ხელისუფლების გადაწყვეტილებები, რაზეც ბიზნესი გაბრაზდა

ხელისუფლების გადაწყვეტილებები, რაზეც ბიზნესი გაბრაზდა

access_time2019-08-14 18:30:21


წლებია საზოგადოების სხვადასხვა ფენის წარმომადგენლები სულ უფრო ხშირად აფიქსირებენ უკმაყოფილებას ხელისუფლების ამა თუ იმ გადაწყვეტილების გამო. ბოლო პერიოდში კი აშკარაა, უკმაყოფილება გაბრაზებაში გადაიზარდა, რასაც არაერთი საპროტესტო აქცია თუ გაფიცვების სერიაც ადასტურებს.

რაზე ბრაზდებიან ყველაზე მეტად საქართველოს მოქალაქეები  და ხელისუფლების რომელი  გადაწყვეტილებები არ მოსწონთ, ამჯერად “კომერსანტი“, როგორც ბიზნეს-ეკონომიკური გამოცემა, ბიზნესის პოზიციას შემოგთაბაზებთ: 



ალბატროს ჯგუფის“ დამფუძნებელი დავით ბეგიაშვილი

 

1.ამდენი ხნის განმავლობაში ქვეყანაში არ მოხერხდა სამართლებრივი სივრცის შექმნა, ყველაზე მეტად ეს საკითხი მაწუხებს და მაბრაზებს. ის მემკვიდრეობა რაც დარჩა იგივე მემკვიდრეობას ვაგრძელებთ ახლაც. 2012 წელს ქართული ოცნების ერთ-ერთი მთავრი დაპირება იყო სამართლიანობის აღდგენა. ამის გამო გადაირჩიეს წინა ხელისუფლება. 2019 წელია და ისევ ერთ წერტილში ვართ, პროცესები პრინციპში არც დაძრულა. 


2. ასევე არ ვემხრობი ე.წ. ოქროს სიის გაუქმებას. გადასახადების გადახდა სხვა კომპანიებისთვისაც უნდა გამარტივებულიყო და პირიქით ყველას გაურთულეს საქმე.


3. ვფიქრობ, რომ ნაჩქარევი გადაწყვეტილება იქნა მიღებული საბანკო რეგულაციების კუთხითაც, ამან ეკონომიკას სერიოზული ზიანი მიაყენა, რაც ჩანს კიდევაც.


4. ვთვლი, რომ ლარის გაუფასურებაც არასწორი ეკონომიკური პოლიტიკის შედეგია.   

 

საქართველოს დისტრიბუტორთა ბიზნეს ასოციაციის თავმჯდომარე ივა ჭყონია


1. მთავარი გადაწყვეტილება რომელიც პირველი გამახსენდა არის მათ მიერ შეპარული “ოქროს სიის“ გაუქმება.


2. იგივე შეიძლება ვთქვა საწვავსა და ალკოჰოლურ სასმელზე აქციზის გაზრდაზე. ამით ბიზნეს პრობლემები შეექმნა. როდესაც დაწიეს აქციზის გადასახადი, უკვე გვიან იყო. ამ ყველაფრის შედეგებს დღევანდელ დღესაც ვიმკით.

 

კომპანია „ჩემი რანჩოს“ დამფუძნებელი ვანო იოსელიანი

 

1. გამაბრაზა ფინანსთა სამინსიტროს ბოლო დროინდელმა გადაწყვეტილებამ, როდესაც გააუქმა “ოქროს სია“.  ვთვლი, რომ ეს საკმაოდ უხეშად იყო გაკეთებული. ჩემი აზრით, ეს მძიმე ტვირთად დააწვა ძალიან ბევრი კომპანიას და ძალიან ბევრი პრობლემა გამოიწვია. ერთ დღეში ასეთი გადაწყვეტილების მიღება, რბილად რომ ვთქვათ, არასწორია.


2. გავიხსენებ, ხორბლის  გადამზიდავებთან დაკავშირებით მოუმზადებლად და მოულოდნელად მიღებულ გადაწყვეტილებას. ესეც გაუთვლელი გადაწყვეტილება იყო და მოუწიათ შემდგომ უკან დახევა.

 

 

„ტექნობუმის“ დამფუძნებელი ანზორ ქოქოლაძე

 

ყველაზე მეტად რაზეც გავბრაზდი არის ის, რომ სამართლიანობა არ აღდგა. წართმეული ქონება, რომ არ დაბრუნდა, ამაზე გავბრაზდი ყველაზე მეტად. თუმცა საქართველოს მთავრობამ მიიღო ძალიან ბევრი გადაწყვეტილება რაზეც კამათი შეიძლება, რაზეც გაბრაზება ხმამაღალი ნათქვამი იქნება, სამართლიანობის აღდგენის გარდა სხვა ყველაფერი  სამსჯელო საკითხებია, მაგალითად, იგივე საბანკო რეგულაციები, რასაც თავის პლუსები და მინუსები  აქვს, შეიძლებოდა  უფრო რბილად გატარებულიყო, ისე რომ მომხმარებლებზე და კომპანიებზე ნაკლებად ასახულიყო. არის თემები, რომელიც გემოვნების ამბავია, ვიღაცას მოსწონს ვიღაცას არ მოსწონს.


ბაჩო ადამია





„20-მდე კომპანიის გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“

„20-მდე კომპანიის  გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“
access_time2020-04-07 16:45:20
ჯანდაცვის სამინისტროს შრომის პირობების ინსპექტირების დეპარტამენტის უფროსის ბექა ფერაძის ინფორმაციით, საქმიანობის ნებართვის გაგრძელების სურვილის მქონე 20-მდე კომპანია გადამოწმდა, რომელთაგან 6-ს განაცხადი ჯანდაცვის სამინისტროს რეკომენდაციების შეუსრულებლობის გამო არ დაუკმაყოფილდა. როგორც ბექა ფერაძემ „ინტერპრესნიუსს“ საწარმოების მხრიდან რეკომენდაციების შესრულების მონიტორინგის პროცესის შესახებ განუცხადა, ერთი დღის განმავლობაში COVID 19-ის გავრცელების პრევენციის მიზნით...

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე
access_time2020-04-07 15:00:16
მარტის თვის მდგომარეობით ქვეყანაში ინფლაციის დონე მნიშვნელოვნად არის გაზრდილი, 6.1%-ს შეადგენს და მიზნობრივ მაჩვენებელს ორჯერ აღემატება. ჩნდება კითხვა, - რატომ ვერ ართმევს ცენტრალური ბანკი თავს თავის უმთავრეს მოვალეობას  და რატომ ვერ ახერხებს ფასების საერთო დონის მოთოკვას. ამ კითხვებით „კომერსანტმა“, ახალგაზრდა ფინანსისტთა და ბიზნესმენთა ასოციაციის - „აფბას“ ვიცე-პრეზიდენტს, პაატა ბაირახტარს მიმართა. - პაატა,...

„დანკინმა“ ინფექციურის და პირველი საუნივერსიტეტო კლინიკის მედიკოსებს საუზმე მიართვა

„დანკინმა“  ინფექციურის  და პირველი საუნივერსიტეტო კლინიკის მედიკოსებს საუზმე მიართვა
access_time2020-04-07 12:30:35
ამერიკული რესტორნების ქსელმა „დანკინმა“ ინფექციურის და პირველი საუნივერსიტეტო კლინიკების ბოქსირებული განყოფილების მედიკოსებს დაუღალავი შრომისთვის მადლობის ნიშნად საუზმე მიართვა და საშუალება მისცა „დანკინის“ ყავით და დესერტებით ენერგიულად დაეწყოთ დილა. აქცია „ვისოლ ჯგუფის“ სოციალური კამპანიის ნაწილია, რომელიც საზოგადოებას თანამედროვე გმირებს გააცნობს დევიზით #შექმენიისტორია. შეგახსნებთ, რომ „დანკინის“ რესტორნები ახალი რეგულაციების გათვალისწინებით განაგრძობენ მუშაობას და...

„ქვეყნისთვის პრიორიტეტი ამ ეტაპზე სასოფლო-სამეურნეო მიწების დამუშავებაა“-ლაშა პაპაშვილი

„ქვეყნისთვის პრიორიტეტი ამ ეტაპზე სასოფლო-სამეურნეო მიწების დამუშავებაა“-ლაშა პაპაშვილი
access_time2020-04-07 14:00:16
„ქვეყნისთვის პრიორიტეტი ამ ეტაპზე სასოფლო-სამეურნეო მიწების დამუშავებაა“ -ამის შესახებ „კომერსანტს“ ბიზნესმენმა ლაშა პაპაშვილმა განუცხადა. ის მთავრობის გადაწყვეტილებას ბიზნესის გადაზღვევასა და კომუნალურების სუბსიდირებასთან დაკავშირებით, დადებითად აფასებს და ამბობს,რომ ხელისუფლებამ ყველაფერი უნდა გააკეთოს მოქალაქეებისთვის და შემდეგ ბიზნესისთვის. „ბიზნესისთვის სესხების გადაზღვევა რამდენად შეღავათს...

Bloomberg-ზე 1 დოლარი 3.1794 ლარად ივაჭრება, ბანკებში კი 1 დოლარი 3.2200 ლარი ღირს

Bloomberg-ზე 1 დოლარი 3.1794 ლარად ივაჭრება, ბანკებში კი 1 დოლარი 3.2200 ლარი ღირს
access_time2020-04-07 12:30:10
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1762-ით დაიწყო, 12:20 საათისთვის 1 დოლარი 3.1794-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 6 მარტის ვაჭრობის შედეგად აშშ დოლარის ღირებულებამ 3.1740 ლარი შეადგინა.  შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...


მსგავსი სიახლეები

up