გიორგი კოდუა  “კომერსანტის“ საშუალებით ხელისუფლებას მიმართავს - ივანიშვილის ინტერვიუ, ჩემთვის შოკისმომგვრელი აღმოჩნდა

გიორგი კოდუა “კომერსანტის“ საშუალებით ხელისუფლებას მიმართავს - ივანიშვილის ინტერვიუ, ჩემთვის შოკისმომგვრელი აღმოჩნდა

access_time2019-04-16 13:30:37

ბიზნესმენი გიორგი კოდუა  “კომერსანტის“ საშუალებით ხელისუფლებას მიმართავს.


ბიზნესმების განცხადებას უცვლელად გთავაზობთ:


„ჩემი ცხოვრების ბოლო 30 წელი, ავიაციის ბიზნესში ვარ. ამ მიმართულებით, მსოფლიოს არაერთ ქვეყანაში მიმუშავია. ჩემი საქმიანობიდან გამომდინარე,  ვხედავდი, რომ ამ სახელმწიფოების ეკონომიკური განვითარება, პირდაპირპროპორციულად იყო დაკავშირებული, სწორედ ტრანსპორტისა და ავიაციის განვითარებასთან. ბუნებრივია, გამიჩნდა სურვილი, ეს მოდელი  და მიდგომები, საქართველოშიც გადმომეტანა ტრანსპორტის განვითარება, ქვეყნის ეკონომიკის განვითარების ლოკომოტივი გამხდარიყო, გამოგვეყენებინა ის რესურსი, რაც საქართველოს მისი გეოგრაფიული მდებარეობიდან გამომდინარე ჰქონდა. გაჩნდა კონკრეტული  პროექტებიც.


ერთ-ერთ მაგალითს მოგიყვანთ-საქართველოს გავლით, ავღანეთის მიმართულებით, ნატოს ტვირთების ტრანსპორტირებას ვახდენდით. თუმცა, როცა კონკრეტული ადამიანების ინტერესები გადავკვეთე, წინააღმდეგობამაც არ დააყოვნა. მე არასდრის დამიმალავს, რომ ამ პროექტის გამო, წინა ხელისუფლების წარმომადგენლებთან სერიოზული დაპირისპირება მქონდა, რაც ჩემსა და ,,ნაციონალურ მოძრაობას” შორის წყალგამყოფი აღმოჩნდა.


ჩემთვის მიუღებელი იყო ბიზნესის მიმართ მიდგომა, მისი შევიწროვება. ამაზე ღიად არაერთხელ მისაუბრია. ამ პროექტთან მიმართებაში ერთპიროვნულმა გადაწყვეტილებებმა, საბოლოოდ ბიზნესიც დააზიანა და ქვეყნის ინტერესიც--საქართველომ ნატოს ტვირთების გადაზიდვის პროექტი  დაკარგა. სწორედ ამგვარმა შემთხვევებმა გადამაწყვეტინა, რომ 2012 წელს, სრულიად აპოლიტიკურ ადამიანს, რომელიც მხოლოდ ბიზნესზე იყო ორიენტირებული, პოლიტიკური განცხადებები გამეკეთებინა, ასევე საარჩევნო კამპანიის მსვლელობისას ,,თავისუფალ დემოკრატებისთვის“ დამეჭირა მხარი.


იმედი მქონდა, რომ მომხდარი ცვლილებები, ახალ იდეებსა და ბიზნესის თავისუფლებას მოუტანდა. ბიძინა ივანიშვილის ხელისუფლებაში მოსვლით, მე დავინახე შანსი, რომ ის ნაკლოვანებები და შეცდომები, რაც წინა ხელისუფლებამ დაუშვა, გამოსწორდებოდა.  დავინახე ძალა, რომელიც გვპირდებოდა ბიზნესის გათავისუფლებას, მაგრამ საბოლოოდ მოჯადოვებულ წრეში აღმოვჩნდით.



 საქართველოს განვითარებას, გლობალური  და ამბიციური პროექტების განხორციელებაში ვხედავ. მოქმედი ხელისუფლების მაღალი თანამდებობის პირების მიერ, სხვადასხვა დროს გაკეთებული განცხადებები, სწორედ ჩემს ამ მოსაზრებას ემთხვეოდა. მაგალითად მოვიყვან ყოფილი პრემიერ-მინისტრის გიორგი კვირიკაშვილის განცხადებებს, რომ საქართველო რეგიონული ჰაბი უნდა გახდეს, მოქმედი პრემიერ-მინისტრის მამუკა ბახტაძის არაერთ გამოსვლას ამავე თემაზე, მინისტრ გიორგი გახარიასგზავნილებს. მთავრობის წევრების ეს გზავნილები ოპტიმიზმის საფუძველს მაძლევდა, მაგრამ განცხადებები, რომელიც ბიძინა ივანიშვილმა რამდენიმე დღის წინ სატელევიზიო ინტერვიუში გააკეთა, ჩემთვის შოკისმომგვრელი აღმოჩნდა. ფაქტობრივად მე მოვისმინე, რომ  საქართველო უნდა იყოს გუბერნია, სოფელი და აქ არ არის საჭირო დიდი პროექტების განხორციელება. სწორეს ამგვარი დამოკიდებულება დააფიქსირა მან ანაკლიის პორტის პროექტის მიმართ.


რად გვინდა შავი ზღვა, თუკი მის პოტენციალს არ გამოვიყენებთ, თუკი ჩრდილოეთის ნაკადის საქართველოს კორიდორში გადმოტანას არ შევეცდებით და ქვეყნას ფუნქციას, როლს და დანიშნულებას არ შევძენთ. ამით ხომ სარგებელს მხოლოდ ბიზნესი არ მიიღებს, ეს ქვეყნის და თითოეული მოქალაქის სარგებელი იქნება. ანაკლიის პორტი ვერ იარსებებს, როგორც ცალკე აღებული პროექტი, ის კოორდინაციაში უნდა იყოს რკინიგზასთან, ავიაციასთან და საავტომობილო ტრანსპორტთან. ეს არის ჩემთვის ის საოცნებო ჯაჭვი, რომელმაც ქვეყანა საკომუნიკაციო ცენტრად უნდა აქციოს. ქართველები სულ  ვსაუბრობთ და ვამაყობთ, რომ კარგ ადგილას ვცხოვრობთ.


რას ნიშნავს კარგი ადგილი, თუკი ის, მატერიალურ დოვლათში არ ტრანსფორმირადა, რას ვაკეთებთ ამისთვის ჩვენ და, რა თქმა უნდა, პირველ რიგში ხელისუფლება ?


სახელმწიფოს გარეშე ამის გაკეთება შეუძლებელია, ანაკლიის პორტთან დაკავშირებით ბიძინა ივანიშვილის განცხადებამ კი, მთლიანად დაანგრია ჩემი ოპტიმიზმი. ამ განცხადებით, ჩემთვის პროექტის განხორციელება ეჭვის ქვეშ დადგა. ყოფილ პრემიერ-მინისტრს, ახლა კი პარტია ,,ქართული ოცნების” თავმჯდომარეს, ხელისუფლებაზე დიდი გავლენა აქვს და თუკი ბიძინა ივანიშვილი ამბობს, რომ ანაკლიის პორტის პროექტი ბიზნესისთვის საინტერესო არ არის, ეს ჩემთვის ბევრი რამის მანიშნებელია. ესეთი შინაარსისა და განწყობი განცხადებები პარადოქსული და მიუღებელია.


თუკი ჩვენ არ გვჯერა ჩვენი ქვეყნის შესაძლებლობებისა და პოტენციალის, თუკი ქვეყნის ყველაზე გავლენიანი პირი, ასეთ სკეპტიკურ განცხადებებს აკეთებს ,, საუკუნის პროექტად” წოდებული პორტის მიმართ, როგორ დაიჯერებს პოტენციური ინვესტორი. ხელისუფლებათავად უნდა იყოს, როგორც ქართული საზოგადოების, ისე საერთაშორისო ინვესტორების მოტივატორი და დამარწმუნებელი. ამიტომაც ასეთი შინაარსის განცხადებები, სრულიად გაუგებარი და დამაზიანებელია. ასეთი პოლიტიკით, ვერც ფონს გავალთ და ვერც ქვეყანას ავაშენებთ.


პოლიტიკური სპექტრიც და ბიზნესიც, უნდა შეთანხმდეს ქვეყნის განვითარების მინიმუმ 50 წლიან გეგმაზე, რომლის საკვანძო ელემენტიც სატრანსპორტო და საკომუნიკაციო ინფრასტრუქტურის განვითარება იქნება. პორტები, რკინიგზა, ავიაცია და საავტომობილო ტრანსპორტი, ერთიან კოორდინირებულ მექანიზმად უნდა იქცეს. სწორედ ეს გადააქცევს საქართველოს მიზიდულობის ცენტრად და ჰაბად კავკასიის რეგიონში, რაზეც ასე ხშირად საუბრობდნენ ხელისუფლების წარმომადგენლები“.




სალომე ლემონჯავა 






პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“
access_time2020-07-09 17:25:58
„Momxmarebeli.ge-ზე“ გამოქვეყნებული კვლევის ფარგლებში შემოწმდა  საქართველოსა და საზღვარგარეთ წარმოებული პროდუქცია.კვლევაში აღნიშულია, რომ შემოწმდა თბილისის სხვადასხვა მაღაზიაში 41 დასახელების სასურსათო პროდუქტი და გერმანიის ლაბორატორია „ევროფინსში“ სუდანის ჯგუფის არასაკვები საღებავების შემცველობაზე შესამოწმებლად იქნა გაგზავნილი. ორგანიზაციის ინფორმაციით, . 5 ნიმუშში საღებავი „სუდან...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-09 21:30:12
დღის Top-10 საინტერესო ამბავი 1.ახალი სატარიფო გეგმა ენერგეტიკაში ინვესტიციებს გაზრდის საქართველოს მთავრობამ მცირე და საშუალო ჰიდროელექტროსადგურების განვითარებისთვის განახლებადი ენერგიის წყაროების მხარდაჭერის ახალი მექანიზმი დაამტკიცა. მხარდაჭერის სქემა მოიცავს შემდეგ კომპონენტებს:...

„სილქნეტის“ მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ

„სილქნეტის“ მობილური აბონენტები თიბისის მობაილბანკით  სარგებლობას ინტერნეტის დახარჯვის გარეშე შეძლებენ
access_time2020-07-09 14:55:15
ონლაინ მომსახურების ხელშესაწყობად, სილქნეტმა არაერთი სერვისი შესთავაზა მომხმარებელს, რომელიც მას დისტანციურად მომსახურების მიღების საშუალებას გაუმარტივებს. ამისათვის, კომპანია ვირუსის გავრცელების ადრეული ეტაპიდანვე ზრუნავს, რათა გაუფრთხილდეს მომხმარებლის ჯანმრთელობასა და უსაფრთხოებას. ონლაინ საბანკო მომსახურება პროდუქტი ყოველდღიურობისათვის აუცილებელ მომსახურებათა ჩამონათვალშია. ამ მომსახურების სერვისის შეუფერხებლად მიწოდებისაათვის, სილქნეტმა, თიბისისთან ერთად, თავის მომხმარებელს...

ძველი ქარხნების ახალი დანიშნულება - თბილისის ინდუსტრიული მემკვიდრეობა

ძველი ქარხნების ახალი დანიშნულება  - თბილისის ინდუსტრიული მემკვიდრეობა
access_time2020-07-09 19:00:25
პროექტი „თბილისის ინდუსტრიული მემკვიდრეობა“ გულისხმობს გრძელვადიან კვლევით საქმიანობას, რომლის პირველი ეტაპი, თბილისში არსებული ინდუსტრიული ნაგებობების ბაზის შექმნას მოიაზრებს. კვლევის ობიექტი შეიძლება იყოს, მაგალითად, ყოფილი რკინიგზის ჩიხი, ელექტროსადგური, რკინისა და ფოლადის მწარმოებელი საწარმო, ქიმიური წარმოება, ქარხნები და ფაბრიკები, სამრეწველო კომპლექსები. MUA-ს (Multiverse architecture) არქიტექტურულმა გუნდმა მოიპოვა დაფინანსება პროექტისთვის თბილისის ინდუსტრიული...


მსგავსი სიახლეები

up