ბიზნესისთვის აუცილებელი კანონები, რომლისთვისაც პარლამენტმა 4 წლის განმავლობაში ვერ "მოიცალა"

ბიზნესისთვის აუცილებელი კანონები, რომლისთვისაც პარლამენტმა 4 წლის განმავლობაში ვერ "მოიცალა"

person access_time2016-10-11 10:30:47

უახლოეს მომავალში ქვეყანაში მეცხრე მოწვევის პარლამენტი დაიწყებს მუშაობას. მართალია, ამ დრომდე უცნობია რა შედეგით დასრულდება არჩევნები, თუმცა, ფაქტია, რომ ახალ, მეცხრე მოწვევის  პარლამენტს და განახლებულ მთავრობას იმ კანონპროექტებზე მოუწევს მუშაობა, რომლის მიღებაც „ქართული ოცნების"  პირველი მოწვევის  პარლამენტმა ვერ შეძლო.

 


„კომერსანტი" მუდმივად წერდა იმაზე, რომ მიღებულ კანონებზე მეტად მერვე მოწვევის პარლამენტმა საზოგადოებას თავი უფრო იმ კანონპროექტებით დაამახსოვრა, რომელთა დამტკიცებისადმი დიდი მოლოდინი იყო, თუმცა მათი კანონად ქცევა ვერ მოხერხდა და ისინი დეპუტატებმა დასამტკიცებლად მომდევნო მოწვევის უმაღლეს საკანონმდებლო ორგანოს დაუტოვეს.


"კომერსანტმა" მათ შორის ყველაზე მნიშვნელოვანი და რეზონანსული კანონპროექტები გაიხსენა.

 

ერთ-ერთი ყველაზე მსხვილი რეფორმა, რომელიც „ქართული ოცნების" ხელისუფლებამ წამოიწყო საპენსიო რეფორმაა. რეფორმა ძალაში 2017 წელს უნდა შევიდეს და ის ეტაპობრივად დაგროვებით პენსიაზე გადასვლას გულისხმობს. მომზადებული კანონპროექტის თანახმად, დაგროვებითი პენსია არასავალდებულო და ნებაყოფლობითია.

 

დღეს არსებული მოდელის შესაბამისად, საპენსიო რეფორმა ორი კომპონენტისგან შედგება - პირველი - შემუშავდება ინდექსაციის მექანიზმი, რომლის თანახმადაც, სოციალური პენსია ყოველწლიურად მინიმუმ ინფლაციის დონესთან ერთად მოიმატებს და მეორე - დაგროვებითი საპენსიო სისტემა. დაგროვებითი მოდელის კონცეფციის თანახმად, თანამონაწილეობის პრინციპი იქნება შემდგნაირი, კერძოდ, საპენსიო ფონდში მოქალაქე განახორციელებს 2%-იან შენატანს, ასევე დამსაქმებელი და სახელმწიფო ვალდებულები იქნებიან მას საპენსიო ანგარიშზე დამატებით 2-2% გადაურიცხონ. მთლიანი შენატანი 6% იქნება. ხელისუფლებაში ვარაუდობენ, რომ დაგროვებითი საპენსიო სისტემის ამოქმედება 2017 წლის ოქტომბრიდან მოხდება.


 

დეპოზიტების დაზღვევის სისტემის შესახებ კანონპროექტის განხილვა-დამტკიცება ვერ მოასწრო მერვე მოწვევის პარლამენტმა. კანონპროექტის საბოლოო სახე ჯერ მზად არაა. მთავრობა კანონის ამოქმედებას 2018 წლიდან გეგმავს, თუმცა საბანკო სექტორის ნაწილი ვადის 2020 წლამდე გადაწევას ითხოვს.


არსებული კანონპროექტის მიხედვით, დეპოზიტების დაზღვევის სისტემა ყველა ბანკისთვის სავალდებულო იქნება. თავდაპირველად დაზღვევა მხოლოდ ფიზიკურ პირებს შეეხება და ის იურიდიულ პირებზე არ გავრცელდება. ასევე, როგორც ცნობილია დაზღვეული იქნება დეპოზიტები 5000 ლარის ფარგლებში, როგორც ლარში ასევე დოლარში. შესაბამისი ფონდის მოცულობა თავდაპირველად 20 მილიონი ლარი იქნება, რომელსაც სრულად კომერციული ბანკები უზრუნველყოფენ.


სამშენებლო კოდექსზე მუშაობა 2014 წლის ბოლოდან მიმდინარეობს, თუმცა, ამ დრომდე მისი განხილვა პარლამენტში არ მომხდარა. კანონპროექტის ავტორი ეკონომიკის სამინისტრო და დარგის სპეციალისტები აცხადებენ, რომ არსებული კოდექსი მოძველებულია და ის დარგის გამოწვევებს ვეღარ პასუხობს. ახალი კოდექსის თანახმად, მშენებარე ობიექტს ზედამხედველობა ან სახელმწიფომ ან კერძო აკრედიტებულმა ინსპექტორმა უნდა გაუწიოს. სავალდებულო ხდება არქიტექტორებისა და ინჟინრების სერტიფიცირებაც. შემოდის საჯარო სივრცეებთან მიჯნის ზონის ცნებაც.

 

ასევე აღსანიშნავია, რომ სამშენებლო-დეველოპერული კომპანიები შეჩერებული მშენებლობების განახლებისთვის მთავრობისგან საგადასახადო შეღავათებს ამ  დრომდე უშედეგოდ ელოდებიან. მენაშენეთა ასოციაციის თავმჯდომარე ირაკლი როსტომაშვილი, „კომერსანტთან" საუბრისას აცხადებს, რომ  აღნიშნულ საკითხზე  მერია და შემოსავლების სამსახური მუშაობდა, მექანიზმიც შემუშავებული იყო. თუმცა როსტომაშვილი ამბობს, რომ ეს პროცესი დროში გახანგძლივდა.

 

2015 წლის თებერვალში მთავრობამ ირაკლი ღარიბაშვილის ხელმძღვანელობით მთავრობის სხდომაზე განაცხადა, რომ სამშენებლო ობიექტები, რომელთა მშენებლობა 2008 წლის აგვისტომდე დაიწყო და არ დასრულებულა, სახელმწიფოს წინაშე ვალდებულებებისგან გათავისუფლდებიან. მაშინ ირაკლი ღარიბაშვილმა თქვა, რომ სამშენებლო კომპანიების მიერ სახელმწიფოს მიმართ დაგროვილი ვალდებულებები კომპანიებს დღემდე მძიმე ტვირთად აწვება, რაც აღნიშნული დარგის განვითარებას აფერხებს.

 

მოგვიანებით თბილისის მერმა დავით ნარმანია განაცხადა, რომ თბილისის მთავრობა მზად არის კოეფიციენტის მოსაკრებლისგან გაათავისუფლოს და მშენებლობის ნებართვების ვადა გაუგრძელოს 2008 წლის აგვისტომდე დაწყებულ მშენებლობებს.

 

პარლამენტმა შესაბამისი ცვლილებები საგადასახდო კოდექსშიც დაამტკიცა. მაშინ ფინანსთა მინისტრი მოადგილე ლაშა ხუციშვილმა განაცხადა, რომ პარლამენტის მიერ დამტკიცებული პროექტის თანახმად, დღგ-სგან ჩათვლის უფლებით თავისუფლდება 2015 წლის 1-ელი იანვრიდან 2018 წლის 1-ელ იანვრამდე განხორციელებული უძრავი ქონების მიწოდება და ასევე სამშენებლო-სამონტაჟო მომსახურება. აღნიშნული შეღავათი კი იმ ობიექტებს შეეხება, რომელზეც მშენებლობის ნებართვა 2008 წლის 8 აგვისტომდეა გაცემული. მენაშენეთა ასოციაციის თავმჯდომარე ამბობს, რომ ამ საკითხს დაყენებიდან დღემდე თითქმის ორი წელი გავიდა, თუმცა საქმე წინ არ წასულა. როსტომაშვილი მიიჩნევს, რომ ამ თემას პოლიტიკური გადაწყვეტილება სჭირდებოდა

 

გაჭიანურებულ კანონპროექტებს შორის არის კანონი „სასოფლო-სამეურნეო მიწის დანიშნულების" შესახებაც, რომელიც არარეზიდენტ პირებზე მიწის მიყიდვის წესებს არეგულირებს.

 

უცხოელებზე მიწის მიყიდვის დარეგულირება „ქართული ოცნების" ხელისუფლებამ უცხოელებსა და უცხოურ ფირმებზე მიწის გასხვისებაზე მორატორიუმით დაიწყო. მიწის გასხვისების აკრძალვა 2014 წლის 31 დეკემბრამდე მოქმედებდა. ვადის ამოწურვამდე კი მთავრობამ დაამტკიცა იუსტიციის სამინისტროს მიერ შემუშავებული კანონპროექტი „სასოფლო-სამეურნეო დანიშნულების მიწის საკუთრების შესახებ" კანონში ცვლილებების შესახებ. კანოპროექტი მინისტრთა კაბინეტმა 2014 წლის სექტემბერში მიიღო, თუმცა, პროექტს კანონის ძალა ამ დრომდე არ მიუღია. მოხსნილია მხოლოდ მორატორიუმი.


 

საქმე ისაა, რომ პროექტს მოწინააღმდეგეები გამოუჩნდნენ, მათ შორის იყვნენ არასამთავრობო ორგანიზაციები და ბიზნესომბუდსმენის აპარატი პარლამენტის კომიტეტებმა კანონპროექტი პირველი მოსმენით 2015 წლისთებერვალში განიხილეს, თუმცა, შემდგომ განხილვები აღარ ჩატარებულა. ეს კიდევ ერთი შემთხვევაა, როდესაც ხელისუფლებამ წინასწარი ანალიზის გარეშე დაიწყო რეგულაციებზე მუშაობა, შემდგომ კი, ოპონენტების მოსაზრების გათვალისწინებით, შეაჩერა ეს პროცესი.

 

მთავრობის მიერ წარდგენილი პროექტის თანახმად, საქართველოში სასოფლო-სამეურნეო დანიშნულების მიწას ვეღარ შეისყიდის უცხოეთში დაფუძნებული კომპანია ან სხვა იურიდიული პირი. მიწის გასხვისება უცხოელ ფიზიკურ პირზე ან უცხოურ კომპანიაზე, თუნდაც, ის საქართველოში იყოს დაფუძნებული, ვერ მოხდება საქართველოს საზღვრის მიმდებარე 5-კილომეტრიან ზოლში და მთავრობის მიერ დადგენილ შესაბამის სასაზღვრო ზონაში. სამაგიეროდ, უცხოელს რომელიც მემკვიდრეობით მიიღებს სასოფლო-სამეურნეო მიწას,შეეძლებაგახდეს ამ მიწის მესაკუთრე.

 

ფიზიკურ პირებს, უცხოელებს და იმ კომპანიებს, რომლებიც დაფუძნდებიან საქართველოში საქართველოს კანონმდებლობით დადგენილი წესით, შეეძლებათ სასოფლო-სამეურნეო მიწის მესაკუთრეები გახდნენ მხოლოდ შემდეგი წესების დაცვით: თუკი მათ ექნებათ საქართველოს ტერიტორიაზე აგრარულ სექტორში მუშაობის 5-წლიანი გამოცდილება, ხოლო ფიზიკური პირისშემთხვევაში, მას პარალელურად უნდა ჰქონდეს საქართველოში მუდმივი ბინადრობის ან საინვესტიციო ბინადრობის უფლება.

 

 

 

ერთ-ერთი ინიციატივა, რომლის მიღებაც წინა მოწვევის პარლამენტის პირობებში ვეღარ მოესწრო, ონლაინ სესხების კომპანიების რეგულირებას უკავშირდება. ონლაინ სესხების შეზღუდვის საჭიროებაზე ეკონომიკის მინისტრმა დიმიტრი ქუმსიშვილმა 2016 წლის მარტში ისაუბრა. მაშინ მინისტრი აცხადებდა, რომ ონლაინ სესხების მიმართულებით რეგულირება უნდა არსებობდეს. მისი ინფორმაციით, ეროვნული ბანკი აქტიურად მუშაობს ამ მიმართულებით.




"ალბათ, უახლოეს მომავალში ჩვენ ვნახავთ ამ რეგულაციებს. თუ ჩვენ ვსაუბრობთ სესხებზე, ეს არის ერთმნიშვნელოვნად ეროვნული ბანკის პრეროგატივა და ეროვნულმა ბანკმა უნდა გააკეთოს ეს. ჩემი მონაცემებით, მათი ხედვა ემთხვევა ჩემს ხედვას", - განაცხადა დიმიტრი ქუმსიშვილმა. მიუხედავად ამ პათოსისა, რეგულაციების მიღება დღემდე ვერ მოხერხდა.

 


კიდევ ერთი კანონი, რომლის მიღებაც მერვე მოწვევის პარლამენტის პირობებში ვერ მოხერხდა, თამბაქოს ინდუსტრიისთვის ახალ რეგულაციებს ეხება. ახალი რეგულირების შესახებ ამ დროისთვის მხოლოდ კანონპროექტი არსებობს, რომელიც საკანონმდებლო ორგანოში პარლამენტის წევრმა გუგული მაღრაძემ შეიტანა, თუმცა მისი განხილვა გადაიდო.



კანონპროექტისადმი პარლამენტში ერთგვაროვანი მიდგომა არ არსებობდა, რამდენადაც დეპუტატების ნაწილი მიიჩნევდა, რომ ასეთი დოკუმენტის მიღება ნაჩქარევად არ შეიძლებოდა.

 

 



 

გაჭიანურებული კანონპროექტების ნუსხაში ხვდება ანტიდემპინგური კანონიც. კანონის შემოღებასთან დაკავშირებით ინფორმაცია 2014 წლის იანვარში ეკონომიკის მაშინდელმა მინისტრმა გიორგი კვირიკაშვილმა გააჟღერა. კვირიკაშვილის თქმით, კანონის შემოღების მიზანი ადგილობრივი წარმოების არასამართლიანი კონკურენციისგან დაცვაა.მაშინ კვირიკაშვილი აცხადებდა, რომ კანონმდებლობა ყველასთვის მოსაწონი ვერ იქნებოდა და შეიძლება იმპორტიორისთვის მიუღებელი, ხოლო ადგილობრივი მწარმოებლისთვის მოსაწონი ყოფილიყო.



ყოფილი მინისტრისა და ამჟამად პრემიერის პროგნოზმა გაამართლა - ანტიდემპინგურ კანონპროექტს ბიზნესის ნაწილი მართლაც უარყოფითად შეხვდა და ეს კონკურენციის შეზღუდვად აღიქვა.

 



ანტიდემპინგური კანონპროექტი უკვე დიდი ხანია პარლამენტიდან მთავრობამ გამოითხოვა. როგორც პარლამენტარი თემურ მაისურაძე „კომერსანტთან" მიმდინარე წლის მაისში აცხადებდა, კანონპროექტში დასამატებელი იყო იმ დოკუმენტების სია, რომელიც საჭიროა დემპინგური ფასების ბრალდებით კონკრეტული კომპანიის წინააღმდეგ საჩივრის შესატანად. თუმცა, ამ დრომდე მთავრობას კანონპროექტი საკანონმდებლო ორგანოსთვის არ დაუბრუნებია.

 


პარლამენტარი მაშინ ფიქრობდა, რომ კანონპროექტის გაჭიანურების ერთ-ერთი მიზეზი შეიძლება ყოფილიყო ის, რომ „ვიღაცას ამის მიღება არ სურს".



ბიზნესმა დამატებით რეგულაციად აღიქვა "მომხმარებლის უფლებების დაცვის შესახებ"კანონპროექტიც, რომლის ინიციატორი პარლამენტის ევროპასთან ინტეგრაციის კომიტეტია. კანონპროექტის განხილვები პარლამენტში მიმდინარეობდა, თუმცა მისი დამტკიცება ამ დრომდე არ მომხდარა. კანონპროექტს ბიზნესის შენიშვნები ახლავს. ბიზნეს ასოციაციის განმარტებით, აღნიშნული კანონი ბევრი კომპანიის დახურვასა და გაკოტრებას გამოიწვევს. კანონპროექტზე მუშაობა 2013 წლიდან მიმდინარეობს. კანონი 2014 წელს უნდა ამოქმედებულიყო.


 

2017 წლის 31 დეკემბრამდეა გადადებული სავალდებულო ტექდათვალიერების შემოღება და მარჯვენასაჭიანი ავტომობილების რეგისტრაციის აკრძალვაბოლოს ავტოტექდათვალიერების შემოღების გადადების გადაწყვეტილება 2015 წელს მიიღეს. საქართველოს მთავრობამ პარლამენტს ცვლილების გადადების ინიციატივით 2015 წლის თებერვალში მიმართა. შედეგად, ტექდათვალიერება 2017 წლის 31 დეკემბრიდან უნდა ამოქმედდეს. ევროდირექტივებით კი სავალდებულო ტექნიკური დათვალიერების ამოქმედების ვადა საქართველოს 2019 წლამდე აქვს.

 


ხელისუფლებამ მარჯვენასაჭიანი ავტომობილების რეგისტრაციის აკრძალვის ვადის გადატანის გადაწყვეტილებაც მიიღო. მიუხედავად იმისა, რომ მთავრობამ გასულ წელს ამ საკითხზე მიიღო გადაწყვეტილება და მსგავსი ავტომობილების რეგისტრაციის აკრძალვა მიმდინარე წლის მარტიდან უნდა მომხდარიყო, ვადამ 2017 მომდევნო წლის 1 იანვრამდე გადაიწია.


ავტოდილერები კანონპროექტის ამოქმედებას ეწინააღმდეგებოდნენ და აცხადებდნენ, რომ ამ რეგულაციის ამოქმედებით უამრავი კომპანია გაკოტრდება.


 

აზარტული თამაშების შეზღუდვის თემა, ბოლო მოწვევის პარლამენტში არაერთხელ იდგა დღის წესრიგში. ამ მიზნით სპეციალური საპარლამენტო კომისიაც შეიქმნა, რომელსაც საკითხზე ბაზრის მოთამაშეებთან ერთად უნდა ემუშავა, თუმცა საბოლოო ჯამში გადაწყვეტილება  არ მიიღეს და კომისიის მუშაობამ ფორმალური სახე მიიღო.



მმართველი გუნდი აზარტული თამაშების ხელმისაწვდმობის შეზღუდვის თემაზე მიმდინარე წლის სექტემბერშიც ალაპარაკდა. ექსპრემიერმა ბიძინა ივანიშვილმა რეგიონულ მედიასთან შეხვედრაზე განაცხადა, რომ ეთანხმება აზარტულ თამაშებზე არასრულწლოვნებისთვის მკაცრი შეზღუდვების დაწესებას.



 



24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-24 21:30:36
დღის Top 10 საინტერესო ამბავი:   1. კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა „კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და...

ლარი იმ კრიტიკულ ნიშნულს უკვე გადასცდა, რის შემდეგაც, პროდუქციის გაძვირება იწყება

ლარი იმ კრიტიკულ ნიშნულს უკვე გადასცდა, რის შემდეგაც, პროდუქციის გაძვირება იწყება
access_time2020-09-24 17:15:01
ლარის გაუფასურების გამო, იმპორტირებული პროდუქციის ფასის ზრდა გარდაუვალია - ამის შესახებ „ბიზნესპრესნიუსს“იმპორტიორთა კავშირის ხელმძღვანელმა, ივა ჭყონიამ განუცხადა. მისივე თქმით, გაძვირების პროცესი უკვე ოქტომბრიდან დაიწყება.   Bloomberg-ის სავაჭრო პლატფორმაზე 16:03 საათისთვის ერთი დოლარი 3.3200 ლარად ივაჭრება, აღმავალი ტრენდი ბოლო ერთი კვირის განმავლობაში, შეუქცევადია და ლარი, ახალ-ახალ უარყოფით რეკორდულ ნიშნულებს აღწევს.   დისტრიბუტორთა ასოციაციის...

Forbes: რატომ ჩავარდა ბელორუსული სოციალისტური ექსპერიმენტი?

Forbes: რატომ ჩავარდა ბელორუსული სოციალისტური ექსპერიმენტი?
access_time2020-09-24 20:45:59
მასობრივმა საპროტესტო ტალღამ ბელორუსიაში ცხადყო, რომ ლუკაშენკომ თანამემამულეთა უმრავლესობის ნდობა საბოლოოდ დაკარგა, თუმცა, ამავე დროს პოსტ-საბჭოთა სივრცეზე ის თავის პოპულარობას მაინც ინარჩუნებს.  მისი მმართველობა შენარჩუნებულ საწარმოებთან, სოციალურ გარანტიებთან, აყვავებულ სოფლის მეურნეობასთან და გაწკრიალებულ ქალაქებთან ასოცირება.   თუმცა, დეტალური შესწავლის შემთხვევაში ნათელი ხდება, რომ ლუკაშენკოს მიერ აშენებული სისტემა შედარებით მაღალ სოციალურ ...

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება
access_time2020-09-24 14:00:38
აჭარის რეგიონში ხვალიდან, რესტორნები 22:00 საათამდე იმუშავებს, ამაზე დაწესდება შეზღუდვა და ასევე საზოგადოებრივი ტრანსპორტი მთლიანად გაჩერდება, გარკვეული დროით, - ამის შესახებ მთავრობის ადმინისტრაციის უფროსმა ნათია მეზვრიშვილმა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა. მისივე თქმით, აჭარის რეგიონში დღეს არსებული ეპიდვითარებიდან გამომდინარე საჭირო გახდა გარკვეული შეზღუდვების დაწესების აუცილებლობა. „ვსაუბრობდით...


მსგავსი სიახლეები

up