საქართველოს ბანკის მომხმარებელს სულ ახალი ბიზნეს მობილბანკის გამოყენებით, საკუთარი ბიზნეს ოპერაციების მართვა ნებისმიერი ადგილიდან შეუძლია.
- მომხმარებელი ანგარიშების მართვით ნახულობს მიმდინარე ანგარიშს, თანხებს, დეპოზიტებს, ვალდებულებებს და ბარათებს;
- მობაილ ბანკის მეშვეობით მომხმარებელს შესაძლებლობა აქვს, რომ გადარიცხვები საქართველოს ნებისმიერ წერტილში განახორციელოს ლარში, გადაიხადოს საბიუჯეტო გადასახადები;
- სულ ახალი მობაილ ბანკის მეშვეობით დოკუმენტების დადასტურებით შესაძლებელია ბიზნეს ინტერნეტ ბანკიდან შექმნილი ყველა ტიპის ოპერაციის ხელმოწერა, რაც საგრძნობლად ზოგავს დროს და ამარტივებს პროცესებს.
- სულ ახალი ბიზნეს მობილბანკი მომხმარებელს კონვერტაციის დროს გადაცვლის შეღავათიან პირობებს სთავაზობს.
- პარამეტრების მორგებით შესაძლებელი პირადი ინფორმაციის ცვლილება. ასევე შესაძლებელია აირჩიო დიზაინის სასურველი რეჟიმი და ისარგებლო კომფორტული ავტორიზაციით.
„მოხარული ვართ წარმოგიდგინოთ სულ ახალი ბიზნეს მობილბანკი, რომელიც სპეციალურად მომხმარებლის საჭიროებების საპასუხოდ შეიქმნა. განახლებული ფუნქციონალის მთავარი მიზანია კიდევ უფრო გაუმარტივოს მომხმარებელს ყოველდღიური ბიზნეს ოპერაციები ისე, რომ მისთვის საჭირო აქტივობების განხორციელება სულ რამდენიმე წამში, ნებისმიერი ადგილიდან შეძლოს.
ჩვენ აქტიურად ვცდილობთ, რომ მაქსიმალურად გავითვალისწინოთ ყველა ის გამოწვევა, რომელსაც ბიზნესი ყოველდღიურ საქმიანობაში აწყდება. გვჯერა, რომ სულ ახალი ბიზნეს მობილბანკი მნიშვნელოვნად შეუწყობს ხელს ბიზნესის ეფექტურად მართვას“, - განაცხადა საქართველოს ბანკის ციფრული საბანკო მომსახურების დეპარტამენტის დირექტორმა, ლევან კობახიძემ.
(R)