„ბიზნესისთვის წლის ყველაზე ნეგატიური მოვლენა“ - ბიზნესმენები „ოქროს სიის“ გაუქმების შედეგებს აფასებენ

„ბიზნესისთვის წლის ყველაზე ნეგატიური მოვლენა“ - ბიზნესმენები „ოქროს სიის“ გაუქმების შედეგებს აფასებენ

access_time2019-12-11 10:50:48

კომპანიების ე.წ. „ოქროს სიის“ გაუქმების ბრძანებას საქართველოს ფინანსთა მინისტრმა  ივანე მაჭავარიანმა ხელი მიმდინარე წლის 31 მაისს მოაწერა. ბრძანების თანახმად, 217 კომპანიას იმპორტის გადასახდელების გადახდა 30-დღის ნაცვლად 5 დღეში დაეკისრა. ცვლილებიდან 5 თვეზე მეტი გავიდა, თუმცა, ბიზნესი აღნიშნული გადაწყვეტილების შედეგებს დღემდე იმკის.


„ძალიან სამწუხარო ფაქტი მოხდა, მაგრამ ბიზნესი „ოქროს სიის“ გაუქმებას შეეგუა, სხვა გზა არ იყო. თუმცა მთავარი პრობლემა რაც მაშინ ბიზნესს დაუდგა, „ქეშის“ დეფიციტის შექმნა იყო და კომპანიები იძულებულნი გახდნენ ან სხვაგვარად გადაწყობილიყვნენ ან დამატებითი საბანკო რესურსი მოეზიდათ. ფაქტობრივად, პრობლემა შექმნა იმან, რომ დამატებითი საბანკო რესურსის მოძიებამ, კომპანიებს დამატებითი პროცენტების გადახდა დააკისრათ, რაც რა თქმა უნდა ნეგატიურად აისახა როგორც არსებულ ფასზე, ასევე მთლიანად ბიზნესზე. ვთვლი, რომ ეს ბიზნესისთვის წლის განმავლობაში ყველაზე ნეგატიური მოვლენა იყო“, - განაცხადა „საქართველოს დისტრიბუტორთა ბიზნეს ასოციაციის“ თავმჯდომარემ ივა ჭყონიამ.


საქართველოს ბიზნესასოციაციის აღამსრულებელი დირექტორი ლევან ვეფხვაძეც მიიჩნევს, რომ „ოქროს სიის“ გაუქმება ბიზნესისთვის დიდი დარტყმა იყო, თუმცა, იმედოვნებს, რომ მსგავსი გაუფრთხილებლობა ფინანსთა სამინისტროს მხრიდან აღარ იქნება.


„ეფექტიანობის გაუმჯობესების კუთხით არის პოზიტივი, თუმცა, იყო გარკვეული შენიშვნები, რომელიც ძირითადად შეეხებოდა ბიზნესთან კომუნიკაციის ნაკლებობას. ბოლო პერიოდში ვითარება გამოსწორდა. „ოქროს სიის“ გაუქმება და მასთან დაკავშირებული პრობლემები ძალიან ნეგატიურად აისახა ბიზნესზე, თუმცა, იმედი გვაქვს, რომ მსგავსი რამ ასე გაუფრთხილებლად აღარ მოხდება.



ყალბი აქტივების შექმნამ ბუმერანგივით გავლენა მოახდინა იმ შეღავათებზე, რომელიც „ოქროს სიის“ კომპანიებს ჰქონდა, ეს იყო ერთ-ერთი ტრიგერი, რამაც შემდეგ კომპანიების ნაღდ ფულზე ნეგატიურად იმოქმედა. მათ მოუწიათ ბანკებიდან თანხის გამოტანა და შესაბამისად, ფინანსური ხარჯის გაზრდა. მთავარი პრობლემა ამ სიის გაუქმებაზე მეტად ის ფორმა იყო, როგორც ეს მოხდა, ანუ როდესაც შესაბამისი დაინტერესებული პირების ინფორმირება დროულად არ მოხერხდა.


ალბათ ადმინისტრაციულ ორგანოსაც აქვს ამაზე ახსნა. სავარაუდოდ, ის ადამიანები, რომლებიც არ იყვნენ კეთილსინდისიერი გადამხდელები, მათ ეს ინფორმაცია წინასწარ არ უნდა მიეღოთ. ამიტომ ყველამ გვიან გავიგეთ. ახლა ძალიან კონსტრუქციული თანამშრომლობა გვაქვს ფინანსთა სამინისტროსთან და  აქტიურად ვმუშაობთ დანაკარგების თემაზე. ახალი საგადასახადო კანონმდებლობით დანაკარგები 15%-იანი მოგების გადასახადით უნდა დაბეგროს, ამ კუთხით ელექტროსადგურებს მოუხსენით გადასახადები და იმედი გვაქვს, რომ წარმოების და საცალო გაყიდვების კუთხითაც  ეს საკითხი მოგვარდება“, - აღნიშნავს ლევან ვეფხვაძე.


შეგახსენებთ,„ოქროს სიაში“ მყოფ კომპანიებს საქონლის საქართველოს ტერიტორიაზე შემოტანისას გამარტივებული პროცედურებითა და იმპორტის გადასახდელების გადახდის განსხვავებული ვადებით სარგებლობა შეეძლოთ. კერძოდ, „ოქროს სიის“ მონაწილის კუთვნილ საქონელზე იმპორტის გადასახდელების ვადად 30 დღე იყო განსაზღვრული. „ოქროს სიის“ გაუქმების შედეგად, ყველა კომპანია დაბეგვრის ერთიანი რეჟიმით სარგებლებს და გადასახდებს, საქონლის გაშვებიდან 5 დღის ვადაში იხდის.


ნინო თამაზაშვილი





რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up