გამყარდა თურქული ლირა, რომელიც 0.1552 ლარს შეადგენს, ასევე გამყარდა ფუნტი და 3.3636 ლარი...

შეღავათიანი აგროკრედიტის პროექტში ცვლილებები შედის

შეღავათიანი აგროკრედიტის პროექტში ცვლილებები შედის
access_time2022-08-15 17:00:09
შეღავათიანი აგროკრედიტის პროექტში ცვლილებები შედის. პროექტს გარემოს დაცვისა და სოფლის მეურნეობის სამინისტროს სოფლის განვითარების სააგენტო 9 წელიწადზე მეტია ახორციელებს. პროექტის ძირითად ამოცანებს ფერმერების და სოფლის მეურნეობაში ჩართული მეწარმეების იაფი, გრძელვადიანი და ხელმისაწვდომი ფულადი სახსრებით უზრუნველყოფის გზით, სოფლის მეურნეობის პირველადი წარმოების, გადამმუშავებელი და შენახვა-რეალიზაციის საწარმოო პროცესების გაუმჯობესება...

პრემიერი საწვავის კიდევ უფრო გაიაფებას ელოდება - აგვისტოს ბოლომდე ჯამში 20-30 თეთრით

პრემიერი საწვავის კიდევ უფრო გაიაფებას ელოდება - აგვისტოს ბოლომდე ჯამში 20-30 თეთრით
access_time2022-08-15 15:00:47
გვაქვს ჩვენ განცდა იმისა, რომ შესაბამისად არ ჰპოვა ასახვა საწვავის ფასებმა და არ მოხდა საწვავის ფასების პროპორციულად დაკლება, ამიტომ, საჭიროა, უფრო გავააქტიუროთ მუშაობა საწვავის იმპორტიორებთან, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა. როგორც პრემიერმა აღნიშნა, მან რეკომენდაციით მიმართა კონკურენციის სააგენტოს, დაიწყოს მოკვლევა და შეამოწმონ იმპორტიორების კეთილსინდისიერება, რამდენად სწორად ხდება კონკურენციის პირობების...

არ დაანთოთ ცეცხლი ტყის ან ველის სიახლოვეს - საგანგებო სიტუაციების მართვის სამსახური მოსახლეობას აფრთხილებს

არ დაანთოთ ცეცხლი ტყის ან ველის სიახლოვეს - საგანგებო სიტუაციების მართვის სამსახური მოსახლეობას აფრთხილებს
access_time2022-08-15 15:40:18
მაღალი ტემპერატურიდან გამომდინარე, საგანგებო სიტუაციების მართვის სამსახური მოსახლეობას მაღალი სამოქალაქო პასუხისმგებლობისკენ მოუწოდებს და სთხოვს არ დაანთონ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვონ ცეცხლის კერები უყურადღებოდ. „გაცნობებთ, რომ მომავალი დღეების განმავლობაში მთელი საქართველოს მასშტაბით შენარჩუნდება მომატებული ტემპერატურა და უნალექო ამინდები. გარდა ამისა, მთიან...

13:00 საათისთვის, Bloomberg-ზე 1 დოლარი 2.8050 ლარად ივაჭრება, ბანკებში კი 1 დოლარი 2.8500 და 2,8600 ლარი ღირს

13:00 საათისთვის, Bloomberg-ზე 1 დოლარი 2.8050 ლარად ივაჭრება, ბანკებში კი 1 დოლარი 2.8500  და 2,8600 ლარი ღირს
access_time2022-08-15 13:00:23
Bloomberg-ის სავაჭრო პლატფორმაზე 13:00 საათისთვის ერთი დოლარი 2.8050  ლარად ივაჭრება. პლატფორმაზე ვაჭრობა 2.7050 კურსით დაიწყო.   12 აგვისტოს ვაჭრობის შედეგად აშშ დოლარი გამყარდა და 2.7089 ლარი შეადგინა. კურსი, რომელიც დღეს მოქმედებდა, 2.7016 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში -0.73 თეთრი...


მსგავსი სიახლეები

up