ბიზნესომბუდსმენი აზერბაიჯანში გადამზიდავი კომპანიებისთვის საზღვრებზე პრობლემების შექმნას ადასტურებს

ბიზნესომბუდსმენი აზერბაიჯანში გადამზიდავი კომპანიებისთვის საზღვრებზე პრობლემების შექმნას ადასტურებს

person access_time2016-03-11 10:30:38

ბიზნესომბუდსმენი "კომერსანტის" დაწყებულ თემას ეხმაურება. მას ინფორმაცია არ აქვს შეექმნათ თუ არა უცხოელ გადამზიდავებს აზერბაიჯანის საზღვარზე გარკვეული პრობლემები, თუმცა, ადასტურებს, რომ ქართველ გადამზიდავებზე ეს ბარიერები გავრცელდა. როგორც ბიზნესომუდსმენ გიორგი გახარიას აპარატში „კომერსანტს" განუცხადეს, ქართველი მეწარმეების მიერ აზერბაიჯანში საქონლის შეტანისას საბაჟო პრობლემებზე გასულ პერიოდში ბიზნესომბუდსმენს ორმა კომპანიამ მიმართა. მათივე ინფორმაციით, საკითხის გადაწყვეტაზე ბიზნესომბუდსმენის აპარატი და საქართველოს შესაბამისი სახელმწიფო უწყებები ერთობლივად მუშაობენ.

 

რომელმა კომპანიებმა მიმართეს ბიზნესომბუდსმენს, ამაზე აპარატში არ საუბრობენ. მათი თქმით, ეს კომპანიები საქართველოში არიან რეგისტრირებული და აქ ეწევიან სამეწარმეო საქმიანობას.


„რაც შეეხება კომპანიების დასახელებას, ასეთი ინფორმაციის მოწოდება გამიჭირდება, ვინაიდან, კანონით აკრძალული გვაქვს ჩვენს წარმოებაში არსებული კონკრეტული საქმის გასაჯაროება"-აცხადებენ ბიზნესომბუდსმენის აპარატში.


პრობლემა „კომერსანტთან" საუბარში უკვე რამდენჯერმე წამოსწიეს გადამზიდავმა კომპანიებმა. ისინი აცხადებენ, რომ ბოლო თვეების განმავლობაში, ტვირთების გადამოწმების მოტივით, მანქანებს განსაზღვრულზე მეტი ხნით - დღეების განმავლობაში უწევთ საქართველოს ტერიტორიაზე ყოფნა.



გადამზიდავების ინფორმაციით, სატვირთო ავტომობილებს საბაჟოდან გაფორმების ეკონომიკურ ზონებში (ე.წ. გეზი) ამისამართებენ, სადაც პროცედურების გავლა ხშირად ორჯერ უწევთ.


იყო შემთხვევები, როდესაც ერთხელ უკვე გადამოწმებული ავტომობილი მძღოლს ხელმეორედ დააცლევინეს და მეორედ გაატარეს უკვე გავლილი პროცედურა.

 

რამდენიმე გადამზიდავი კომპანიის წარმომადგენლები „კომერსანტთან" საუბარში აცხადებენ, რომ საზღვარზე ტვირთების უმიზეზოდ გაჩერებამ და ე.წ. „გაწითლებამ" უკვე მასობრივი სახე მიიღო. მათი თქმით, ეს პრობლემა განსაკუთრებით გაუგებარია იმ ფონზე, როდესაც წლებია მსგავს სიტუაციებს ადგილი არ ჰქონია.

 

მათივე განცხადებით, სამწუხაროდ, ასეთი შემთხვევები ერთეული აღარ არის და ტენდენციის სახე მიიღო, რაც უჩენთ ეჭვს, რომ ბარიერები ხელოვნურად იქმნება.


გადამზიდავი კომპანიების წარმომადგენლები ამბობენ, რომ საქართველო ბოლო წლების განმავლობაში ყოველთვის გამოირჩეოდა საბაჟო პროცედურების სიმარტივით და საბაჟო სტრუქტურასთან ურთიერთობის გამჭვირვალეობით. მათი განცხადებით, მსგავს შეფერხებებს ადგილი არ ჰქონიათ წინა ხელისუფლების დროს და არც ახალი ხელისუფლების მოსვლის პირველ წლებში.პრობლემების შექმნა გასული წლიდან დაიწყო.


შემოსავლების სამსახური კი საქართველოს მხრიდან პრობლემის არსებობას უარყოფს და აცხადებს, რომ შეფერხებები საბაჟოზე აზერბაიჯანული მხარის მიზეზით ხდება.

 



საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...

ორნიშნა ეკონომიკური ზრდა ივნისშიც გაგრძელდა

ორნიშნა ეკონომიკური ზრდა ივნისშიც გაგრძელდა
access_time2021-07-30 11:20:36
ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.  მთლიანად, წლის პირველ ნახევარში ეკონომიკა 12.7%-ით გაიზარდა, საიდანაც თუ პირველ კვარტალში ეკონომიკა 4.5%-ით შემცირდა, მეორე კვარტალში რეკორდული - 29.8%-იანი ზრდა დაფიქსირდა. საქსტატის ცნობით 2021 წლის ივნისში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: დამამუშავებელი მრეწველობა, საფინანსო და სადაზღვევო საქმიანობა,...


მსგავსი სიახლეები

up