„ბიზნესი, რომელიც ქმნის სამუშაო ადგილებს პროგნოზირებადი მომავლით - ეს არის ჩვენი მიზანი“

„ბიზნესი, რომელიც ქმნის სამუშაო ადგილებს პროგნოზირებადი მომავლით - ეს არის ჩვენი მიზანი“

access_time2019-09-08 16:49:52

პრემიერ-მინისტრობის კანდიდატმა გიორგი გახარიამ პარლამენტში ბიზნესის ხელშეწყობასა და ხარჯების ოპტიმიზაციაზე ისაუბრა და თქვა, რომ ბიზნესისთვის ყველაზე მნიშვნელოვანი არის პროგნოზირებადობა, ხოლო ხარჯების ნაწილში, სადაც იქნება ამის შესაძლებლობა, ხარჯებს მაქსიმალურად შეამცირებს.

 

„ბიზნესგარემოს ყველაზე მნიშვნელოვანი პარამეტრი არის პროგნოზირებადობა და ჩვენ ეს უნდა უზრუნველვყოთ. ორი თემაა: პროგნოზირებადი ბიზნესგარემო და გადაწყვეტილებები, რომლებიც მიიღება ეკონომიკაში. ბიზნესთან დაკავშირებით, რა თქმა უნდა, უნდა იყოს განხილული, როგორც მინიმუმ ბიზნესთან. ეს ასე იქნება, თუ აქ გვქონდა რაიმე ჩავარდნები, ამას გამოვასწორებთ. მე არ მგონია, რომ აქ იყო რაღაც სერიოზული, თუმცა ეს კომუნიკაცია იქნება ძალიან სწრაფი და ეფექტური. ბიზნესგარემო არის ჩვენთვის კრიტიკულად მნიშვნელოვანი. აქ დაისვა შეკითხვა, რომ დასაქმება 51% რომ არის, სახელმწიფო ხომ არ არისო - შეიძლება ასეც იყოს, თუმცა, სოციალური თვალსაზრისით, ამას დიდი მნიშვნელობა არ აქვს.

 

თუმცა ასევე, ხაზგასმით უნდა ავხსნათ, რომ ბიზნესი, რომელიც ქმნის სამუშაო ადგილებს, ძლიერი, მყარად მდგარი და პროგნოზირებადი მომავლით, ეს არის ჩვენი მიზანი და ამ მიზანს ძალიან პრაგმატული აზრი აქვს, რომ ჩვენი სოციალური პასუხისმგებლობა, მაშინ როდესაც ბიზნესთან ერთად გავაძლიერებთ ჩვენს ეკონომიკას, გადავიტანოთ ნელ-ნელა ბიზნესზე.


 

ეს არის ის მარტივი მოდელი, რომლითაც ყველა განვითარებული ევროპული ქვეყანა მივიდა იქ, სადაც მივიდა. სადაც სოციალური გარანტიები და ამ სოციალური გარანტიის ძირითადი კომპონენტები, არის ბიზნესზე, კერძო სექტორზე და კიდევ სხვა მრავალი ინსტიტუტები არსებობს, რომლებიც დღეს ჩვენს ქვეყანაში არ მუშაობს, მაგრამ უნდა ავამუშაოთ.

 

ეკონომიკის ნაწილი, როგორც ხარჯების ოპტიმიზაცია - ამ ნაწილში, მე როგორც მახსოვს მშპ-თან შედარებით 4% გვაქვს, რაც მსოფლიოში ერთ-ერთი ყველაზე კარგი მაჩვენებელია, თუმცა, ესეც არაფერს არ ნიშნავს. თუ ვამბობთ, რომ ჩვენი პრინციპი უნდა იყოს მცირე მთავრობა, რა თქმა უნდა, ხარჯების ნაწილში, იქ სადაც ოპტიმიზირება შესაძლებელია და მარტივად რომ ვთქვათ, მანქანები, ავეჯი და ა.შ. იყო ერთი პერიოდი ჩვენი მთავრობის პირობებში, როდესაც დეტალურად გავდიოდით ამას ყველაფერს, იგივეს გავაკეთებთ. იქ სადაც იქნება ამის შესაძლებლობა, ამ ხარჯებს მაქსიმალურად შევამცირებთ, თუმცა, იმის იმედიც არ უნდა გვქონდეს, რომ ამას რაღაცა დიდი მაკროეკონომიკური ეფექტი ექნება, არ ექნება, მაგრამ ამას ექნება, უფრო მნიშვნელოვანი ქვეყნისთვის, დისციპლინობის პრინციპი. დღეს ბიუროკრატიისთვის, დისციპლინა არის ერთ-ერთი განმსაზღვრელი ფაქტორი”, განაცხადა გიორგი გახარიამ.


BMG


თეგები:
ბიზნესი



აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი 0%-ითაა ათვისებული

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი 0%-ითაა ათვისებული
access_time2019-09-16 18:00:58
სახელმწიფო აუდიტის სამსახურის ინფორმაციით, ბიუჯეტით გათვალისწინებული ჯამში 400 მილიონ ლარზე მეტი ღირებულების, 27 კაპიტალური პროექტის წლიური ბიუჯეტი, 6 თვის მონაცემებით, 0%-ითაა ათვისებული. ბიუჯეტით გათვალისწინებული კაპიტალური პროექტებისა და მათზე გამოყოფილი სახსრების ათვისების მდგომარეობის შესახებ ინფორმაციას სახელმწიფო აუდიტის სამსახრუსი ბიუჯეტის მონიტორი აქვენებს, რომლის თანახმად, 6 თვის მონაცემებით, 26 პროექტში ათვისებულია წლიური ბიუჯეტის 1%-დან 30%-მდე...

ქართველი დიზაინერი დემნა გვასალია Vetements -დან მიდის

ქართველი დიზაინერი დემნა გვასალია Vetements -დან მიდის
access_time2019-09-16 14:30:27
„ვგრძნობ, რომ ჩემი მისია შევასრულე“ - ამბობს დიზაინერი, რომელმაც 5 წლის წინ გავლენიანი ბრენდი „Vetements“ დაარსა“. ასე იწყებს სტატიას ერთ-ერთი გავლენიანი მედია გამოცემა მოდის სფეროში. „WWD“ წერს, რომ ქართველმა დიზაინერი, რომელიც ქუჩის მოდის მთავარი შემოქმედი იყო „Vetements“ -დან მიდის.   ბრენდი, რომელმაც ქუჩის სტილის თამაშის წესები შეცვალა დემნამ ძმასთან ერთად 2014 წელს დაარსა. გურამ გვასალია,...

Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს

  Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს
access_time2019-09-16 15:40:55
რას წარმოადგენს კომპანია, რომელმაც ანაკლიის პორტის პროექტის განხორციელებაში შესაძლოა „კონტი ჯგუფი“ ჩაანაცვლოს? როგორც საზოგადოებრივი მოძრაობა “ლელოს“ დამფუძნებელმა მამუკა ხაზარაძემ  TV “მთავარის“ ეთერში აღნიშნა, რამდენიმე დღის წინ ანაკლიის განვითრების კონსორციუმმა საქართველოს ხელისუფლებას წარუდგინა ანაკლიის ერთ-ერთი პოტენციური ინვესტორი —  ბრიტანული საინვეტსიციო კომპანია  Meridian capital...

თამბაქოს კონტროლის ალიანსი: „პარლამენტში აღარც მალავენ, რომ თამბაქოს ბიზნესს ლობირებენ“

თამბაქოს კონტროლის ალიანსი: „პარლამენტში აღარც მალავენ, რომ თამბაქოს ბიზნესს ლობირებენ“
access_time2019-09-16 13:30:32
თამბაქოს კონტროლის შესახებ კანონში ცვლილებები შედის. რეგულაციები ახალი ნაწარმის ბაზარზე განთავსების წესებს შეეხება. თამბაქოს მწარმოებლები და იმპორტიორები ვალდებულები გახდებიან თამბაქოს ნებისმიერი ნაწარმის ბაზარზე შეტანის შემთხვევაში შესაბამის უწყებებს შეატყობინონ. ამასთან დაკავშირებით დღეს განცხადება გაავრცელა თამბაქოს კონტროლის ალიანსმა, რომელიც ჯანდაცვის კომიტეტში არსებულ ამ კანონპროექტს აკრიტიკებს და მას თამბაქოს...

ინფრასტრუქტურის სამინისტრო ხაზარაძის განცხადებას პასუხობს : ვადასტურებთ, რომ მინისტრი ნამდვილად შეხვდა კომპანია meridian capital limited-ის წარმომადგენლებს

ინფრასტრუქტურის სამინისტრო ხაზარაძის განცხადებას პასუხობს :  ვადასტურებთ, რომ მინისტრი ნამდვილად შეხვდა  კომპანია  meridian capital limited-ის წარმომადგენლებს
access_time2019-09-16 12:30:02
საზოგადოებრივი მოძრაობა “ლელოს“ დამფუძნებელმა მამუკა ხაზარაძემ  TV “მთავარის“ გადაცემაში „მთავარ აქცენტები“ საქართველოს ხელისუფლების მხრიდან ანაკლიის პორტის მშენებლობის პროცესში ინვესტორებისთვის  ხელისშემშლელ ფაქტებზე ისაუბრა. ხაზარაძემ  ღიად დაასახელა  ვიცე–პრემიერი მაია ცქიტიშვილი და განაცხადა: “ ინვესტორი, რომელიც აქ იყო, გუშინ გაფრინდა.  ეს არის ინგლისური კომპანია. ფონდის წარმომადგენლები, გუშინწინ შეხვდნენ ვიცე–პრემიერ...


მსგავსი სიახლეები

up