ბიზნესომბუდსმენის მოვალეობის შემსრულებელი პარლამენტს ქალაქის ტურისტულ და გასართობ ცენტრებად დაყოფას სთავაზობს, სადაც აკუსტიკურ ხმაურზე ჯარიმები არ გავრცელდება

ბიზნესომბუდსმენის მოვალეობის შემსრულებელი პარლამენტს ქალაქის ტურისტულ და გასართობ ცენტრებად დაყოფას სთავაზობს, სადაც აკუსტიკურ ხმაურზე ჯარიმები არ გავრცელდება

person access_time2017-05-31 10:00:00

ბიზნესომბუდსმენის მოვალეობის შემსრულებელი ზურაბ ძნელაშვილი პარლამენტს ქალაქის ტურისტულ და გასართობ ცენტრებად დაყოფის წინადადებას სთავაზობს, სადაც აკუსტიკურ ხმაურზე ჯარიმები არ გავრცელდება. მისი კიდევ ერთი წინადადება ხმაურთან დაკავშირებით "ადმინისტრაციულ სამართალდარღვევათა კოდექსში" დაგეგმილი ცვლილებების ამოქმედების გადავადებას ეხება.

 

 

როგორც ზურაბ ძნელაშვილმა პარლამენტის იურიდიულ საკითხთა კომიტეტის სხდომაზე განაცხადა, ბიზნესი პარლამენტის მიერ კანონპროექტის მიღების წინააღმდეგი არ არის, მაგრამ მათ საკუთარი წინადადებები გააჩნიათ.

 

 

"ღია ტიპის დაწესებულებას, რომელიც არის ვერანდაზე, ტერასაზე, დახურვა ან გადაწყობა მოუწევს. რაც შეეხება დახურულ დაწესებულებებს, მათაც მოუწევთ მუსიკის დაწევა და პროფილის შეცვლა ან ყველაზე კარგ შემთხვევაში, ხმის დამხშობი მოწყობილობების გაკეთება. ეს ჯდება გარკვეული ხარჯები და სჭირდება დრო. ისინი კანონის ამოქმედების მხრივ გონივრულ ვადებს ითხოვენ", - განაცხადა ძნელაშვილმა იურიდიულ საკითხთა კომიტეტის სხდომაზე, თუმცა დეპუტატების კითხვის პასუხად ვერ დააკონკრეტა, რა ვადაა გონივრული და აღნიშნა, რომ "ეს ინდივიდუალურია".

 

 

კიდევ ერთი საკითხი, რაც პროექტის განხილვისას ზურაბ ძნელაშვილმა დასვა, იყო ის, რომ მუნიციპალურ ორგანოებს ტურისტული ზონირების შესაძლებლობა მიეცეთ - მოხდეს ქალაქის ტერიტორიის ტურისტულად აქტიურ და გასართობ ზონებად დაყოფა და იქ, სადაც აქტიურია ღამის ცხოვრება და თავმოყრილია გასართობი ცენტები, სანქცია არ გავრცელდეს.

 

 

"პირობითად, შეიძლება მაგალითად, შარდენის ან ერეკლეს ქუჩას ტურისტულად აქტიური, გასართობის ზონის სტატუსი მიენიჭოს და ამ ქუჩებზე ასეთი რეგულაცია არ გავრცედეს", - აღნიშნა ბიზნესომბუდსმენის მოვალეობის შემსრულებელმა. გარდა ამისა, მან პარლამენტს შესთავაზა, რომ სანქცია სამშენებლო სამუშაობით გამოწვეულ ხმაურზე არ გავრცელდეს.

 


 

"ადმინისტრაციულ სამართალდარღვევათა კოდექსში" დაგეგმილი ცვლილებები პირველ ჯერზე ხმაურის დასაშვები ნორმების გადამეტებისათვის ითვალისწინებს ფიზიკური და იურიდიული პირის გაფრთხილებას. სამართალდარღვევის ჩადენიდან ერთი წლის განმავლობაში სამართალდარღვევის მეორედ ჩადენა გამოიწვევს ფიზიკური პირის დაჯარიმებას 150 ლარის ოდენობით, იურიდიული პირის - 500 ლარის ოდენობით.

 

 

ხმაურის დასაშვები ნორმების გადამეტებასთან დაკავშირებული სამართალდარღვევის მესამედ და მის შემდგომ ჩადენა გამოიწვევს დაჯარიმებას ფიზიკური პირის - 300 ლარის ოდენობით, ხოლო იურიდიული პირის - 1000 ლარის ოდენობით.

 

 

პარლამენტში წარდგენილი კანონპროექტი ითვალისწინებს ადმინისტრაციულ-სამართლებრივ პასუხისმგებლობას დღის (07.00-23.00 საათამდე) და ღამის საათებში (23.00-07.00 საათამდე) ხმაურის დასაშვები ნორმების გადამეტებისათვის.

 

 

ასევე, კანონპროექტის გათვალისწინებით, 2018 წლის 1-ელ აპრილამდე ადმინისტრაციულ სამართალდარღვევათა ოქმს ადგენენ და ადმინისტრაციულ სამართალდარღვევათა საქმეს განიხილავენ შინაგან საქმეთა ორგანოები - საპატრულო პოლიცია, რომელიც განხორციელებულ სამართალდარღვევებზე შესაბამისი ხმაურმზომი ხელსაწყოებით უზრუნველყოფს პირის მიმართ შესაბამისი ადმინისტრაციულ-სამართლებრივი პასუხისმგებლობის დაკისრებას.

 

 

2018 წლის 1 აპრილიდან ეს ფუნქცია ადგილობრივი თვითმმართველობის ორგანოებს გადაეცემა.

 


სანქციების ამოქმედების თარიღი 2017 წლის 1-ელი ივლისია.

 

 

პროექტის ავტორები არიან პარლამენტის წევრები: ეკა ბესელია, ლევან გოგიჩაიშვილი, ბექა ოდიშარია, გედევან ფოფხაძე, აკაკი ზოიძე, ირაკლი ბერაია, სალომე ზურაბიშვილი.

 

 

 

 



ლევან კობერიძე არ გამორიცხავს სახელმწიფო გეგმავდეს სსიპ-ს შექმნას, რომელიც დამხმარე სამედიცინო მასალების კონსოლიდირებულად შესყიდვას დაიწყებს

 ლევან კობერიძე არ გამორიცხავს სახელმწიფო  გეგმავდეს  სსიპ-ს შექმნას, რომელიც  დამხმარე  სამედიცინო  მასალების კონსოლიდირებულად შესყიდვას დაიწყებს
access_time2019-11-21 18:00:58
„კლინიკების მოგების მაჩვენებლის გამოქვეყნება სახელმწიფოს მხრიდან შავი პიარის ნაწილია„-ასე ეხმაურება დამოუკიდებელი დეპუტატი ლევან კობერიძე იმ განცხადებას, რომელიც ჯანდაცვის სამინისტრომ გამოაქვეყნა. დოკუმენტში ნათქვამია, რომ 2018 წელს კლინიკების მოგება მილიონობით ლარს შეადგენს. ლევან კობერიძე არ გამორიცხავს, რომ  გარკვეულ ჯგუფებს, გააჩნდეს ინტერესი დიდი თანხის შესყიდვებთან  დაკავშირებით და...

27 მლნ ლარის ზარალი ერთ წელიწადში - როგორია „კარფურის“ შემოსავლები

27 მლნ ლარის ზარალი ერთ წელიწადში - როგორია „კარფურის“ შემოსავლები
access_time2019-11-21 17:00:42
ტექნიკის მაღაზიების შემდეგ მომხმარებელს შიდა განვადებას ჰიპერმარკეტების ქსელი Carrefour-იც სთავაზობს.თუმცა, ერთი განსხვავებით - ჰიპერმარკეტის განვადების პერიოდი მხოლოდ 3 თვეს მოიცავს. თანაც, მომხმარებელს პროდუქცია მხოლოდ თანხის დაფარვის შემდეგ გადაეცემა. Carrefour-ის სერვისით „ლეი-ბაი“ სარგებლობა ყველას შეუძლია, ვისაც სურს 200 ლარზე მეტი ღირებულების ნივთის შეძენა. პირველადი შენატანი 20%-დან იწყება. თუმცა შეზღუდულია სარგებლობის პერიოდი და ის მხოლოდ 90 დღით განისაზღვრება,...

ლუქსემბურგი - პირველი ქვეყანა მსოფლიოში, სადაც ტრანსპორტი უფასო გახდება

ლუქსემბურგი - პირველი ქვეყანა მსოფლიოში, სადაც ტრანსპორტი უფასო გახდება
access_time2019-11-21 20:30:48
ლუქსემბურგი მსოფლიოში პირველი ქვეყანა იქნება, სადაც საზოგადოებრივი ტრანსპორტი უფასო გახდება. ახლადარჩეული პრემიერ-მინისტრი ხავიერ ბეტელი და ლუქსემბურგის კოალიციური მთავრობა აცხადებენ, რომ ისინი მატარებლებზე ტრამვაისა და ავტობუსებზე ტარიფებს შემდეგი წლის ზაფხულიდან გააუქმებენ. სამსახურისკენ რამდენიმე საათიანი მგზავრობებისა  და ჰაერის დაბინძურების გათვალიწინებით, მთავრობა იმედოვნებს, რომ ეს ახალი ნაბიჯი საცობების სიმრავლით მსოფლიოში ცნობილ ლუქსემბურგს მეტად...

ფინანსთა მინისტრმა ივანე მაჭავარიანმა შემოსავლების სამსახურის ახალი ხელმძღვანელი ლევან კაკავა წარადგინა

ფინანსთა მინისტრმა ივანე მაჭავარიანმა შემოსავლების სამსახურის ახალი ხელმძღვანელი ლევან კაკავა წარადგინა
access_time2019-11-21 15:15:38
დღეს, ფინანსთა მინისტრმა ივანე მაჭავარიანმა ფინანსთა სამინისტროს შემოსავლების სამსახურის თანამშრომლებს ახალი ხელმძღვანელი - ლევან კაკავა წარუდგინა. მისი თქმით, უწყების ახალ ხელმძღვანელს აქვს სისტემაში მუშაობის გამოცდილება, საკმაოდ ძლიერი მენეჯერული თვისებები და არის მაღალი რანგის პროფესიონალი. „პრემიერთან გამართული კონსულტაციების შედეგად, მივიღეთ გადაწყვეტილება, რომ შემოსავლების სამსახურის ხელმძღვანელი...

სებ-ს მთავრობაც დაუპირისპირდა

სებ-ს მთავრობაც დაუპირისპირდა
access_time2019-11-21 16:00:56
ეროვნული ბანკის პრეზიდენტის, კობა გვენეტაძის თავზე საავდროდაა მოღრუბლული. კანონმდებლობით სებ-ისთვის განსაზღვრულ მთავარ ამოცანას, - ფასების სტაბილურობის უზრუნველყოფას, ანუ ინფლაციის მაჩვენებლის მართვას ისე, რომ ეს უკანასკნელი თარგეთირებულ, ანუ ნაპროგნოზებ, ანუ მიზნად დასახულ დონეს არ გასცდეს, ეროვნული ბანკი ვეღარ ახერხებს და რაც უარესია, განცდა იმისა, რომ სიტუაციას მართავს და მას უახლოეს ხანში გამოასწორებს, არ...


მსგავსი სიახლეები

up