ბიზნესომბუდსმენი მიწის მორატორიუმზე გამონაკლისების დაშვებას ითხოვს

ბიზნესომბუდსმენი მიწის მორატორიუმზე გამონაკლისების დაშვებას ითხოვს

access_time2017-07-25 19:30:18

ბიზნესომბუდსმენის მოვალეობის შემსრულებელი ზურაბ ძნელაშვილი პარლამენტს მიწის მორატორიუმზე გადაწყვეტილების გადახედვისკენ და გამონაკლისი შემთხვევების დაშვებისკენ მოუწოდებს. ზურაბ ძნელაშვილმა პარლამენტს 2017 წლის 16 ივნისს მიღებულ სასოფლო-სამეურნეო დანიშნულების მიწის საკუთრების კანონთან დაკავშირებით წერილით მიმართა.

 

კანონში შესული ცვლილებით, კონსტიტუციური კანონის ამოქმედებამდე, სასოფლო-სამეურნეო დანიშნულების მიწის, მათ შორის მემკვიდრეობით მიღებულის, საკუთრების უფლება აქვთ: უცხოელს, საზღვარგარეთ რეგისტრირებულ იურიდიულ პირს, უცხოელის მიერ საქართველოში რეგისტრირებულ იურიდიულ პირს. იმის გათვალისწინებით, რომ ცვლილებას რაიმე დათქმა არ აქვს, ან გამონაკლისი, მორატორიუმი ვრცელდება არა მხოლოდ ნორმის ძალაში შესვლის შემდეგ დარეგისტრირებულ საკუთარების უფლებაზე, არამედ მორატორიუმის შესვლის მომენტისთვის არსებულ (რეგისტირებულ) საკუთრების უფლებაზეც. შესაბამისად, შესაძლებელია, ნორმა პრაქტიკაში იმგვარად იყოს განმარტებული და გამოყენებული, რომ არა მხოლოდ შეჩერდეს სასოფლო-სამეურნეო დანიშნულების მიწაზე საკუთრების უფლების რეგისტრაციის მიზნით ცვლილების შემდეგ დაწყებული სარეგისტრაციო წარმოება, არამედ შეჩერებულად ჩაითვალოს ცვლილების ამოქმედების მომენტისთვის რეესტრში რეგისტრირებული, ძალაში მყოფი მონაცემებიც და მიწის ნაკვეთის მესაკუთრეებს საკუთრების განკარგვის (ნასყიდობა, იჯარა, იპოთეკა) შესაძლებლობა აღარ მიეცეთ. შეზღუდვა ვრცელდება უცხოელის მიერ საქართველოში რეგისტირებულ ნებისმიერ იურიდულ პირზეც, მათ შორის კომერციულ ბანკებსა და მიკროსაფინანსო ორგანიზაციებზე. შესაბამისად, ეს შეზღუდვა გავლენას ახდენს როგორც აღნიშნული ფინანსური ინსტიტუტების ნორმის ძალაში შევლამდე განხორციელებულ ქმედებებზე, ასევე მათ სამომავლო საქმიანობაზე. კერძოდ, ბაზრის შეზღუდვის გამო, კომერციულ ბანკებს მათ საკუთრებაში არსებული (შეძენილი სასოფლო-სამეურნეო მიწების გასხვისება) გაუჭირდებათ.

 

მორატორუმის ძალაში შესვლამდე, რიგი კომერციული ბანკები საჯარო რეესტში ნაყიდი სასოფლო-სამეურნეო დანიშნულების მიწის ნაკვეთების ბანკის საკუთრებად დარეგისტირებას (ეს ის შემთხვევებია, როცა თანხა გადახდილია, მაგრამ უფლება ჯერ არ არის რეგირტირებული ბანკის საკუთრებად) ვეღარ ახერხებენ იმ პირობებში, როცა მოვალის ვალდებულება ბანკის წინაშე უზრუნვეყოფის საგნის რეალიზაციის გამო უკვე შეწყვეტილია. კომერციული ბანკის სასარგებლოდ, ბანკის მიერვე იპოთეკით დატვირთული სასოფლო-სამეურნეო დანიშნულების მიწის ნაკვეთის აუქციონზე შეძენა შეუძლებელი გახდა იმ შემთხვევაში, როცა აუქციონზე მიწის ნაკვეთის შეძენის მსურველი სხვა სუბიექტი არ არსებობს და ბანკი უზრუნველყოფის საგნის დაკარგვის საშიშროების წინაშე დგას. კომერციული ბანკები სასოფლო-სამეურენეო მიწის ნაკვეთების უზრუნველყოფის საშუალებად მიღებაზე პრაქტიკულად უარს იტყვიან, რაც გავლენას მოახდენს არა მხოლოდ საბანკო სექტორზე, არამედ იმ პირებზეც, რომლებზეც მორატორიუმი არ ვრცელდება. შეფერხდება ის სახელმწიფო პროგრამებიც, რომლებიც კომერციული ბანკების მიერ კრედიტის გაცემის კომპონენტს ითვალისწინებს (მაგალითად, შეღავათიანი აგროპროექტის პროგრამა) ვინაიდან, ხშირ შემთხვევაში, საბანკო კრედიტის უზრუნველყოფის საგანს სწორედ სასოფლო-სამეურნეო დანიშნულების მიწის ნაკვეთები წარმოადგენს. 2014 წლის 31 დეკემბრამდე, სასოფლო სამეურნეო დანიშნულების მიწის საკურების შესახებ კანონით გამოცხადებული მორატორიუმი, მორატორუმის გამოცხადებამდე, რეგისტრირებული საკუთრების უფლებისა და კომერციული ბანკების მიმართ საგამონაკლისო რეგულაციებს ითვალისწინებდა. მიზანშეწონილია, სასოფლო-სამეურნეო დანიშნულების მიწის საკუთრებაზე მორატორიუმი არ გავრცელდეს შეზღუდვის ამოქმედებამდე უცხოელის, საზღვარგარეთ რეგისტირებული იურიდიული პირის და უცხოელის მიერ საქართველოში რეგირტირებული იურიდული პირის საკუთრებაში არსებულ სასოფლო-სამეურნეო დანიშნულების მიწის ნაკვეთებზე და კომორციულ ბანკებსა და მიკროსაფინანსო ორგანიზაციებზე, - წერს ბიზნესომბუდსმენის მოვალეობის შემსრულებელი.

 

 

 1tv.ge



Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს
access_time2020-04-08 12:30:14
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1656-ით დაიწყო, 12:20 საათისთვის 1 დოლარი 3.1813-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 7 მარტის ვაჭრობის შედეგად აშშ დოლარის ღირებულებამ 3.1748 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...

საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...


მსგავსი სიახლეები

up