მიწისქვეშა და მიწისზედა პარკინგის მშენებლობა მერიისთვის პრიორიტეტული აღარ არის - “რომ ვთქვათ, თბილისში საპარკინგე ადგილები არ გვაქვს, არ ვიქნებით მართლები“

მიწისქვეშა და მიწისზედა პარკინგის მშენებლობა მერიისთვის პრიორიტეტული აღარ არის - “რომ ვთქვათ, თბილისში საპარკინგე ადგილები არ გვაქვს, არ ვიქნებით მართლები“

access_time2019-05-21 13:30:24

მიწისქვეშა და მიწისზედა პარკინგების განვითარება კახა კალაძის ერთ-ერთი საარჩევნო დაპირება იყო. თუმცა მისი მერობიდან წელიწადნახევრის შემდეგ ქალაქში არც ერთი პროექტი არ განხორციელებულა. თბილისის 3 ლოკაციაზე მიწისქვეშა პარკინგების მშენებლობაზე ინტერესთა გამოხატვა რამდენჯერმე გამოცხადდა. მხოლოდ მესამე ჯერზე და ისიც მხოლოდ ერთ ლოკაციაზე გამოვლინდა გამარჯვებული, თუმცა ერთი კვირის წინ “კომერსანტისთვის“ გახდა ცნობილი, რომ კომპანია „იქს 2“-მა ფილარმონიასთან მიწისქვეშა პარკინგის მშენებლობაზე უარი თქვა - მიზეზი გერმანელი სპეციალისტების მიერ ჩატარებული კვლევა გახდა, რომლის მიხედვითაც, კომპანია ჩადებულ ინვესტიციას 18 წელი ვერ ამოიღებს.


მერიის ტრანსპორტის საქალაქო სამსახურის უფროსი მამუკა მუმლაძე განმარტავს, რომ პროექტის ჩავარდნის მიზეზი შეიძლება თბილისის მერიის სატრანსპორტო პოლიტიკა იყოს, რომელიც სამომავლოდ თბილისში ავტომობილების რაოდენობას საგრძნობლად შეამცირებს.


„დღეს გვაქვს მოცემულობა, რომ კონკრეტულ უბანში ძალიან ბევრი ავტომობილია. ბიზნესმენს თავისი გათვლა აქვს. მე თუ ამას ვუყურებ დღევანდელი მოცემულობით და  თუ ტრანსპორტის სისტემა არ განვითარდა, მაშინ პროექტი მომგებიანი იქნება. თუმცა, ბიზნესმენი მოვლენების განვითარებას დაელოდება, რადგან შეიძლება მანქანების რაოდენობით, მიზიდულობის წერტილი აღარ იყოს ისეთი, როგორიც დღეს არის. ანუ 10- წლიან გეგმაში ნაკლები კლიენტი ეყოლება. ეს განპირობებული იქნება სატრანსპორტო სისტემის განვითარებით. ამის მიუხედავად  ჩვენ ვთვლით, რომ კომპანიას მოგება ექნება“, — განაცხადა მამუკა მუმლაძემ.


მიუხედავად, იმისა, რომ მერიის ტრანსპორტის საქალაქო სამსახურის უფროსი აცხადებს, რომ ბიზნესსა და სახელმწიფოს შორის წარმატებული ურთიერთობა  შედგა. თავადვე ამბობს იმასაც, რომ  მიწისქვეშა და მიწისზედა პარკინგების მოწყობაზე არცერთი ხელშეკრულება არ გაფორმებულა. 



„ჩვენი მხრიდან საკითხისადმი სისტემური მიდგომაა, მეტი რა უნდა გაგვეკეთებინა? შეეძლოთ აეშენებინათ იმ ვადებში რაც თვითონ გვითხრეს, მაგრამ ბოლოს უკან დაიხიეს. ჩვენ მილიონები ხომ არ  მოგვითხოვია? ერთ ლარად გადავეცით მიწა და ვუთხარით, რომ ეს ბიზნესი იქნება მათი,  იმ ვადით რამდენ წელსაც თვითონ შემოგვთავაზებდნენ. საპარკინგე ადგილები ნაკლებად არის განვითარებული ისეთ ქვეყნებში, სადაც საზოგადოებრივი ტრანსპორტი მოწესრიგებულია. ძირითადად შეიძლება განიხილო აეროპორტის მიმდებარე ტერიტორია და დედაქალაქის გასასვლელები. ესეთი პარკინგები თბილისში უკვე შეიქმნა. მაგალითები,  უზარმაზარი პარკინგია ისთ ფოინთთან, თბილისი მოლთან, სადაც ადგილები სულ არის. ასევე გალერეა თბილისთან შეიქმნა დიდი საპარკინგე სივრცე. ვაჟა ფშაველას ბოლოს შენდება სავაჭრო ცენტრი, სადაც 1000- მდე საპარკინგე ადგილია გათვალისწინებული. ჩვენ რომ ვთქვათ, საპარკინგე ადგილები არ გვაქვს არ ვიქნებით მართლები. ეს სივრცეები დედაქალაქში შექმნილია და, სხვათა შორის, ბიზნესი ამასაც უყურებს“,- განმარტავს მამუკა მუმლაძე.


კითხვაზე — უნდა მიიღოს თუ არა მონაწილეობა თბილისის მერიამ  მიწისქვეშა და მიწისზედა პარკინგების დაფინანსებაში — მერიის ტრანსპორტის საქალაქო სამსახურის უფროსი გვპასუხობს:


„დღეს ამის საჭიროებას ვერ ვხედავ, ეს შეიძლება შეიცვალოს მას შემდეგ რა  საზოგადოებრივი ტრანსპორტის განვითარების კუთხით რესურსს ამოვწურავთ. თუ საზოგადოებრივ ტრანსპორტის განვითარების შემდეგაც, ისევ იმ რაოდენობის მანქანა დარჩა დედაქალაქში, თანხა მაშინ დაიხარჯება. დღეს  თანხა  დასახარჯი გვაქვს ავტობუსების ყიდვისთვის და სისტემის გამართვისთვის. 100 მლნ. ლარი მხოლოდ მეტროს მიმართულებით იხარჯება. ეს პრობლემები წინა წლებში რომ მოგვარებულიყო, რეალურად აქამდე  არ მოვიდოდით. სწორი სტრატეგიაა ასაღები, ჯერ რაც პრიორიტეტულია ის უნდა მოვაწესრიგოთ. ბიზნესს ჩვენ ისიც შევთავაზეთ, რომ რასაც ააშენებს, იმ ფართის 20 პროცენტი კომერციულ ფართად გამოიყენოს. ბიზნესია, მათი რისკია და უნდა გათვალონ, პარკირებაზე ტარიფს რას დაადებენ ესეც მათი საქმეა. მარტივი ფული უნდათ და ცოტა წინ უნდა გაიხედონ. ჩვენ თუ გადავწყვიტეთ მიწისქვეშა ან მიწისზედა პარკირების მოწყობას, თანადაფინანსებაში საერთოდ არ შევალთ და ჩვენ ავაშენებთ“, - განაცხადა მამუკა მუმლაძემ.


 ბაჩო ადამია





სტრასბურგის სასამართლო: რუსეთის მიერ კონვენციის დარღვევის ფაქტები დადასტურდა

სტრასბურგის სასამართლო: რუსეთის მიერ კონვენციის დარღვევის ფაქტები დადასტურდა
access_time2021-01-21 15:09:46
სტრასბურგის სასამართლოს ოფიციალური ინფორმაციის მიხედვით, საქმეზე „საქართველო რუსეთის წინააღმდეგ“ (II) დამტკიცდა, რომ რუსეთის ფედერაციის გარკვეულმა ადმინისტრაციულმა პრაქტიკამ, 2008 წლის აგვისტოში, დაარღვია კონვენცია, ორ სახელმწიფოს შორის შეიარაღებული კონფლიქტის ფონზე.    სასამართლოს აზრით, საბრძოლო მოქმედებების აქტიურ ეტაპზე (2008 წლის 8-დან 12 აგვისტომდე) მომხდარი მოვლენები არ შედიოდა რუსეთის ფედერაციის იურისდიქციაში. ამასთან, მან დაადგინა, რომ რუსეთის ფედერაციამ...

თეა წულუკიანი - ჩვენ გავიმარჯვეთ, საქართველომ რუსეთს დავა მოუგო

თეა წულუკიანი - ჩვენ გავიმარჯვეთ, საქართველომ რუსეთს დავა მოუგო
access_time2021-01-21 14:40:00
ჩვენ გავიმარჯვეთ, გილოცავ, საქართველო, გილოცავთ ყველას დიდ გამარჯვებას, საქართველომ რუსეთს დავა მოუგო, – ამის შესახებ საქართველოს პარლამენტის განათლების კომიტეტის თავმჯდომარე თეა წულუკიანი სოციალურ ქსელში წერს. „ჩვენ გავიმარჯვეთ! გილოცავ, საქართველო! გილოცავთ ყველას დიდ გამარჯვებას! საქართველომ რუსეთს დავა მოუგო! სტრასბურგის სასამართლოს დიდმა პალატამ ჩვენთვის ეს უმნიშვნელოვანესი გადაწყვეტილება რამდენიმე წუთის წინ ზეპირ სხდომაზე გამოაცხადა! ასეთი დოკუმენტი...

ქართველი ფერმერები ნიგვზის ფასის უჩვეულო ვარდნაზე საუბრობენ

ქართველი ფერმერები ნიგვზის ფასის უჩვეულო ვარდნაზე საუბრობენ
access_time2021-01-21 14:00:39
ქართველი მეთხილეების ინფორმაციით, 2020-2021 წლების სეზონზე ქვეყანაში ნიგოზზე უჩვეულოდ დაბალი ფასები დაფიქსირდა.   მათი აზრით, ეს არაბუნებრივია იმის გათვალისწინებით, რომ 2020 წელს რამდენიმე რეგიონში ყინვების გამო ამ პროდუქტის მოსავლის ნაწილი განადგურდა, შესაბამისად, მოსალოდნელი იყო ფასების არა ვარდნა, არამედ ზრდა.   თუმცა, როგორც ჩანს,  მათი მოლოდინები არ გამართლდა - ფასები ნიგოზზე საქართველოში წინა სეზონთან შედარებით 14%-ით...

საქართველოს მთავრობამ Covid-ვაქცინაციის დანერგვის ეროვნული გეგმა დაამტკიცა

საქართველოს მთავრობამ Covid-ვაქცინაციის დანერგვის ეროვნული გეგმა დაამტკიცა
access_time2021-01-21 12:25:09
პრეზენტაცია ჯანდაცვის მინისტრის მოადგილემ, თამარ გაბუნიამ გამართა, რომელმაც თქვა, რომ ძირითადი ამოცანაა, წლის ბოლომდე მოსახლეობის 60% აიცრას.   გაბუნიას თქმით, აღნიშნული მთავრობას ეკონომიკის უსაფრთხოდ გახსნის საშუალებას მისცემს და ამასთანავე, შეამცირებს ვირუსის გავრცელების რისკებს.   „დღეს მთავრობის სხდომაზე განხილული იქნა და დამტკიცდა ვაქცინაციის ეროვნული გეგმა, რომელიც იქნება გზამკვლევი კოვიდსაწინააღმდეგო ვაქცინის დანერგვისთვის წლის ბოლომდე. გეგმის...

ევროკავშირის 28 სახელმწიფოდან 25-თან საქართველოს უარყოფითი სავაჭრო ბალანსი გააჩნია

ევროკავშირის 28 სახელმწიფოდან 25-თან საქართველოს უარყოფითი სავაჭრო ბალანსი გააჩნია
access_time2021-01-21 13:15:53
იმპორტის $1.5 მლრდ-იანი კლების ხარჯზე, საქართველოს უარყოფითი სავაჭრო ბალანსი $1.056 მლრდ-ით $4.663 მლრდ-მდე შემცირდა, თუმცა სახელმწიფოთა აბსოლუტურ უმრავლესობასთან სვაჭრო სალდო კვლავ დეფიციტურია.  ევროკავშირთან ასოცირების ხელშეკრულებას 2014 წლის ივნისში მოეწერა ხელი. 2015 წელს ექსპორტმა ევრო გაერთიანებაში $645 მლნ შეადგინა, 2020 წელს - $717 მლნ, მაქსიმალურ $819 მლნ-იან მაჩვენებელს 2019 წელს მიაღწია. იმავე პერიოდში ჩინეთში ექსპორტი $126 მლნ-დან $476 მლნ-მდე გაიზარდა....


მსგავსი სიახლეები

up