„ბიზნესი გახდა არალეგალური. ქირავდება აპარტამენტები და ჰოსტელები და აწყობენ დიდ თავყრილობებს“ - რა გამოიწვია სამთო კურორტების დახურვამ

„ბიზნესი გახდა არალეგალური. ქირავდება აპარტამენტები და ჰოსტელები და აწყობენ დიდ თავყრილობებს“ - რა გამოიწვია სამთო კურორტების დახურვამ

access_time2021-01-14 13:30:29

,,მაინტერესებს, რა არის განსხვავებული რისკის მატარებელი, ბაკურიანის, გუდაურისა და მესტიის სასტუმროებში, რაც არ არის იგივე ბორჯომში?“- ამის შესახებ ტურისტული კომპანია „იბერია ტურს პლიუსის“ ხელმძღვანელი და სამთო-სათხილამურო კურორტებზე სასტუმროების ქსელის „ლოფტის“ მფლობელი ,,ბიზნესპრესნიუსთან“ საუბრობს.


მაია მურაჩაშვილისთვის გაუგებარია, რატომ არის განსაკუთრებული რისკი სამთო კურორტებზე, როცა სათხილამურო სპორტი ისედაც დისტანციურია. ბარის სასტუმროები კი ფუნქციონირებას აგრძელებენ.


,,უნდა დავიწყოთ თავიდან. გასულ წელს უწყლობის გამო გუდაურში სეზონი ფაქტობრივად, ჩავარდა. გამოდის, რომ მეორე სეზონია დაკეტილები ვართ. რომელი ბიზნესი გაუძლებს ამას? გარდა იმისა, რომ არ გვაქვს შემოსავლები, ჩვენ გვაქვს ვალდებულებები ბანკებთან, შესაბამისად, უკვე წელიწად-ნახევარია, ჩვენი სექტორი რთულ მდგომარეობაშია. ახლა კი, ირკვევა, რომ პირველი თებერვლიდანაც შეიძლება არ გავიხსნათ. რბილად რომ ვთქვათ, ეს გადაწყვეტილება არის უცნაური.


სამთო-სათხილამურო კურორტებზე დასვენება და სათხილამურო სპორტი გარდა იმისა, რომ თავისთავად დისტანციურია, ამას ემატება ეკიპირება, რომლითაც ვირუსის გადადების რისკი აღარ არსებობს. მთავრობა ამბობს, რომ თურმე სასტუმროებში შეიძლება მოხდეს ვირუსის გავრცელება. ძალიან მარტივი კითხვა მაქვს, რატომ გვაყენებენ ასეთ არაკონკურენტულ პირობებში, როცა ბორჯომის, კახეთის და ზღვისპირა სასტუმროები, ყაზბეგის სასტუმროები მუშაობენ რეგულაციების დაცვით და ჩვენთან იქნებოდა მხოლოდ ეს პრობლემა?“, - აცხადებს მურაჩაშვილი.



მისივე თქმით, კურორტების დახურვამ ბიზნესის არალეგალურ ჭრილში გადასვლა გამოიწვია, სადაც კოვიდ რეგულაციები უგულებელყოფილია.


,,ამან ბუნებრივად გამოიწვია უკუშედეგი. ბიზნესი გახდა არალეგალური. ქირავდება აპარტამენტები და ჰოსტელები, სადაც რეგულაციების დაცვაზე საუბარი ზედმეტია და არის დიდი თავყრილობები. მაშინ, როცა ჩვენ სასტუმროებში კოვიდ რეგულაციის ყველა წესის დაცვით შეგვეძლო მიგვეღო სტუმრები. მაინტერესებს, რა არის განსხვავებული რისკის მატარებელი, ბაკურიანის, გუდაურისა და მესტიის სასტუმროებში, რაც არ არის იგივე ბორჯომში? ეს სავარაუდოდ, არის გასული წლის ინერცია, როცა კოვიდ გავრცელების პირველ ეტაპზე, საფრანგეთის ერთ-ერთ სამთო კურორტზე მოხდა დიდი ეპიდაფეთქება. მაშინ, ამ ვირუსის შესახებ არაფერი ვიცოდით და არ არსებობდა რეგულაციებიც. ეს მიდგომა არის როგორც მინიმუმ უპასუხისმგებლობა, როცა არაერთხელ ანონსდება გახსნა და შემდეგ, რამდენიმე დღით ადრე ვიგებთ, რომ ისევ გადაიდო. ეს ხდება პირველი ივლისიდან მოყოლებული“, - აცხადებს მაია მურაჩაშვილი ,,ბიზნესპრესნიუსთან“.


შეგახსენებთ, საკოორდინაციო საბჭოს გადაწყვეტილებით, 1-ლი თებერვლიდან გაიხსნება მოლები და ბაზრობები. რაც შეეხება სხვა სექტორებს, მათ შორის სამთო კურორტებს, ჯანდაცვის მინისტრის თქმით, ყველაფერი არ გაიხსნება.


bpn.ge





ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up