ბიზნესის სოციალური პასუხისმგებლობის მაგალითი – Starbucks-ი გაუყიდავ საკვებს გაჭირვებულ ადამიანებს გადასცემს

ბიზნესის სოციალური პასუხისმგებლობის მაგალითი – Starbucks-ი გაუყიდავ საკვებს გაჭირვებულ ადამიანებს გადასცემს

person access_time2016-03-23 19:00:49

Starbucks-ს სურს, რესტორნებში დარჩენილი საკვები გაჭირვებულ ადამიანებს გადაეცეს. კომპანიის განცხადებით, არასამთავრობო ორგანიზაცია Feeding America-სთან თანამშრომლობის საფუძველზე 7,000 ამერიკული რესტორნიდან დარჩენილი საკვები მშიერ ადამიანებს მოხმარდებათ. 


Starbucks-ი არ არის პირველი კომპანია, რომელიც დარჩენილი საკვების დონაციას აკეთებს - აღნიშნული საქველმოქმედო საქმიანობით ისეთი ბრენდები არიან დაკავებულები, როგორებიცაა Chipotle, Cheesecake Factory, Yum! KFC, Taco Bell, Darden's და Olive Garden-ი. თავად Starbucks-ი Food Donation Connection-ში (საკვების დონაციის კავშირი) 2010 წლიდან არის ჩართული. „გასულ პერიოდში Starbucks-ის მიერ საკვების დონაცია უწყვეტ რეჟიმში არ მიმდინარეობდა,“ – აღნიშნა კომპანიის წარმომადგენელმა, ერინ შეფერმა. 

 

ამერიკის სოფლის მეურნეობის დეპარტამენტის შეფასებით ქვეყანაში საკვების 30-40% ნაგავში იყრება. ამის პარალელურად, ამერიკაში საკმაოდ დიდი რაოდენობის მოსახლეობას საკვებზე წვდომა არ აქვს. სოფლის მეურნეობის დეპარტამენტის მიხედვით, 2014 წელს ყოველ მეშვიდე ამერიკელს საკვების მოპოვების პრობლემა ჰქონდა. „ყოველთვის ვცდილობ, თანამედროვე სოციალურ პრობლემებში კარგად გავერკვე. ამერიკაში ერთ-ერთი პრობლემა კი ის არის, რომ მოსახლეობის საკმაოდ დიდ რაოდენობას საკვებზე წვდომა არ აქვს,“ – განაცხადა Starbucks-ის გენერალურმა დირექტორმა, ჰოვარდ შულცმა. Starbucks-ი 2016 წლის ბოლომდე 5 მილიონის ღირებულების საკვების - სალათების, სენდვიჩებისა და პანინების დონაციას გეგმავს. აღსანიშნავია, რომ კომპანიამ ჩაატარა კვლევა (რაშიც ინვესტიციაც ჩადო), თუ როგორ შეიძლება მშიერი ადამიანებისათვის საკვების მაქსიმალურად უსაფრთხოდ მიწოდება ისე, რომ ტრასპორტირებისას არ გაფუჭდეს.

 

მიმდინარე წლის 5 თებერვლიდან საფრანგეთში სუპერმარკეტებს საკვების გადაყრა კანონმდებლობით აეკრძალათ. საფრანგეთი მსოფლიოში პირველი ქვეყანა გახდა, სადაც მსგავსი კანონი ამოქმედდა.



კანონის თანახმად, მაღაზიები ვალდებულნი გახდნენ, საქველმოქმედო ორგანიზაციებს გადასცენ პროდუქტები, რომლებსაც ვარგისიანობის ვადა ეწურებათ. 


სენატის მიერ დამტკიცებული დოკუმენტი ითვალისწინებს იმ სუპერმარკეტების დაჯარიმებას, რომლებიც საკვებს გაანადგურებენ, თუმცა რაში გამოიხატება სასჯელი, არ კონკრეტდება.

 

ერთერთი ფრანგი პარლამენტარის განცხადებით, ახალი კანონის შედეგად საკვების მიღებას  10 მილიონი ადამიანი შეძლებს.

 

გაეროს სურსათისა და სოფლის მეურნეობის ორგანიზაციის განცხადებით, 2015 წელს მსოფლიოში დაახლოებით 790 მილიონი ადამიანი შიმშილობდა. მოხსენებაში საუბარია, რომ მოშიმშილე ადამიანების რაოდენობა მცირდება მიუხედავად სტიქიური უბედურებებისა, შეიარაღებული კონფლიქტებისა და საერთო პოლიტიკური არასტაბილურობისა. 25  წლის წინ ეს რიცხვი მილიარდს აჭარბებდა.

 



ევროპის უმსხვილესი ბანკი მოგების 65%-იან ვარდნას ვარაუდობს

ევროპის უმსხვილესი ბანკი მოგების 65%-იან ვარდნას ვარაუდობს
access_time2020-08-04 18:15:55
HSBC (ჰონგ-კონგისა და შანხაის საბანკო კორპორაცია) სამუშაო ადგილების შემცირების დაჩქარებას გეგმავს. ბანკის განცხადებით, კორონავირუსთან დაკავშირებული უმოქმედო სესხების რაოდენობამ შესაძლოა $13 მილიარდს მიაღწიოს. HSBC-ს ხელმძღვანელის ნოელ ქუინის განცხადებით ეს „აჩქარებს“ ადრეული რესტრუქტურიზაციის გეგმას, რომელიც 35 000 სამუშაო ადგილს მოიცავდა. ქუინის თქმით, ბიზნესის გასაძლიერებლად, ბანკი ასევე „დამატებით აქტივობებს“ გამოიკვლევს. BBC-ის ინფორმაციით, ევროპის უმსხვილესი...

ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მოსკოვი კვიპროსის ოფშორებს რუსული ბიზნესისთვის ხურავს

მოსკოვი კვიპროსის ოფშორებს რუსული ბიზნესისთვის ხურავს
access_time2020-08-04 19:30:06
...

დღის Top 10 საინტერესო ამბავი

დღის Top 10 საინტერესო ამბავი
access_time2020-08-04 21:00:02
დღის Top 10 საინტერესო ამბავი: 1.Doctor Goods, Group Inn, KTW, ყვარლის ედემი - Bellingcat კორონავირუსთან დაკავშირებულ საჯარო ტენდერებში კორუფციაზე წერს საერთაშორისო საგამოძიებო გამოცემა Bellingcat საქართველოში კორონავირუსთან დაკავშირებულ საჯარო ტენდერებში კორუფციაზე წერს. Bellingcat-ის ცნობით, პანდემიის პერიოდში, საგანგებო მდგომარეობის გამოცხადების შემდეგ...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...


მსგავსი სიახლეები

up