ბიზნესმენი  ვანო იოსელიანი ახალი პროექტის დასაწყებად, 5 მილიონი აშშ დოლარის საკრედიტო ხაზის მოძიებას იწყებს

ბიზნესმენი ვანო იოსელიანი ახალი პროექტის დასაწყებად, 5 მილიონი აშშ დოლარის საკრედიტო ხაზის მოძიებას იწყებს

access_time2018-11-07 09:15:56

ბიზნესმენი ვანო იოსელიანი ახალი პროექტის დასაწყებად, 5 მილიონი აშშ დოლარის საკრედიტო ხაზის მოძიებას იწყებს. როგორც კომპანია „ჩემი რანჩოს“ ხელმძღვანელმა ვანო იოსელიანმა განაცხადა, ახალი პროექტი იმაზე მეტად მასშტაბური იქნება, ვიდრე არსებული მებოცვრეობის ფერმებია.



იოსელიანი ამ ეტაპზე არ აკონკრეტებს, კონკრეტულად რა პროექტზეა საუბარი, თუმცა, აცხადებს, რომ ის აუცილებლად აგრარული მიმართულებით ბოცვრის გარდა, სხვა შინაური ხორცის წარმოებასაც არ გამორიცხავს.



აღსანიშნავია, რომ გასულ წელს იოსელიანი ასევე „კომერსანტთან“ ამბობდა, რომ სამომავლოდ, ბოცვრის ხორცის ბაზარზე სხვადასხვა სახით წარდგენას გეგმავდა. ეს იქნებოდა როგორც მთლიანი, ასევე დაჭრილი და დაფასოებული ფილეები, ბარკლები და სხვა.



ბიზნესმენი აღნიშნავს, რომ ფინანსების მოძიებას როგორც ადგილობრივი ბანკებიდან, ისე საერთაშორისო ინსტიტუტებიდან ეცდება. პროექტის ირგვლივ სხვა დამეტბით დეტალებზე ამ ეტაპზე არ საუბრობს.



მისივე ინფორმაციით, გარდაბანის რაიონის სოფელ გამარჯვებაში მეორე ფერმის მშენებლობა უკვე დაასრულა, რაშიც 1 მილიონი ლარის ინვესტიცია განახორციელა. ფერმა იტალიური ფირმის Meneghin ტექნიკით აღიჭურვა, რომელიც ამ სფეროში მსოფლიოში ცნობილი მწარმოებელია.




როგორც იოსელიანი განმარტავს, 2019 წლის თებერვლიდან წარმადობას გააორმაგებს და საქართველოს ბაზარს ორჯერ მეტ კურდღლის ხორცს მიაწვდის, რაც საშუალოდ თვეში 8-10 ტონა იქნება. წელიწადში კი დაახლოებით, 100 ტონა ბოცვრის ხორცის წარმოება იქნება შესაძლებელი.



გარდაბანში მეორე ფერმა ექსპლუატაციაში უკვე შევიდა, ამ დროისთვის Hicol-ის სელექციური ცენტრიდან ფრანგული ჯიშის ბოცვრების მოშენება მიმდინარეობს. Hicol-ის მეხორცული ჯიში საუკეთესო თვისებებით გამოირჩევა,“-აღნიშნავს იოსელიანი.



იოსელიანის განცხადებით, ბოცვრის ხორცი „ჩემი რანჩოს“ ბრენდით გასული წლიდან დიდ ქსელურ მარკეტებში იყიდება და თან საკმაოდ წარმატებით. 1 კილოგრამი ბოცვრის ხორცის ფასი 13-14 ლარის ფარგლებშია.



მისი განცხადებით, კომპანია ამ ეტაპზე ბრენდული მაღაზიების გახსნით დაინტერესებული არ არის. არ გამორიცხავს. შესაძლოა შეიქმნას სადისტრიბუციო ქსელიც. როგორც ცნობილია, ორივე ფერმა გარდაბნის რაიონის სოფელ გამარჯვებაში მდებარეობს. პროექტი ქართული ინვესტიციით ხორციელდება.



შეგახსენებთ, ვანო იოსელიანმა სოკოს ბიზნესიდან მებოცვრეობაში გასული წლის ბოლოს გადაინაცვლა. კომპლექსი მოიცავს ლაბორატორიებს და სასაკლაოს.



ავტორი: სოფო ქსოვრელი 






რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up