“იფქლი“- იმპორტული ხორბლის ფასი, რომელსაც ქართული წისქვილკომბინატებისაგან ვიძენთ, ლარის გაუფასურების პარალელურად იზრდება

“იფქლი“- იმპორტული ხორბლის ფასი, რომელსაც ქართული წისქვილკომბინატებისაგან ვიძენთ, ლარის გაუფასურების პარალელურად იზრდება

access_time2019-08-06 17:30:41

“დღევანდელი მდგომარეობით, ერთ ტომარა ხორბლის ფქვილზე ფასი დაახლოებით 3-4 ლარით არის გაზრდილი. ლარის კურსის გაუფასურება  დღეს არ გვაძლევს იმის მიზეზს, რომ საფასო პოლიტიკას გადავხედოთ, ან ახლო მომავალში პურის გაძვირების საკითხი დავაყენოთ დღის წესრიგში, თუმცა რა მოხდება რამდენიმე თვეში წინასწარ ძნელია პროგნოზის გაკეთება“,- ამის შესახებ “კომერსანტს“ „იფქლის“ დირექტორმა  არისი ბოჭოიძე ლარის კურსის გაუფასურებისასთან დაკავშირებით განუცხადა.


კომპანიის დირექტორის განცხადებით, ეროვნული ვალუტის რყევები  “იფქლის“ საქმიანობაზე მნიშვნელოვან გავლენას ახდენს.


„იმპორტული ხორბლის ფასი, რომელსაც ჩვენ ქართული წისქვილკომბინატებისაგან ვიძენთ, ლარის გაუფასურების პარალელურად იზრდება. ამას გარდა ჩვენს კომპანიას ხარჯი ეზრდება ისეთ პროდუქციაზეც, როგორიცაა დაზგა-დანადგარები, მათი სათადარიგო ნაწილები, შესაფუთი მასალები და სხვა. ძალიან რთულია სამომავლო პროგნოზების გაკეთება. პურის ფასწარმოქმნა მრავალ ფაქტორზეა დამოკიდებული, მათ შორის რა ფასზე დასტაბილურდება ერთი ტომარა ხორბლის ფქვილის ფასი, ვალუტის კურსი, წარმოებაში საჭირო სხვადასხვა მასალების ფასი და ა.შ.   სწორედ ამ გარემოებების ერთიანობით დგინდება პროდუქტზე საბოლოო ფასი და შესაბამისად, ძალიან რთულია ცალკე აღებული ერთი კომპონენტით იმის განსაზღვრა, რას უნდა ველოდოთ მომავალი თვეების განმავლობაში. ჩვენი მხრიდან რთულია იმის შეფასებაც, რომელი სახელმწიფო სტრუქტურები უნდა ჩაერიონ მიმდინარე პროცესებში სიტუაციის დასასტაბილურებლად. ნებისმიერ ქმედით ნაბიჯს მივესალმებით, რომელიც ლარის კურსის გამყარებისაკენ გადაიდგმება და ჩვენ სტაბილურად წარმოების საშუალებას მოგვცემს“,- განმარტავს არის არისი ბოჭოიძე.



ამის პარალელურად ვრცელდება ინფორმაცია, რომ ლარის რყევების გამო ახალი წლისთვის მოსალოდნელია ტარიფების ზრდა გაზზე და ელექტროენერგიაზე. “კომერსანტის“ კითხვაზე   გამოიწვევს მოსალოდნელი ზრდა წარმოების გაძვირებას და პროდუქტზე ფასების ზრდას, „იფქლში“ გვპასუხობენ:


„ახალი წლისთვის გაზსა და დენზე ტარიფების დაკორექტირების შესახებ ინფორმაციას ჯერ-ჯერობით არ ვფლობთ. როგორც უკვე აღვნიშნეთ, პურის ფასწარმოქმნა მრავალ ფაქტორზეა დამოკიდებული. მათ შორის ერთ-ერთი ენერგომატარებლების ფასია. იმისათვის, რომ განვსაზღვროთ რა ცვლილებები შეიძლება გამოიწვიოს გაზრდილმა ელექტროენერგიისა და ბუნებრივი აირის ფასმა, აუცილებელია პირველ რიგში ვიცოდეთ საშუალოდ რა ზრდაზე იქნება საუბარი. ასევე, იმ პერიოდში რა სიტუაცია იქნება ჩვენს დარგშიც. კერძოდ, რა ფასი იქნება ერთ ტომარა ხორბლის ფქვილზე, რა ნიშნულზე იქნება ლარის კურსი, რამდენად შეიცვლება შესაფუთი მასალების ფასი და ა.შ“,- განაცხადა არისი ბოჭოიძე.

 


ბაჩო ადამია





„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია "თიბისი ბანკის ჯგუფმა" ლონდონის საფონდო ბირჟაზე გამოაქვეყნა. ცვლილება უკვე აისახა...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...

გურულები წყალზე სიარულს სწავლობენ

გურულები წყალზე სიარულს სწავლობენ
access_time2020-01-25 15:00:06
“სამი წლის წინ ვცხოვრობდით ჩვენთვის მშვიდად, რაც მოგვყავდა...

Bloomberg: კორონავირუსმა ჩინური ბიზნესი დააზარალა

Bloomberg: კორონავირუსმა ჩინური ბიზნესი დააზარალა
access_time2020-01-25 13:30:14
  ახალმა კორონავირუსმა, რომელიც ჰაერ-წვეთოვანი გზით გადადის, შეამცირა ინვესტორების ენთუზიაზმი ჩინური საფონდო ბაზრისადმი, რომელიც ბოლო თვეებში სწრაფად იზრდებოდა.   დანაკარგებს ძირითადად ითვლიან სამომხმარებლო ბაზრის მოთამაშეები, ტუროპერატორები, და ავიაკომპანიები.   საფონდო ინდექსი FTSE China A50, რომელიც ასახავს ჩინეთის 50 უმსხვილესი კომპანიის კაპიტალიზაციას, 22 იანვარს შემცირდა 1,7%-ით, რაც არის ბოლო 6 თვის ყველაზე ძლიერი...


მსგავსი სიახლეები

up