„ბიზნესისთვის საპენსიო რეფორმა წნეხი აღმოჩნდა“- ბიზნესი სავალდებულო საპენსიო სისტემის 5 თვის შედეგს აფასებს

„ბიზნესისთვის საპენსიო რეფორმა წნეხი აღმოჩნდა“- ბიზნესი სავალდებულო საპენსიო სისტემის 5 თვის შედეგს აფასებს

access_time2019-06-03 10:00:36

საპენსიო რეფორმას ამოქმედებიდან 5 თვის შემდეგ ბიზნესმენები „კომერსანტთან“ აფასებენ. ბიზნესმენი, კომპანია „დიოს“ მმართველი პარტნიორი თამაზ დაუშვილი. მისი განცხადებით,  ბიზნესი რეფორმას სათანადოდ მომზადებული ვერ შეხვდა. როდესაც საკანონმდებლო ცვლილება გარკვეულ ხარჯებთანაა დაკავშირებული, ბიზნესთან  მეტი კომუნიკაციაა საჭირო.

 

მისი განმარტებით, საპენსიო სისტემაში ჩართვა ნებაყოფლბითი  უნდა ყოფილიყო. მანამდე კი ბიზნესისთვის გადასაწყობად გარკვეული დრო უნდა მიეცათ. დაუშვილის განმარტებით, ბიზნესის ამოსავალი წერტილი მოგებაა, როდესაც ის  მცირდება, კარგი არ არის და ეს არავის არ უნდა უხაროდეს.

 

როგორც დაუშვილი განმარტავს, როდესაც ქვეყანა ვითარდება, მოსახლეობის ცხოვრების დონე იმატებს და იზრდება სახელფასო ფონდი. შესაბამისად, ნებისმიერი ბიზნესისთვის სახელფასო ფონდი ყველაზე მნიშვნელოვანი ხარჯია.

 

 „თუ კომპანიას პირობითად აქვს 2 მილიონი ლარის სახელფასო ფონდი, აქედან  დამსაქმებლის გადასახდელია 2%-ი, ანუ 40 000 ლარი, რაც ხარჯია და არცთუ ისეთი ცოტა. მით უმეტეს როცა ამას სავალდებულო ხასიათი აქვს. აქედან გამომდინარე, მიმაჩნია, რომ ეს 2%-ი კომპანიისთვის ტვირთია. მით უმეტეს იმ პირობებში, როდესაც  ქვეყანაში გართულებულია ეკონომიკური სიტუაცია, როდესაც  ხელშესახები არ არის  ეკონომიკური ზრდა, არის ლარის დევალვაცია. ნებისმიერი ტვირთი, რომელიც ბიზნეს აწვება, კარგი არ არის,“-აცხადებს დაუშვილი.

 

 „დიოს“ აღმასრულებელი დირექტორი იმაზეც საუბრობს, თუ საპენსიო რეფორმა უკეთესად როგორ შეიძლებოდა განხორციელებულიყო. მისი შეფასებით, სახელმწიფოს ცალმხრივად  უნდა მიეღო გადაწვეტილება და 20%-იანი საშემოსავლო გადასახადიდან 15 %-ი ბიუჯეტში, ხოლო 5%-ი საპენსიო ფონდში მიემართა.

 

 „ასეთ სიტუაციაში ბიზნესთან არანაირი ინტერესთა კონფლიქტი არ იქნებოდა, არავის არ შეეხებოდა.თუ ბიუჯეტს ამის საშუალება ექნებოდა,ამ სქემით უნდა ემუშავათ.თუ მთავრობას უნდა, რომ სოციალურად ორიენტირებული გადაწყვეტილება მიიღოს,ბიზნესს ეს ნაკლებად უნდა დააწვეს. რაღაც სხვა ფორმა უნდა მოიფიქროს.“-აცხადებს დაუშვილი.

 

მისივე განმარტებით,ზოგადად,სხვისი ფულის ინვესტირება ძალიან დიდი პასუხისმგებლობაა.ეს არ არის ადვილი საქმე. ამას კი დიდი კომპეტენცია და დრო  სჭირდება.როგორც დაუშვილი აცხადებს, ეს ყველაფერი რეფორმის ამოქმედებამდე უნდა ყოფილიყო გადაწყვეტილი.


 

„ჩემი აზრით ეს არის ნაჩქარევი გადაწყვეტილება იმიტომ,რომ მოხდეს დამატებითი რესურსების მობილიზება. ყველაზე უფრო საიმედო მსესხებელი სახელმწიფო ბიუჯეტია, სავარაუდოდ, მობილიზებული თანხა რაღაც დონეს რომ მიაღწევს, ის სესხის სახით  სახელმწიფო ბიუჯეტში მიიმართება“-აცხადებს დაუშვილი.

 

ბიზნესმენი, კომპანია „რედიქს ჯგუფის“ დამფუძნებელი  ლაშა პაპაშვილი აცხადებს, რომ საპენსიო რეფორმაზე დადებითი წარმოდგენისაა.რაც შეეხება მის მუშაობა არ მუშაობას, ბიზნესმენი განმარტავს,რომ აუცილებელი საპენსიო სააგენტოში აკუმულირებული თანხა, რაც შეიძლება მოკლე დროში  მეორად ბაზრებზე განთავსდეს.

 

„ეს გაცნობიერებული ტვირთი იყო. რადგან ეს შედგა, ამოცანაა,რომ ეს ფული სადმე ჩაიდოს.რაც შეეხება ინტერესს, „რედიქს ჯგუფში“ საპენსიო ხარჯს 100%-ით  თავად კომპანია იღებს, შესაბამისად, არავის არ გაუჩნდებოდა იმის სურვილი,რომ სისტემა დაეტოვებინა“-აღნიშნავს პაპაშვილი.

 

ბიზნესმენი, კომპანია „ჩირინას“ (ბრენდი „ბიუ ბიუ“) დამფუძნებელი რევაზ ვაშაკიძე  საპენსიო რეფორმას აფასებს და აღნიშნავს, რომ ბიზნესი და ქვეყანა  ამისთვის მოუმზადებელი აღმოჩდა. მისი განმარტებით, ყველაზე დიდი წარმატება  არის ნდობა, რომელიც არ არსებობს. შესაბამისად, როგორც ვაშაკიძე აცხადებს, კომპანია „ჩირინაში“ საპენსიო სისტემა  40 წელს გადაცილებულმა ყველა თანამშრომელმა დატოვა.


რწმენა ჩვენი თანამშრომლების მაღალი არ არის. როგორ ექნებოდათ ნდობა, როდესაც სახელმწიფოს ყველა სტრუქტურა, მაგალითად, ენერგოობიექტები და ასე შემდეგ, წამგებიანია. შეიქმნა მორიგი სახელმწიფო სტრუქტურა და მისი მომგებიანობის არ სჯერათ. ამიტომაც გამოდიან პროექტიდან, “-აცხადებს ვაშაკიძე.


მისივე ინფორმაციით, თუნდაც ეს 2%-ი ბიზნესისთვის საკმაოდ წნეხი აღმოჩნდა. როგორც ვაშაკიძე განმარტავს, ეს ფაქტობრივად საშემოსავლო გადასახადის გაზრდაა 2%-ით.


„აქ ორი მომენტია. პირველი- ეს არის ლარის მდგრადობა როგორია და როგორი იქნება 20-30 წლის შემდეგ. ვინმე გარანტიას ხომ არ იძლევა არაფერზე. ჩვენი ვალუტა რომ სხვა მყარ  ვალუტაზე მიბმული იყოს,მაგალითად, ევროზე, კიდევ არაუშავს. მეორე-ჩვენთან არ არსებობს ფასიანი ქაღლდების ბაზარი. შესაბამისად, უცნობია სად უნდა წავიდეს მობილიზებული თანხები? ცუდია ის,რომ ეს მობილიზებული ფული ამოღებულია ვაჭრობიდან, ამიტომ ხალხის მსყიდველოითუნარიანობა ეცემა.ეს ფული ხალხიდან ამოღებული ფულია, რომლითაც შეეძლოთ იგივე ჩვენი პროდუქცია ეყიდათ,“-აღნიშნავს ვაშაკიძე.


 როგორც ცნობილია, სახელმწიფო საპენსიო სააგენტოს საქმიანობის 150 დღის განმავლობაში საპენსიო ფონდში 232 მილიონი ლარის საპენსიო დანაზოგის აკუმულირება მოხდა.სააგენტოს ინფორმაციით, ამ პერიოდის განმავლობაში სქემაში 51,870 კერძო კომპანია ჩაერთო, სისტემაში კი, 793, 029 ინდივიდუალური მონაწილის ანგარიში გაიხსნა.


საპენსიო სააგენტოს საქმიანობის 150 დღის განმავლობაში ფონდში აკუმულირებულ 232 მილიონ ლარს 1,76 მილიონი ლარის სარგებელი უკვე დაერიცხა.


სოფო ქსოვრელი 

 





„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი გასაუქმებელია“

„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი  გასაუქმებელია“
access_time2019-11-11 18:23:03
პარლამენტის დამოუკიდებელი დეპუტატი ლევან კობერიძე სოციალურ ქსელ „ფეისბუქში“ სტატუსს აქვეყნებს, რომელსაც „კომერსანტი“ უცვლელად გთავაზობთ: „ბიზნესომბუდსმენის აპარატი არის გასაუქმებელი - ეს არის ზედმეტი ხარჯი ქვეყნის ბიუჯეტისთვის და “ხელისუფლებასთან საქმის დალაგების” არსის მატარებელი სტრუქტურა - სიმართლე არის ეს! - თუ ქვეყანაში იქნება სამართლიანი, ღია, კონკურენტული გარემო და გამჭვირვალე ეფექტიანი ბიუროკრატია, ბიზნესომბუდსმენები საჭირო არიან - ამის...

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი
access_time2019-11-11 19:30:30
“რუსული ემბარგოსგან გამოწვეული კრიზისი სამწუხაროდ კახეთში ვიგრძენით ძალიან მწვავედ”, აცხადებს Hotel Collection International-ის რეგიონალური ოფისის ხელმძღვანელი ქეთი მიქაშავიძე. თუმცა მისივე განმარტებით, ალტერნატიული ბაზრების ჩანაცვლებით სექტორმა გარკვეულწილად დანაკარგის მეტნაკლები დაბალანსება მოახერხა. „წლევანდელ სეზონთან დაკავშირებით მოლოდინი გვქონდა განსაკუთრებული, სხვადასხვა რეგიონში ველოდით უკეთეს შედეგებს ვიდრე სამწუხაროდ მივიღეთ. კახეთში მომუშავე...

„შეზღუდული მანდატის მიუხედავად, ლექვინაძე მხარეებისთვის სათქმელის სწორად მიწოდებას ახერხებდა“- ბიზნესის შეფასება

„შეზღუდული მანდატის მიუხედავად, ლექვინაძე  მხარეებისთვის სათქმელის სწორად მიწოდებას ახერხებდა“- ბიზნესის შეფასება
access_time2019-11-11 18:30:31
„ბატონ ირაკლი ლექვინაძესთან ყველა საკითხი, რომელიც ჩვენ გვინდოდა მიგვეტანა მივიტანეთ და მან კარგი კომუნიკატორისა და შუამავლის როლი შეასრულა.“ - ასე აფასებს კომპანია „ნატახტარის“კორპორაციულ საქმეთა დირექტორი ნიკიოლოზ ხუნძაკიშვილი ბიზნესობუდსმენის ირაკლი ლექვინაძის განვლილ საქმიანობას ბიზნესომბუდსმენის პოსტზე. როგორც ცნობილია, ირაკლი ლექვინაძემ და მისმა მოადგილემ ლევან...

ილონ მასკი: მთავარი ინჟინერიც რიგითი მუშა უნდა იყოს

ილონ მასკი: მთავარი ინჟინერიც რიგითი მუშა უნდა იყოს
access_time2019-11-11 20:30:20
SpaceX და Tesla-ს დამაარსებელი ილონ მასკი სან-ფრანცისკოში  კოსმოსური სტარტაპების გამოფენაზე   სიტყვით  გამოვიდა. ღონისძიების ორგანიზატორი აშშ-ს სამხედრო -საჰაერო ძალები და კოსმოსურ ინდუსტრიაში მომუშავე კონსალტინგური კომპანია Starburst Aerospace იყო . გამოფენაში მონაწილეობა  75-მა კოსმოსურმა სტარტაპმა მიიღო , რომელმაც ა თავისი პროდუქცია საინვესტიციო ფონდებს და სამხედროებს...

„ჩინეთიდან ვიზიტორების მოსაზიდად ქვეყანას აქტიური მარკეტინგული კამპანიის განხორციელება მოუწევს“

„ჩინეთიდან ვიზიტორების მოსაზიდად ქვეყანას აქტიური მარკეტინგული კამპანიის განხორციელება მოუწევს“
access_time2019-11-12 12:00:23
„იმ გარემოებაში, როდესაც საქართველოდან ჩინეთში ასე აშკარად იზრდება ღვინის ექსპორტი და მათგან დაინტერესებაც მზარდია, სრულიად რეალურია ტურიზმის განვითარებაც. თუმცა, იმ ბაზრებზე, სადაც არის პოტენციალი, რომ საქართველომ მოიზიდოს უფრო მეტი ვიზიტორი, მათ შორის ჩინეთიდან, ქვეყანას აქტიური მარკეტინგული კამპანიის განხორციელება მოუწევს და უნდა იმუშაოს, რომ მოხდეს მიზნობრივი ბაზრების დივერსიფიკაცია“,- ასე შეაფასა ტურიზმის ეროვნული ადმინისტრაციის ყოფილმა უფროსმა...


მსგავსი სიახლეები

up