ქონების ეროვნული სააგენტო „კომერსანტს“ პასუხობს. საუბარია, ანანოვების სასახლის პრივატიზებაზე, რომელიც ახალი წლის პერიოდში გასხვისდა. სააგენტოს განმარტებას „კომერსანტი“ უცვლელად გთავაზობთ:

„ინტენსიურად აგრძელებს იმ სახელმწიფო ობიექტების პრივატიზებას, რომელიც აქამდე ეკონომიკურად არაქტიური იყო. აღსანიშნავია, რომ ამ პროცესში საკმაოდ მაღალია ბიზნესის მხრიდან გამოჩენილი ინტერესი, რაზეც მიუთითებს საჯარო და ელექტრონულ აუქციონებზე გამოტანილი ობიექტების სწრაფ ტემპებში პრივატიზება.

ბიზნესის მხრიდან ინტერესსა და ნდობაზე მეტყველებს ის ფაქტიც, რომ მათი აქტივობა არ შენელებულა არც საახალწლო პერიოდში, რომელიც როგორც წესი, შედარებით ნაკლები საქმიანი ტემპებით ხასიათდება.

უნდა ითქვას, რომ საახალწლო პერიოდში, დღეის მონაცემებით, პრივატიზებულია 64 ქონება, საიდანაც ჯამში ბიუჯეტში შევიდა 10 920 700 ლარი. მათ შორის ისეთი ობიექტი, როგორიცაა ანანოვების ისტორიული სასახლე. აღნიშნული ობიექტი 2017 წლიდან განთავსებული იყო პროექტის „50 ქონება შენი სასტუმროსთვის“ კატალოგში, რომელიც ქონების ეროვნული სააგენტოს საიტზე 2016 წლიდან არის გამოქვეყნებული. ამასთან, ანანოვების სასახლე იყო ძირითადი შეთავაზება 2018 წელს გამართულ უძრავი ქონების გამოფენა „არეა ექსპოზე“.

პრივატიზების შედეგად ანანოვების სასახლე კვლავ შეიძენს აქტიურ ფუნქციას, ხელს შეუწყობს რეგიონის ეკონომიკურ გამოცოცხლებას და გახდება მნიშვნელოვანი ტურისტული ლოკაცია.
სასახლეში ინვესტორი, კომპანია „ინვესტ ჯგუფი“ იღებს ვალდებულებას არა ნაკლებ 48 თვის განმავლობაში მოაწყოს ტურისტული ცენტი, რისთვისაც ჯამში 4 მილიონი ლარის ინვესტირებას განახორციელებს და 20 ადამიანს დაასაქმებს. ტერიტორიაზე ასევე განთავსება მუზეუმი და სხვადასხვა ტურისტული ობიექტები. გარდა ამისა, ინვესტორი იღებს ვალდებულებას ტერიტორიაზე მოაწყობს რეკრეაციული სივრცე, სავალი ბილიკები, გამწვანება, ბუნებრივ ან/და ხელოვნულ საფარიანი სპორტი მოედნები და სხვა. ამასთან, აღსანიშნავია, რომ ინვესტორთან გაფორმდება კულტურული მემკვიდრეობის ძეგლის მოვლა-პატრონობის შესახებ შესაბამისი ხელშეკრულება.

ანანოვების სასახლეზე ელექტრონული აქუციონი 31 დეკემბერს გამოცხადდა სტანდარტული ვადით და 13 იანვარს დასრულდა. ინფორმაცია ყველა დაინტერესებულ პირს წერილობით დაეგზავნა. გარდა ამისა, ინფორმაცია გამოქვეყნებული იყო სააგენტოს ოპიციალურ ვებ. გვერდზე - nasp.gov.ge. , ასევე ფინანსთა სამინისტროს მომსახურების სააგენტოს ოფიციალურ ვებ. გვერდზე - eauction.ge.“-ნათქვამია ქონების ეროვნული სააგენტოს მიერ „კომერსანტისგან“ გამოგზავნილ წერილში.