ბიზნესი უკვე დაფრთხა - პოლიტიკური ქაოსი ქვეყნის ეკონომიკას ძირს უთხრის

ბიზნესი უკვე დაფრთხა - პოლიტიკური ქაოსი ქვეყნის ეკონომიკას ძირს უთხრის

access_time2019-11-19 21:00:58

საპროტესტო აქციები საქართველოს ეკონომიკაში მორიგ პრობლემას შექმნის. ცვლილება ლარის კურსს უკვე შეეტყო კიდეც. არ არის გამორიცხული, რომ პოლიტიკურმა არასტაბილურობამ უცხოური ინვესტიციები ნაკლებობა გამოიწვიოს, რასაც შეიძლება მოჰყვეს ეკონომიკური ზრდის ტემპის ვარდნა და ეროვნული ვალუტის შემდგომი გაუფასურებაც.

 

როგორც სპეციალისტები ვარაუდობენ, მოკლევადიან პერიოდში მიმდინარე პოლიტიკური პროცესები ქვეყნის ეკონომიკურ სექტორს მნიშვნელოვნად დააზარალებს, რაზეც ბიზნესი უკვე ალაპარაკდა. კომპანია ,,კულას” დირექტორის ვანო გოგლიძის შეფასებით, დღეს ქვეყანაში არასტაბილური სიტუაციაა, რაც ბიზნესზე დანამდვილებით უარყოფითად აისახება. მიუხედავად ამისა, ბიზნესმენი ამბობს, რომ უცხოელი ინვესტორი რომ იყოს, საქართველოში ინვესტიციებს მაინც ჩადებდა.

 

„უცხოელი ინვესტორები საგადასახადო სისტემას უფრო აქცევენ ყურადღებას, ვიდრე პოლიტიკურ მდგომარეობას. ერთადერთი, რის გამოც საქართველოში ინვესტიციის განხორციელებაზე შეიძლება თავი შეიკავო, საგადასახადო სისტემაა. რაც უფრო მეტი წახალისება იქნება ამ მხრივ, უფრო მეტი ინვესტიცია განხორციელდება ქვეყანაში. სხვა მხრივ, მთავარია, ქვეყანა ვითარდებოდეს ეკონომიკურად და, ჩემი აზრით, დღეს ქვეყანა წინ მიდის”, - განაცხადა ბიზნესმენმა.

 

ქართული ბიზნესის წარმომადგენელთა განცხადებით, პროცესები დიდხანს თუ გაგრძელდა, ეკონომიკური სიტუაცია ქვეყანაში კიდევ უფრო გაუარსედება. ბიზნესმენი ლაშა პაპაშვილი უცხოური ინვესტიციების კლებას და ლარის გაუფასურებას ელის.

 

„პოლიტიკური არასტაბილურობა არა მარტო ჩვენნაირ პატარა ქვეყანაში, არამედ მსოფლიოს დიდ სახელმწიფოებშიც ცუდ გავლენას ახდენს ბიზნეს პროცესებზე. ძალიან მნიშვნელოვანია, რომ ხელისუფლებამ მოახდინოს დროული რეაგირება, რათა საზოგადოების და პოლიტიკის ამგვარი პოლარიზება არ მოხდეს. თუ მთავრობამ ეს გამოსავალი ვერ იპოვა, ქართულ ეკონომიკას რყევა ემუქრება, რაც ძალიან აზიანებს ბიზნეს პროცესებს. დღევანდელ სიტუაციაში დიდ პრობლემებს არ ველოდები, რადგან ხელისუფლებას ჯერ კიდევ აქვს ყველა ბერკეტი ამ რყევების თავიდან ასარიდებლად", - აღნიშნა ბიზნესმენმა ,,კომერსანტთან" საუბრისას.

 

ეკონომიკური ვითარების გაუარესებაზე საუბრობენ სპეციალისტებიც, რომლებიც ყველაზე დიდ საფრთხეს საინვესტიციო გარემოს გაუარესებაში ხედავენ. ეკონომისტი სოსო სიმონიშვილის თქმით, მოსალოდნელია პრობლემები გადამამუშავებელ ბიზნესში და ენერგეტიკულ სექტორშიც გაჩნდეს, რა მიმართულებითაც სახარბიელო ვითარება ისედაც არ არის.


 

,,ინვესტიციების წარმომავლობას თუ გადავხედავთ, ყველაზე მაღალი წილი უჭირავს რუსეთს, რომელიც ერთ-ერთი წამყვანი საინვესტიციო ქვეყანაა. ჩვენთვის რუსეთთან ურთიერთობის კიდევ უფრო გაფუჭება და დაძაბვა მოკლევადიან პერიოდში ქვეყანას ძალიან `დაარტყამს~, მაგრამ გრძელვადიან პერიოდში, თუკი გონივრული ნაბიჯები გადაიდგმება, შეიძლება უარყოფითი დინამიკა გადაილახოს. აქვე იმასაც ვერ დავმალავ, რომ ამის იმედი არ მაქვს.

 

საერთოდ, ხელისუფლებას თუ უნდა, რომ ქვეყნის განვითარება იყოს სტაბილური, მთლიანად უნდა შეიცვალოს ეკონომიკური პოლიტიკის ვექტორი და უცხოური ინვესტიციების ნაცვლად, აქცენტი შიდა ინვესტიციებზე გადაიტანოს. ამაზე მეტად მომგებიანი ქვეყნისთვის არაფერია. ეს იქნება ყველაზე სწორი და სტაბილური გზა, მაგრამ ეკონომიკის ასეთი განვითარება მთავრობისთვის კორუფციის ნაკლებ შესაძლებლობას იძლევა და არც ერთ მთავრობას არ მოსწონს. უცხოური ინვესტიციები თუკი შემცირდება, მხოლოდ და მხოლოდ მთავრობა და ბიუჯეტი დაზარალდება, ნურავინ შემედავება, რომ ხალხისთვის ეს რაიმე ფინანსურ სარგებელს მოიტანს”, - ამბობს "ბიზნეს-რეზონანსთან" სოსო სიმონიშვილი.

 

სპეციალისტების ნაწილი კი ფიქრობს, რომ სახელმწიფო ინვესტიციებთან დაკავშირებულ გამოწვევებს თავს გაართმევს და სამომავლოდ საინვესტიციო გარემოს გაჯანსაღებას შეძლებს. ამისთვის, როგორც ფინანსისტი მერაბ ჯანიაშვილი ვარაუდობს, საპროტესტო აქციები ვერ იქნება ხელისშემშლელი ფაქტორი და ქვეყნის ეკონომიკური განვითარება ამ პირობებშიც შესაძლებელია.

 

,,ძალიან მიჭირს ქართულ ეკონომიკაში საპროტესტო აქციების გავლენაზე საუბარი. ცხადია, სადაც მუდმივად არეულობაა, დესტაბილიზაცია, იქ არავის მოუნდება კაპიტალის ჩადება, მაგრამ თუკი ჯანსაღი დემოკრატიული პროცესები ხორციელდება, ნიშნავს, რომ ქვეყანა სწორი მიმართულებით მიდის. გაისად კიდევ უფრო დაძაბული წელი გველის, მაგრამ ამან ეკონომიკის განვითარებას ხელი არ უნდა შეუშალოს.

 

ინვესტორი, რომელსაც საქართველოში ფულის ჩადება სურს, აქციებმა არ უნდა შეაშინოს. სხვა ქვეყნებსაც გადავხედოთ, ეს პროცესი არც ერთი ნორმალური ქვეყნისთვის არ არის უცხო. ვფიქრობ, არც საქართველოს საინვესტიციო იმიჯი დაზარალდება. ბევრი ქვეყანაა, რომელიც მთელი თავისი არსებობის მანძილზე ომობს, მაგრამ ეკონომიკის განვითარებას ახერხებს.

 

მიმაჩნია, რომ მთავრობა ამჯერად შეძლებს ამ გამოწვევისთვის თავის გართმევას, რომ ეკონომიკა არ დაზარალდეს. სერიოზული მუშაობა საჭირო ინვესტიციების მოსაზიდად და ახლა მთავარია, როგორმე შევძლოთ საინვესტიციო იმიჯის შენარჩუნება. აღსანიშნავია, რომ ინვესტიციების დიდი ნაწილი ჯერ კიდევ ასათვისებელია და ჩვენ უნდა მოვახერხოთ ამ პოტენციალის მაქსიმალურად გამოყენება.

 

არსებული მძაფრი პოლიტიკური კონტრასტის ფონზე ქვეყანას სჭირდება ქმედითი ნაბიჯები, რომ პასუხგაუცემელი კითხვები აღარ დარჩეს (როგორც უცხოელ ისე ქართველ ბიზნესმენებს) უსაფრთხოების,  ინსტიტუციების საიმედოობის, მართლმსაჯულების, პოლიტიკური და მმართველობითი ეფექტიანობის მიმართულებით", - აღნიშნა ფინანსისტმა "ბიზნეს-რეზონანსთან" საუბრისას.

 

resonancedaily.com





დღის Top 10 საინტერესო ამბავი

დღის Top 10 საინტერესო ამბავი
access_time2020-12-03 21:30:03
დღის Top 10 საინტერესო ამბავი     1. „ქართველი ხალხი ასეთი ბნელი და გაუნათლებელი არასდროს ყოფილა, როგორიც ახლაა“ - ეპიდემიოლოგი     „ხალხი არ იცავს სოციალურ დისტანციას, აღარ იკეთებს ნიღაბს და არ ატარებს სადეზინფექციო საშუალებებს. შეხედეთ რა ხდება ქალაქში - 10-დან 9-ს ნიკაპზე უკეთია ნიღაბი....

Bloomberg: პანდემია კრიპტოვალუტებს აძლიერებს

Bloomberg: პანდემია კრიპტოვალუტებს აძლიერებს
access_time2020-12-03 21:00:49
2020 წელს ბიტკოინის კურსის ზრდამ ბევრი ჭკვიანი ადამიანი გააოცა. გასულ კვირას მთავარი კრიპტოვალუტის ღირებულება 20 000 დოლარამდე ავარდა, რამაც ბევრ სკეპტიკოსს აზრის შეცვლა აიძულა.   2018 წელს ცნობილმა ამერიკელმა ეკონომისტმა ნოელ რუბინიმ ბიტკოინს „კაცობრიობის ისტორიაში ყველაზე დიდი საპნის ბუშტი“ უწოდა, თუმცა, დღეს ვირტუალური ფულის წარმატების ფონზე, 2020 წლის ნოემბერში, ის აღიარებს, რომ კრიპტოვალუტას ზრდის პერსპექტივა აქვს.   მაშინ რა ხდება...

Forbes: როგორი იქნება 2021 წელი ნავთობის და გაზის ბარზებისთვის?

 Forbes: როგორი იქნება 2021 წელი ნავთობის და გაზის ბარზებისთვის?
access_time2020-12-03 20:00:16
2020 წელი ნავთობის და გაზის ბაზრებისთვის უნიკალური და წარმოუდგენლად რთული იყო - კორონავირუსის პანდემიამ და ოპეკ+ის შეთანხმების ჩაშლამ ნავთობზე ფასების უპრეცედენტო ვარდნა გამოიწვია. აპრილში საქმე იქამდეც კი მივიდა, რომ ნავთობი წამგებიანი გახდა, რაც აქამდე არასდროს მომხდარა.   2020 წელმა ისტორიაში პირველად მოხმარების შოკი მოიტანა. ბოლო 50 წლის მანძილზე მსოფლიოში მიწოდების შოკი საკმაოდ ხშირი მოვლენა იყო - მაგალითად, 1967 წელს ისრაელის მიერ წამოწყებული 6-დღიანი ომის დროს,...

3 დეკემბერი - რეგიონში ყველა ვალუტა გამყარდა

3 დეკემბერი - რეგიონში ყველა ვალუტა გამყარდა
access_time2020-12-03 19:30:09
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 3 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3119 ლარი გახდა....

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“
access_time2020-12-03 18:30:10
რამდენიმე ასეულობით მილიონი ლარის შემოსავალი და ასეულ მილიონიანი ფასნამატი ფარმაცევტულ პროდუქციაზე - ასეთი მონაცემები ჩანს ფარმაცევტული ბაზრის ლიდერი კომპანიების ფინანსური ანგარიშგებებიდან.   „ბიზნესპრესნიუსი“ დაინტერესდა, როგორია მსხვილი ფარმაცევტული კომპანიების ფინანსური მაჩვენებლები. 2019 წლის სავალდებულო ფინანსური აუდიტი კომპანიების ნაწილმა უკვე გაიარა. მათ შორის არის ფარმაცევტული სექტორის მონაწილე სამი კომპანია - „ავერსი“; „პსპ“ და „ჯიპისი“. როგორც ფინანსური...


მსგავსი სიახლეები

up