ბიზნესის მხარდაჭერა თუ სახელმწიფოსთან დაახლოებული ბიზნესმენების წახალისების პროგრამა - საკრედიტო-საგარანტიო სქემის ფარგლებში 79.5 მლნ. ლარი გაიცა

ბიზნესის მხარდაჭერა თუ სახელმწიფოსთან დაახლოებული ბიზნესმენების წახალისების პროგრამა - საკრედიტო-საგარანტიო სქემის ფარგლებში 79.5 მლნ. ლარი გაიცა

access_time2020-11-19 11:00:57

საკრედიტო-საგარანტიო მექანიზმი - პროექტი, რომელიც მთავრობამ ეკონომიკის სტიმულირებისთვის დაამტკიცა. მისი მეშვეობით ბიზნესმა მთავრობის მიერ გარანტირებული სესხები უნდა აიღოს, ბიუჯეტის თანახმად, გასაცემი გარანტიის ოდენობა 330 მილიონი ლარია, რომლითაც 2.2 მილიონი ლარის სესხების გარანტირება უნდა მომხდარიყო. პროგრამა კერძო სექტორისთვის როგორც ახალი სესხების გაცემას, ასევე, არსებული ვალდებულებების რესტრუქტურიზაციასაც ითვალისწინებს.


„კომერსანტის“ მიერ „აწარმოე საქართველოდან“ მიღებული სტატისტიკური მონაცემების თანახმად, 18 ნოემბრის მდგომარეობით, პროგრამის ფარგლებში 96 ახალი, ხოლო 13 რესტრუქტურიზებული სესხი იყო დამტკიცებული. ამ სესხების საერთო მოცულობა მთავრობის მიერ დაანონსებულ 2.2 მილიარდ ლართან შედარებით ბევრად ნაკლებია და 79,5 მლნ ლარს შეადგენს. შექმნილმა სამუშაო ადგილებმა კი 2377 შეადგინა.




პანდემიის პირობებში ეკონომიკის სამინისტროს მიერ, ბიზნესის მხარდასაჭერად დაანონსებული სქემა ბევრ კითხვის ნიშანს აჩენს. იუსტიციის უმაღლესი საბჭოს ყოფილი წევრი ანა დოლიძე პროგრამის „აწარმოე საქართველოში“-ს მიერ სავარაუდოდ არამიზნობრივად გაცემულ სახელმწიფო თანხებზე საუბრობს. მისი თქმით, იმის მაგალითი თუ როგორ ახერხებენ გარკვეული ჯგუფები გამდიდრებას არის პროგრამის „აწარმოე საქართველოში“ მიერ „საკრედიტო საგარანტიო სქემის“ ფარგლებში მხარდაჭერილი ბენეფიციარები. ანა დოლიძის განცხადებით, ჩნდებოდა ეჭვი, რომ პროგრამა „აწარმოე საქართველოში“ კორუფციისა და სახელმწიფოსთან დაახლოებული ბიზნესების წახალისების კერას წარმოადგენს.



„იკვეთება 3 კონკრეტული ჯგუფი, რომლებიც ახერხებენ დაფინანსების მიღებას – ესენია: ბიზნესგაერთიანება, რომელიც საერთოდ არ წარმოადგენს მცირე და საშუალო ბიზნესს, მეორე – „ქართული ოცნების“ შემომწირველები და მესამე – ახლად დაარსებული კომპანიები, რომლებსაც არანაირი ბიზნესსაქმიანობის გამოცდილება არ აქვთ. პირველ ჯგუფს წარმოადგენს ბიზნესმენ სოსო და ლევან ფხაკაძეების მიერ ივლისში დარეგისტრირებული კომპანია შპს. „კიოსკ ჯორჯია“, რომელმაც მიიღო საბანკო სესხთან დაკავშირებული გარანტია – 1 575 000 ლარის ოდენობით. ფხაკაძეების ოჯახი არაერთ ბიზნესს ფლობს საქართველოში და მათი კომპანიები მსხვილი გადამხდელები არიან. შესაბამისად, ვერ წარმოადგენენ იმ წვრილ და საშუალო ბიზნესს, რომელსაც კანონით ამ პროგრამის მხარდაჭერა სჭირდებოდა. მეორე ჯგუფს მიეკუთვნებიან „ქართული ოცნების“ შემომწირველები. მაგალითად, შპს „კლინიკა ლჯ“, სარგებლობს 283,500,00 ლარის საკრედიტო საგარანტიო პროგრამით. მისმა დამფუძნებლებმა მირიან ჭეიშვილმა, შალვა ჯიქიამ და ზაზა ლომინაძემ ჯამში „ქართულ ოცნებას“ 140 875 ლარი შესწირეს. შპს „ევროდრიპს“ 299,250.00 ლარის ოდენობით საკრედიტო გარანტია აქვს მიღებული. მის ერთ-ერთ დამფუძნებელს, დავით კაპანაძეს მმართველი გუნდისთვის შეწირული აქვს 40 ათასი ლარი. რაც შეეხება, შპს „ფუდ ალიანსს“, მის სადეპოზიტო ანგარიშზე დარიცხული თანხის ოდენობა შეადგენს – 252,000.00 ლარს. მის ერთ-ერთი მეწილეს ლევან ხუროძეს „ქართული ოცნებისთვის“ შეწირული აქვს 10 000 ლარი. საკრედიტო საგარანტიო პროგრამით სარგებლობენ ისეთი კომპანიებიც, რომლებსაც არანაირი ბიზნეს გამოცდილება არ აქვთ და კორონავირუსის პერიოდში დაფუძნდნენ, მაგალითად შპს „სმარტერ“ და შპს „გარანტი“, – აღნიშნა ანა დოლიძემ.


თავისუფლებისა და დემოკრატიის ფონდის დირექტორი ანა გოგოლაძეც ეთანხმება ანა დოლიძის მოსაზრებას და „კომერსანტთან“ საუბრისას ამბობს, რომ ზოგადად პროგრამის „აწარმოე საქართველოში“-ს მიერ მთავრობასთან დაკავშირებული ბიზნესების ფინანსური მხარდაჭერა ხშირად ხორციელდება.


„პროგრამამ „აწარმოე საქართველოში“ წელს ყველაზე დიდი რაოდენობით თანადაფინანსება უნდა გასცეს. ჩვენთვის ცნობილია არა ერთი სახელმწიფო პირი, მაგალითად მოქმედი დეპუტატი გოჩა ენუქიძე, რომელმაც რამდენჯერმე ისარგებლა მათი გრანტით და ის არ იყო ერთადერთი, ვინც მთავრობასთან დაახლოებული ბიზნესმენია და ამ პროგრამაშია ჩართული. მართალია, არსებობენ ისეთებიც, რომლებიც არ არიან მთავრობასთან დაახლოებულები, მაგრამ პროგრამა ზოგადად გამოირჩევა სახელმწიფოსთან დაკავშირებული ბიზნესების ლობირებით და მათი ფინანსური მხარდაჭერით“, - აღნიშნავს ანა გოგოლაძე.


აღსანიშნავია, რომ პროგრამას ემატება ეკონომიკური საქმიანობის 3 ახალი კოდი ინდუსტრიული მიმართულებით, მათ შორის: კინოფილმების ჩვენება, ორთქლის და კონდიცირებული ჰაერის მიწოდება, კონფერენციების და სავაჭრო გამოფენების ორგანიზება. ამასთანავე, პროგრამას ემატება 9 ახალი კოდი სოფლის მეურნეობის, კერძოდ მრავალწლიანი კულტურების მოყვანის მიმართულებით: ყურძნის მოყვანა, ტროპიკული და სუბტროპიკული ხილის მოყვანა, ციტრუსების მოყვანა, თესლოვანი და კურკოვანი ხილის მოყვანა, სხვა ხილის, კენკროვნების და კაკლისებრების მოყვანა, ზეთოვანი ხილის მოყვანა, კულტურების მოყვანა სასმელების წარმოებისათვის, სანელებლების, არომატული, ნარკოტიკული და ფარმაცევტული კულტურების მოყვანა, სხვა მრავალწლოვანი კულტურების მოყვანა.


გარდა ამისა, პროგრამაში მონაწილეობა მიკროსაფინანსო ორგანიზაციებისთვის კიდევ უფრო ხელმისაწვდომი გახდა.





დღის Top 10 საინტერესო ამბავი

დღის Top 10 საინტერესო ამბავი
access_time2020-11-26 21:00:26
დღის ტოპ 10 საინტერესო ამბავი: 1.  ორთვიანი შეზღუდვები - რა იკრძალება 28 ნოემბრიდან 31 იანვრამდე? საქართველოში არსებული ეპიდემიოლოგიური ვითარების გათვალისწინებით, პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ ქვეყანაში მოქმედი...

26 ნოემბერი - რეგიონში ყველა ვალუტა გამყარდა

26 ნოემბერი - რეგიონში ყველა ვალუტა გამყარდა
access_time2020-11-26 18:15:30
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3137 ლარი გახდა....

რა არის „შავი პარასკევი“ და სად დაიწყო დიდი ფასდაკლებების ტრადიცია

რა არის „შავი პარასკევი“ და სად დაიწყო დიდი ფასდაკლებების ტრადიცია
access_time2020-11-26 20:00:13
შავი პარასკევი - არის პირველი პარასკევი ამერიკის ერთ-ერთი ეროვნული დღესასწაულის - მადლიერების დღის შემდეგ, ნოემბრის ბოლოს, როგორც წესი 23-დან 29-რიცხვამდე. სწორედ ამ დღეს იწყება...

გიორგი ხანიშვილი: 2020 წელს აგროექსპორტი მკვეთრად გაიზარდა

გიორგი ხანიშვილი: 2020 წელს აგროექსპორტი მკვეთრად გაიზარდა
access_time2020-11-26 19:00:14
სტატისტიკა გვიჩვენებს, რომ 2020 წლის 3 კვარტალში სასოფლო-სამეურნეო პროდუქციის ექსპორტი მკვეთრად გაიზარდა. რასთან არის ეს დაკავშირებული და შეიძლება თუ არა ეს გამოკვეთილ ტენდენციად ჩაითვალოს?   აგრარული პროდუქციის ექსპორტის თვალსაზრისით 2020 წელს ძალიან მნიშვნელოვანი იყო. ეს იყო წელი, როდესაც 2013 წელს დაწყებულმა აგროსექტორის მხარდაჭერის სახელმწიფო  პროგრამებმა შედეგები გამოიღეს.   ერთ-ერთი ასეთი პროექტია „დარგე მომავალი“, რომელიც ხილის და...

საქართველოს ბიზნეს ასოციაციის გუნდი საერთაშორისო სავალუტო ფონდის მუდმივ წარმომადგენელს შეხვდა

საქართველოს ბიზნეს ასოციაციის გუნდი საერთაშორისო სავალუტო ფონდის მუდმივ წარმომადგენელს შეხვდა
access_time2020-11-26 17:25:29
პანდემიით გამოწვეული ეკონომიკური სირთულეები და მათი დაძლევის გზები იყო განიხილვის მთავარი საკითხი საერთაშორისო სავალუტო ფონდის წარმომადგენელთან, სელიმ ჩაკირთან, გამართულ დისტანციურ შეხვედრაზე, რომელშიც საქართველოს ბიზნეს ასოციაციის პრეზიდენტ, სოსო ფხაკაძესთან ერთად აღმასრულებელი გუნდის წარმომადგენლები მონაწილეობდნენ. საუბარი ასევე შეეხო ეროვნული ვალუტის გაცვლით კურსთან დაკავშირებულ პრობლემებს, კერძოდ, ასოციაციის წარმომადგენლებმა სავალუტო ფონდს გაუზიარეს ის წუხილი, რომელიც საქართველოში მოქმედ...


მსგავსი სიახლეები

up